વેસ્ટ ઈન્ડીઝ અને પાકિસ્તાન વચ્ચે ટેસ્ટ શ્રેણી શરૂ થઇ છે. તે પહેલાં, એક મોટા અને મહત્વપૂર્ણ સમાચાર સામે આવ્યા છે. વેસ્ટ ઈન્ડીઝના ફાસ્ટ બોલર અલ્ઝારી જોસેફે સ્વેચ્છાએ પાકિસ્તાન સામે રમવાનો ઇનકાર કર્યો છે. ટીમના મુખ્ય કોચ ડેરેન સેમી દ્વારા આ વાતનો ખુલાસો કરવામાં આવ્યો છે.
વર્લ્ડ ટેસ્ટ ચેમ્પિયનશિપના ભાગ રૂપે વેસ્ટ ઈન્ડીઝ અને પાકિસ્તાન વચ્ચે ટેસ્ટ શ્રેણી ચાલી રહી છે. આ શ્રેણી માટે વેસ્ટ ઈન્ડીઝ ટીમની જાહેરાત કરવામાં આવી છે. આ દરમિયાન, વેસ્ટ ઈન્ડીઝના મુખ્ય કોચ ડેરેન સેમીએ જણાવ્યું છે કે અલ્ઝારી જોસેફે પાકિસ્તાન સામે બે મેચ રમવાનો ઇનકાર કર્યો છે. સેમીએ જણાવ્યું હતું કે જાસેફે સ્વેચ્છાએ રમવાનો ઇનકાર કર્યો છે. સેમીએ જણાવ્યું હતું કે જાસેફ ઈજામાંથી સ્વસ્થ થઈ રહ્યો છે અને જા તે રમવા માંગતો હોત તો તેની પસંદગી થઈ હોત, પરંતુ તેણે ઇનકાર કર્યો છે, એમ કહીને કે આ ટીમ માટે હાનિકારક હશે.
જ્યારે સેમીને પૂછવામાં આવ્યું કે શા માટે, ત્યારે તેણે વ્યક્તિગત કારણોનો ઉલ્લેખ કર્યો. તેણે એમ પણ ઉમેર્યું કે આ નિર્ણય તેના વ્યક્તિગત અધિકારની બહાર છે. સેમીએ કહ્યું કે જા કોઈ ખેલાડી રમવાનો ઇનકાર કરે તો શું કરવું તે વેસ્ટ ઈન્ડીઝ બોર્ડ નક્કી કરશે. અલ્ઝારી જાસેફ વેસ્ટ ઈન્ડીઝ બોર્ડ સાથે કરારબદ્ધ ખેલાડી છે, અને તેથી, તેનો નિર્ણય મોંઘો સાબિત થઈ શકે છે.
પાકિસ્તાન પહેલાથી જ વેસ્ટ ઈન્ડીઝ પહોંચી ગયું છે. વર્લ્ડ ટેસ્ટ ચેમ્પિયનશિપનો ભાગ રહેલી પહેલી મેચ ૨૫ જુલાઈના રોજ પોર્ટ ઓફ સ્પેનમાં સાંજે ૭ઃ૩૦ વાગ્યે રમાશે. આ વર્ષે, પાકિસ્તાન વર્લ્ડ ટેસ્ટ ચેમ્પિયનશિપ પોઈન્ટ ટેબલમાં સૌથી નીચે છે, જ્યારે વેસ્ટ ઈન્ડીઝ એક સ્થાન આગળ છે. આનો અર્થ એ થયો કે આ મેચ બે સૌથી નીચેની ટીમો વચ્ચે રમાશે. સ્વાભાવિક છે કે, જ્યારે મેચ સમાપ્ત થશે, ત્યારે પોઈન્ટ ટેબલમાં નહીં તો ઓછામાં ઓછું રેન્કિંગમાં ફેરફાર થશે.
