તેલંગાણા કોંગ્રેસમાં ચાલી રહેલા વિવાદ વચ્ચે, મુખ્યમંત્રી એ. રેવંત રેડ્ડીએ ગુરુવારે મંત્રી કોંડા સુરેખાને મંત્રીમંડળમાંથી દૂર કરવાનો નિર્ણય લીધો. આ સંદર્ભમાં એક ભલામણ રાજ્યપાલને મોકલવામાં આવી છે. તેલંગાણા પ્રદેશ કોંગ્રેસ સમિતિની શિસ્ત સમિતિની ભલામણ બાદ મુખ્યમંત્રીનો આ નિર્ણય આવ્યો છે. સમિતિએ તાજેતરના વિવાદાસ્પદ નિવેદનો બદલ મંત્રી સુરેખાની પુત્રી સામે કાર્યવાહી કરવાની ભલામણ કરી હતી. સુરેખાને કેબિનેટમાંથી દૂર કરવા ઉપરાંત, સમિતિએ ચિન્ના રેડ્ડીને આયોજન બોર્ડમાંથી દૂર કરવાની પણ ભલામણ કરી હતી. ચિન્ના રેડ્ડીને પણ તેમના પદ પરથી દૂર કરવામાં આવ્યા છે. ગડવાલ વિજયલક્ષ્મીને તેલંગાણા આયોજન બોર્ડના વડા તરીકે નિયુક્ત કરવામાં આવ્યા છે.સુરેખાની આસપાસનો વિવાદ ત્યારે શરૂ થયો જ્યારે તેમની પુત્રી, કોંડા સુષ્મિતા પટેલે ઓગસ્ટમાં એક જાહેર કાર્યક્રમમાં રેવંત અને તેમના પરિવારની ટીકાત્મક ટિપ્પણીઓ કરી હતી. મંત્રી સુરેખાએ કહ્યું હતું કે તેમની પુત્રીના વિચારો વ્યક્તિગત છે અને તેમને તેના માટે જવાબદાર ઠેરવવા જાઈએ નહીં. જાકે, કોંગ્રેસ પક્ષના ધારાસભ્યો, ખાસ કરીને મુખ્યમંત્રી રેવંત રેડ્ડીના છાવણીના ધારાસભ્યોએ સુરેખા સામે શિસ્તભંગના પગલાં લેવાની માંગ કરી હતી.દિલ્હીની મુલાકાત દરમિયાન, રેવંતે ઓલ ઇન્ડિયા કોંગ્રેસ સમિતિના મહાસચિવ કેસી વેણુગોપાલ સમક્ષ પણ આ મુદ્દો ઉઠાવ્યો હતો અને તેમની સામે કડક કાર્યવાહીની માંગ કરી હતી. વધતા દબાણ છતાં, સુરેખાએ રાજીનામું આપવાનો ઇનકાર કર્યો હતો અને પાર્ટી નેતૃત્વને તેમની સામે કાર્યવાહી કરવા પડકાર ફેક્યો હતો. બુધવારે તેઓ દિલ્હીમાં કોંગ્રેસ પ્રમુખ મલ્લિકાર્જુન ખડગેને પણ મળ્યા હતા, પરંતુ તેમને સ્પષ્ટપણે કહેવામાં આવ્યું હતું કે તેમની સામે કાર્યવાહી કરવામાં આવશે.ઓબીસી મહિલા નેતા સુરેખાને હટાવવાથી થયેલા નુકસાનની ભરપાઈ કરવા માટે, મુખ્યમંત્રીએ તાત્કાલિક વારંગલ જિલ્લાની ત્રણ ઓબીસી મહિલાઓને બોર્ડ અને કોર્પોરેશનોના અધ્યક્ષ તરીકે નિયુક્ત કર્યા. રેવંતે ગડવાલ વિજયલક્ષ્મીને તેલંગાણા આયોજન બોર્ડના ઉપાધ્યક્ષ તરીકે, નેરેલા શારદાને તેલંગાણા રાજ્ય મહિલા આયોગના અધ્યક્ષ તરીકે અને ભૂતપૂર્વ રાજ્યસભા સાંસદ જી સુધા રાનીને કાકટિયા શહેરી વિકાસ સત્તામંડળના અધ્યક્ષ તરીકે નિયુક્ત કર્યા. તેલંગાણામાં રાજકીય વિવાદ પણ ગયા મહિને સમાચારમાં હતો.
