સુપ્રીમ કોર્ટે પશ્ચિમ બંગાળના ભૂતપૂર્વ મુખ્યમંત્રી મમતા બેનર્જીની તૃણમૂલ કોંગ્રેસના નામ અને પક્ષ પ્રતીક ફ્રીઝ કરવાના ચૂંટણી પંચના નિર્ણયને પડકારતી અરજી પર તાત્કાલિક સુનાવણી મંજૂર કરી.ટીએમસીનું પ્રતિનિધિત્વ કરતા વરિષ્ઠ વકીલ કપિલ સિબ્બલે મુખ્ય ન્યાયાધીશ સૂર્યકાંત, ન્યાયાધીશ જાયમલ્યા બાગચી અને વી. મોહનાની બનેલી બેન્ચ સમક્ષ તાત્કાલિક સુનાવણીની માંગ કરી.સિબ્બલે કહ્યું, “તેઓ એક સૂચના બહાર પાડે છે અને સૂચનાની વચ્ચે, તેઓ ચૂંટણી પ્રતીક ફ્રીઝ કરે છે. આ શું થઈ રહ્યું છે? અમે ઇચ્છીએ છીએ કે આ બાબત તાત્કાલિક સૂચિબદ્ધ થાય.” શુક્રવારે, ચૂંટણી પંચે મમતા બેનર્જી અને ઋતાબ્રત બેનર્જીના હરીફ જૂથોને અલગ નામો અને ચૂંટણી પ્રતીકો ફાળવ્યા. એક દિવસ પહેલા, તેના વચગાળાના નિર્ણયમાં, પંચે બંને જૂથોને ‘ઓલ ઈÂન્ડયા તૃણમૂલ કોંગ્રેસ’ નામનો ઉપયોગ કરવા પર પ્રતિબંધ મૂક્્યો હતો અને વિવાદ પર અંતિમ નિર્ણય ન આવે ત્યાં સુધી પક્ષના ચૂંટણી પ્રતીકને સ્થિર કરી દીધું હતું.
સુપ્રીમ કોર્ટમાં દાખલ કરેલી પોતાની અરજીમાં, બેનર્જીએ ચૂંટણી પંચ અને પશ્ચિમ બંગાળ વિધાનસભામાં વિરોધ પક્ષના નેતા ઋતાબ્રત બેનર્જીને પ્રતિવાદી તરીકે નામ આપ્યા છે. ૧૮ સપ્ટેમ્બરના રોજ, બેનર્જીએ તૃણમૂલ કોંગ્રેસનું નામ અને “ઘાસ અને ફૂલોની જાડી” ચૂંટણી ચિહ્ન ફ્રીઝ કરવાના ચૂંટણી પંચના નિર્ણયની ટીકા કરી હતી. તેમણે પક્ષની ઓળખ ગુમાવવાની તુલના માતા દ્વારા તેના બાળકને ગુમાવવાના દુઃખ સાથે કરી અને તેને દેશના લોકશાહી ઇતિહાસમાં “કાળો દિવસ” ગણાવ્યો.
