રણબીર કપૂર તેમની આગામી ફિલ્મ ‘રામાયણ’ માટે સમાચારમાં છે. દરમિયાન, તેમણે ઉત્તર પ્રદેશના અયોધ્યામાં એક જમીન ખરીદી છે. એક રિયલ એસ્ટેટ કંપનીએ આ જાહેરાત કરી.
એક સત્તાવાર નિવેદન મુજબ, ૨,૧૩૪ ચોરસ ફૂટ જમીનના ટુકડા માટે આશરે રૂ. ૩.૩૧ કરોડમાં સોદો થયો હતો. આ પ્લોટ સરયુ નદીના કિનારે સ્થિત ૭૫ એકરના પ્લોટવાળા પ્રોજેક્ટ ‘ધ સરયુ’ પ્રોજેક્ટનો ભાગ છે.
આ રોકાણ અંગે, કપૂરે કહ્યું, “હું માનું છું કે અયોધ્યાએ મને પસંદ કર્યો છે. મેં ફક્ત હાકલનો જવાબ આપ્યો છે. અયોધ્યા આપણા ઇતિહાસમાં ઊંડે સુધી મૂળ ધરાવે છે અને આપણા સાંસ્કૃતિક માળખાનો એક મહત્વપૂર્ણ ભાગ છે.” ‘ધ સરયુ’માં આ જમીન મારા માટે એક માર્ગ બની ગઈ જેથી તે મારા પરિવાર માટે મારા વારસાનો ભાગ રહે.
કપૂર ઉપરાંત, અમિતાભ બચ્ચને પણ અયોધ્યામાં ચાર મિલકતો ખરીદી છે.અહેવાલ મુજબ, ૨૦૨૫ માં, પીઢ અભિનેતાએ શહેરમાં ૪૦ કરોડ રૂપિયામાં ૨૫,૦૦૦ ચોરસ ફૂટનો પ્લોટ ખરીદ્યો હતો. તેમણે ‘ધ સરયુ’ પ્રોજેક્ટમાં ૧૪.૫ કરોડ રૂપિયાનું રોકાણ કર્યું છે અને ૫૪,૦૦૦ ચોરસ ફૂટનો પ્લોટ ખરીદ્યો છે. તે અમિતાભના પિતા હરિવંશ રાય બચ્ચનના ટ્રસ્ટના નામે નોંધાયેલ છે.
રણબીર કપૂર આગામી સમયમાં નિતેશ તિવારીની ફિલ્મ ‘રામાયણ’માં ભગવાન રામની ભૂમિકામાં જાવા મળશે. ફિલ્મનો પહેલો ભાગ ૨૦૨૬ માં દિવાળી પર રિલીઝ થવાનો છે. તેમની પાસે સંજય લીલા ભણસાલી દ્વારા દિગ્દર્શિત આલિયા ભટ્ટ અને વિકી કૌશલ સાથે ‘લવ એન્ડ વોર’ પણ છે.
