દિલ્હી રમખાણો કેસમાં લાંબા સમયથી જેલમાં રહેલા ઉમર ખાલિદે ફરી એકવાર સુપ્રીમ કોર્ટનો સંપર્ક કર્યો છે. આ વખતે, ખાલિદે તેની જામીન અરજી ફગાવી દેવાને પડકારતી સમીક્ષા અરજી દાખલ કરી છે. ઉમર ખાલિદે સુપ્રીમ કોર્ટના ૫ જાન્યુઆરીના નિર્ણયની સમીક્ષાની માંગ કરી છે, જેમાં તેમને જામીન આપવાનો સ્પષ્ટ ઇનકાર કરવામાં આવ્યો હતો. સોમવારે, વરિષ્ઠ વકીલ કપિલ સિબ્બલે કોર્ટ સમક્ષ આ અરજીનો ઉલ્લેખ કર્યો. સિબ્બલે બેન્ચને વિનંતી કરી કે આ કેસ બુધવાર, ૧૫ એપ્રિલના રોજ સુનાવણી માટે સૂચિબદ્ધ હોવાથી, તેની સુનાવણી બંધ રૂમમાં નહીં પણ ખુલ્લી કોર્ટમાં થવી જાઈએ.
સામાન્ય રીતે, સુપ્રીમ કોર્ટના નિયમો અનુસાર, ન્યાયાધીશો તેમના ચેમ્બરમાં સમીક્ષા અરજીઓ પર વિચાર કરે છે, જેમાં વકીલોને દલીલ કરવાની તક મળતી નથી. જાકે, ન્યાયાધીશ સૂર્યકાંતની બેન્ચે કપિલ સિબ્બલની વિનંતીનો સકારાત્મક પ્રતિભાવ આપતા કહ્યું કે તેઓ તેના પર વિચાર કરશે અને ટૂંક સમયમાં નક્કી કરશે કે સુનાવણી ખુલ્લી કોર્ટમાં થશે કે નહીં.
દિલ્હી રમખાણોને ભડકાવવાના કાવતરાના આરોપોનો સામનો કરી રહેલા ઉમર ખાલિદ માટે ૧૫ એપ્રિલનો દિવસ મહત્વપૂર્ણ રહેશે. તેમના વકીલો અગાઉની સુનાવણી દરમિયાન અવગણવામાં આવેલી દલીલો ન્યાયાધીશો સમક્ષ ફરીથી રજૂ કરવાનો પ્રયાસ કરી રહ્યા છે. સિબ્બલે કોર્ટને કહ્યું, “મારી એકમાત્ર વિનંતી છે કે તમે આ કેસની સુનાવણી ખુલ્લી કોર્ટમાં કરવાનું વિચારો.”
જા કોર્ટ આ વિનંતી સ્વીકારે છે, તો ઉમર ખાલિદના વકીલોને ન્યાયાધીશો સમક્ષ મૌખિક દલીલો રજૂ કરવાની તક મળશે, જે ઘણીવાર સમીક્ષા અરજીઓમાં ઉપલબ્ધ હોતી નથી.
