રાજકોટ ગ્રામ્ય સ્પેશિયલ ઓપરેશન ગ્રુપે ગોંડલ તાલુકા પોલીસની હદમાં ચાલતા નશીલા પદાર્થોના વેચાણ પર લાલ આંખ કરી છે. પી.આઈ. પારગીના માર્ગદર્શન હેઠળ જ્યારે ટીમ પેટ્રોલિંગમાં હતી, ત્યારે હેડ કોન્સ્ટેબલ મયુરભાઈ વિરડાને મળેલી સચોટ બાતમીને આધારે સડક પીપળીયા ગામ પાસેના નેશનલ હાઈવેના પુલ નીચે દરોડો પાડવામાં આવ્યો હતો. આ કાર્યવાહી દરમિયાન બિહારના રાજકિશોર સુશીલદાસ કુમાર નામનો શખ્સ ગેરકાયદેસર ગાંજાના જથ્થા સાથે રંગેહાથ ઝડપાઈ ગયો હતો. પોલીસે કુલ ૨૮,૨૦૦ રૂપિયાનો મુદ્દામાલ જપ્ત કરીને કાયદેસરની કાર્યવાહી હાથ ધરી છે. આ કેસમાં અન્ય એક આરોપી કુંદનકુમારને વોન્ટેડ જાહેર કરવામાં આવ્યો છે. મહત્વની વાત એ છે કે SOG દ્વારા કરવામાં આવેલી આ સફળ કામગીરીને પગલે સ્થાનિક ગોંડલ તાલુકા પોલીસની સતર્કતા અને કામગીરી સામે ગંભીર સવાલો ઉભા થયા છે.
