અમદાવાદ શહેર સેશન્સ કોર્ટમાં આવેલી સ્પેશિયલ એસીબી કોર્ટમાં મિલકતના દસ્તાવેજાની પ્રક્રિયા કરવા માટે ૨.૫૦ લાખની લાંચ લેતા પકડાયેલા આરોપી નરેન્દ્ર બોહરાએ જામીન અરજી દાખલ કરી હતી.આ કેસ જજ બી.બી. જાધવના અધ્યક્ષસ્થાને યોજાયો હતો, જેમાં સરકારી વકીલ દિલીપસિંહ એમ. ઠાકોર હાજર રહ્યા હતા.
આપને જણાવી દઈએ એક વ્યક્તિએ તેની રહેણાંક મિલકત માટે દસ્તાવેજાની પ્રક્રિયા કરવાની જરૂર હતી. શરૂઆતમાં, સબ-રજિસ્ટ્રાર આકાશ દેસાઈએ મિલકતના રેકોર્ડ સાથે સંકળાયેલ “નુકસાન” (ટેકનિકલ વિસંગતતા) દૂર કરી. ત્યારબાદ, જય ભીલ જે કોન્ટ્રાક્ટ ધોરણે ઓફિસમાં સ્ટેમ્પિંગ ફરજા બજાવે છે એ ફરિયાદીનો વોટ્સએપ દ્વારા સંપર્ક કર્યો, કેસની વિગતો અનુસાર તેને ખાતરી આપી કે તેનું દસ્તાવેજનું કાર્ય પૂર્ણ થશે અને તેને હવે કલેક્ટર આૅફિસમાં વધુ ચક્કર લગાવવાની જરૂર નહીં રહે.
જાણકારી અનુસાર સબ-રજિસ્ટ્રાર ઓફિસ (નરોડા-૬) માં ઓપરેટર તરીકે કામ કરતા જય ભીલ, કોન્ટ્રાક્ટ સર્ચ ઓપરેટર રાહિલ શેખ ફરિયાદી સાથે મળ્યો. ત્યારબાદ ફરિયાદીના ટોકનને અનલોક કરવા માટે આરોપી રાહિલ શેખે મિત્રના ઊઇ કોડનો ઉપયોગ કરીને ફરિયાદી પાસેથી ૩૫,૦૦૦ ની ઓનલાઈન ચુકવણી સ્વીકારી. વધુમાં, સબ-રજિસ્ટ્રાર વતી ૨.૫૦ લાખની લાંચ માંગવામાં આવી હતી. જાકે, ફરિયાદી આરોપીને લાંચના પૈસા આપવા તૈયાર ન હતો, તેથી તેણે એસીબીનો સંપર્ક કર્યો.
જેનો લાભ લઈ એસીબીએ લાંચ કૌભાંડનો પર્દાફાશ કરવા માટે છટકું ગોઠવ્યું. કામગીરી દરમિયાન, આરોપી જય ભીલ જાણી જાઈને ફરિયાદી સાથે વાતચીતમાં વ્યસ્ત રહ્યો. ત્યારબાદ આરોપીને સબ-રજિસ્ટ્રાર વતી ફરિયાદી પાસેથી તૃતીય-પક્ષ ખાનગી વ્યક્તિ દ્વારા લાંચના પૈસા સ્વીકારતા રંગે હાથે પકડવામાં આવ્યો. આ મામલે,આરોપીએ અમદાવાદ સેશન્સ કોર્ટમાં જામીન અરજી દાખલ કરી હતી, જેને આખરે ન્યાયાધીશ બી.બી. જાધવે ફગાવી દીધી હતી.
