ઓસ્ટ્રેલિયન ફાસ્ટ બોલર નાથન એલિસ ઈજાને કારણે દક્ષિણ આફ્રિકા સામેની ત્રીજી અને અંતિમ વનડેમાંથી બહાર થઈ ગયો છે. જાહાનિસબર્ગમાં બીજી વનડે દરમિયાન અવેજી તરીકે ફિલ્ડિંગ કરતી વખતે ડાબા હાથના સ્પિનર જાએલ ડેવિસને પણ હેમસ્ટ્રિંગની ઈજા થઈ હતી અને તે હવે પ્રવાસમાંથી બહાર છે. ઓસ્ટ્રેલિયન બોર્ડે તેમના રિપ્લેસમેન્ટની જાહેરાત કરી નથી. નાથન એલિસની ઈજા ઓસ્ટ્રેલિયા માટે મોટો ફટકો છે, કારણ કે તે ઝિમ્બાબ્વે અને દક્ષિણ આફ્રિકા પ્રવાસ પર ટીમનો શ્રેષ્ઠ બોલર હતો.
બીજી વનડેમાં ફક્ત ચાર ઓવર ફેંક્યા બાદ, એલિસને સાઇડ સ્ટ્રેનનો સામનો કરવો પડ્યો, જેના કારણે તે પોતાનો ઓવર પૂરો કરવા માટે મેદાનમાં પાછો ફરી શક્યો નહીં. તે હવે વધુ મૂલ્યાંકન અને પુનર્વસન માટે દેશમાં પાછો ફરશે જેથી ખાતરી કરી શકાય કે તે ૧૩ નવેમ્બરથી શરૂ થતી ઇંગ્લેન્ડ સામેની ઘરેલુ વનડે શ્રેણી માટે સંપૂર્ણપણે ફિટ છે. દક્ષિણ આફ્રિકા સામેની બીજી વનડેમાં ઓસ્ટ્રેલિયાનો કારમી હાર થયો હતો. તે મેચમાં દક્ષિણ આફ્રિકા માટે ટેમ્બા બાવુમા અને ડેવિડ મિલરે સદી ફટકારી હતી.
નાથન એલિસની બહાર થયા બાદ, ઓસ્ટ્રેલિયા પાસે ૩૦ સપ્ટેમ્બરે પોચેફસ્ટ‰મમાં રમાનારી અંતિમ વનડે માટે પસંદગી કરવા માટે ફક્ત ચાર ફિટ ફાસ્ટ બોલરો છે. પ્રથમ બે મેચ ગુમાવ્યા બાદ, પેટ કમિન્સ આ મેચ માટે ટીમમાં પાછા આવી શકે છે, જ્યારે મિશેલ સ્ટાર્ક પણ બીજી મેચ માટે આરામ આપ્યા બાદ રમી શકે છે. પ્રથમ બે મેચ રમનાર જાશ હેઝલવુડને પણ આરામ આપવામાં આવી શકે છે. આનાથી ઝેવિયર બાર્ટલેટ પ્લેઇંગ ઇલેવનમાં પોતાનું સ્થાન જાળવી શકશે.
આ દરમિયાન, ઓસ્ટ્રેલિયન પસંદગીકારોએ હાલમાં ભારતના પ્રવાસે રહેલી ઓસ્ટ્રેલિયા છ ટીમમાં પણ કેટલાક ફેરફારો કર્યા છે. બ્રેન્ડન ડોગેટ, ફર્ગસ ઓ’નીલ અને કેમ્પબેલ કેલાવે શેફિલ્ડ શીલ્ડ સીઝનની શરૂઆત માટે ભારતથી સ્વદેશ પરત ફરશે. સેમ હાર્પર, ઝાય રિચાર્ડસન અને લિયામ હેચર મંગળવારથી પુડુચેરીમાં શરૂ થનારી બીજી બિનસત્તાવાર ટેસ્ટ મેચમાં રમશે.
૬ ઓક્ટોબરથી શરૂ થનારી ત્રણ મેચની શ્રેણી માટે ઓસ્ટ્રેલિયા એ વનડે ટીમમાં રાઈલી મેરેડિથ અને વિલ સધરલેન્ડનો સમાવેશ કરવામાં આવ્યો છે. આ ખેલાડીઓ જેક એડવર્્ સ અને એરોન હાર્ડીનું સ્થાન લેશે. જેક એડવર્ડ્સ હાલમાં દક્ષિણ આફ્રિકામાં છે, તેને કેમેરોન ગ્રીનના સ્થાને ત્યાં મોકલવામાં આવ્યો છે અને તે શ્રેણીની પ્રથમ બે વનડે મેચ રમી ચૂક્યો છે. દરમિયાન, એરોન હાર્ડીને ઘૂંટણની નાની ઈજાને કારણે શ્રેણીમાંથી બહાર કરવામાં આવ્યો છે.
