રાજુલા સ્થિત મહાત્મા ગાંધી આરોગ્ય મંદિર ટ્રસ્ટ હોસ્પિટલ અને સ્વાન ડિફેન્સ એન્ડ હેવી ઇન્ડસ્ટ્રીઝના સંયુક્ત ઉપક્રમે આગામી ૧૮ જૂન ગુરુવારના રોજ સવારે ૮ઃ૦૦ થી બપોરે ૧ઃ૦૦ વાગ્યા સુધી એક ભવ્ય નિઃશુલ્ક આરોગ્ય કેમ્પનું આયોજન કરવામાં આવ્યું છે. લીલાપીરીની ધાર ખાતે આવેલી હોસ્પિટલના પરિસરમાં યોજાનારા આ કેમ્પમાં આંખના નિષ્ણાત ડો. મુગાંક પટેલ, કેન્સર સર્જન ડો. રવિન્દ્રસિંહ જાડેજા, ન્યુરો સર્જન ડો. અશોક વાળિયા અને એમ.ડી. ફિઝિશિયન ડો. વિપુલ જોલીયા જેવા પ્રખ્યાત તબીબો દર્દીઓને નિઃશુલ્ક તપાસ અને જરૂરી માર્ગદર્શન આપશે. આ ઉપરાંત, જરૂરિયાતમંદ દર્દીઓ માટે સાવરકુંડલા હોસ્પિટલ ખાતે મોતિયાના ઓપરેશન પણ સંપૂર્ણપણે મફત કરી આપવામાં આવશે. આયોજકોએ રાજુલા અને આસપાસના ગ્રામ્ય વિસ્તારના તમામ નાગરિકોને આ અમૂલ્ય તબીબી સેવાનો મહત્તમ લાભ લેવા માટે ખાસ અપીલ કરી છે.
