અફઘાનિસ્તાને દાવો કર્યો છે કે તેની વાયુસેનાએ પાકિસ્તાનમાં ઘૂસીને આઇએસઆઇએસ ઠેકાણાઓ પર હવાઈ હુમલા કર્યા છે. આ હુમલાઓ બલુચિસ્તાન અને ખૈબર પખ્તુનખ્વામાં આઇએસઆઇએસ ઠેકાણાઓ પર કરવામાં આવ્યા હતા. અફઘાન સંરક્ષણ મંત્રાલયે એક નિવેદન બહાર પાડીને જણાવ્યું હતું કે અફઘાન વાયુસેનાએ બલુચિસ્તાનના પાશીન જિલ્લાના સરનન વિસ્તારમાં આઇએસઆઇએસ આતંકવાદી ઠેકાણા પર હવાઈ હુમલા કર્યા છે.
જાકે, પાકિસ્તાને હજુ સુધી આ બાબતે કોઈ ટિપ્પણી કરી નથી. અગાઉ, પાકિસ્તાને ૨૯ જૂને અફઘાનિસ્તાનમાં હવાઈ હુમલો કર્યો હતો, જેમાં ૩૬ નાગરિકો માર્યા ગયા હતા અને ૧૬૦ થી વધુ લોકો ઘાયલ થયા હતા. ત્યારબાદ, અફઘાનિસ્તાને બદલો લેવાની પ્રતિજ્ઞા લીધી હતી. અને હવે, અફઘાનિસ્તાને બદલો લેવાનો દાવો કર્યો છે.
અફઘાન સંરક્ષણ મંત્રાલયના જણાવ્યા અનુસાર, આ કાર્યવાહી આતંકવાદી ઠેકાણાઓને નિશાન બનાવીને કરવામાં આવી હતી જ્યાંથી અફઘાનિસ્તાન વિરુદ્ધ આતંકવાદી પ્રવૃત્તિઓનું આયોજન કરવામાં આવી રહ્યું હતું. મંત્રાલયે જણાવ્યું હતું કે હવાઈ હુમલો ફક્ત ગુપ્ત માહિતીના આધારે કરવામાં આવ્યો હતો અને તેનો હેતુ ફક્ત ઠેકાણાઓને નષ્ટ કરવાનો હતો. જોકે, આ દાવાની હજુ સુધી સ્વતંત્ર રીતે પુષ્ટિ થઈ નથી.
અફઘાનિસ્તાને એમ પણ કહ્યું હતું કે દેશ તેની રાષ્ટ્રીય સુરક્ષા સાથે સમાધાન કરશે નહીં. તે સરહદ પારના આતંકવાદી ખતરોનો જવાબ આપવા માટે જરૂરી પગલાં લેવાનું ચાલુ રાખશે. અધિકારીઓ કહે છે કે જા ભવિષ્યમાં અફઘાનિસ્તાનની સુરક્ષાને જાખમ થાય તો આવી જ કાર્યવાહી કરવામાં આવી શકે છે.
નોંધનીય છે કે તાજેતરના મહિનાઓમાં સરહદ પાર સુરક્ષા અને આતંકવાદને લઈને પાકિસ્તાન અને અફઘાનિસ્તાન વચ્ચે તણાવ સતત વધી રહ્યો છે. પાકિસ્તાન લાંબા સમયથી આરોપ લગાવતું આવ્યું છે કે આતંકવાદી સંગઠનો તેની વિરુદ્ધ અફઘાનિસ્તાનની જમીનનો ઉપયોગ કરે છે, જ્યારે અફઘાનિસ્તાન આ આરોપોને નકારે છે અને પાકિસ્તાન પર તેના પ્રદેશ પર કબજા કરવાનો અને તેની સાર્વભૌમત્વનું ઉલ્લંઘન કરવાનો આરોપ લગાવે છે. નવીનતમ ઘટનાક્રમ બાદ, પાકિસ્તાન-અફઘાનિસ્તાન સંબંધોમાં તણાવ વધુ વધવાની શક્્યતા છે.
