૨૦૨૬ ટી ૨૦ વર્લ્ડ કપ ૭ ફેબ્રુઆરીથી શરૂ થવાનો છે. પરંતુ ટુર્નામેન્ટ શરૂ થાય તે પહેલાં પાકિસ્તાની ક્રિકેટને લગતું નાટક સતત ચાલુ છે. પાકિસ્તાન વર્લ્ડ કપમાં રમશે કે નહીં તે અંગે હજુ સુધી કોઈ નિર્ણય લેવામાં આવ્યો નથી. પાકિસ્તાને ૨૦૨૬ ટી ૨૦ વર્લ્ડ કપમાં ભાગ લેવાનો અંતિમ નિર્ણય આગામી સોમવાર સુધી મુલતવી રાખ્યો છે. પાકિસ્તાન હાલમાં બાંગ્લાદેશ સાથે એકતા વ્યક્ત કરી રહ્યું છે, જે ટુર્નામેન્ટમાંથી બહાર થઈ ગયું હતું. વધુમાં, પાકિસ્તાન ભારત સામેની તેની મહત્વપૂર્ણ વર્લ્ડ કપ મેચનો બહિષ્કાર કરવાનું પણ વિચારી રહ્યું છે.
પાકિસ્તાન ક્રિકેટ બોર્ડના ચેરમેન મોહસીન નકવીએ ૨૬ જાન્યુઆરીએ વડા પ્રધાન શાહબાઝ શરીફને મળ્યા. બેઠક બાદ, તેમણે જણાવ્યું હતું કે બોર્ડ શુક્રવાર (૩૦ જાન્યુઆરી) અથવા આગામી સોમવારે (૨ ફેબ્રુઆરી) ટી ૨૦ વર્લ્ડ કપમાં ભાગ લેવા અંગે અંતિમ નિર્ણય લેશે. નકવીએ સોશિયલ મીડિયા પર પુષ્ટિ આપી હતી કે સોમવારે વડા પ્રધાન સાથેની તેમની મુલાકાત દરમિયાન આ મુદ્દા પર વિગતવાર ચર્ચા કરવામાં આવી હતી.
સોશિયલ મીડિયા પ્લેટફોર્મ પર એક પોસ્ટમાં, મોહસીન નકવીએ લખ્યું, “મારી વડા પ્રધાન સાથે લાંબી મુલાકાત થઈ અને તેમને આઇસીસી મામલા વિશે માહિતી આપી. તેમણે નિર્દેશ આપ્યો કે આપણે બધા વિકલ્પો પર વિચાર કરીએ અને તેનું નિરાકરણ લાવીએ. આ બેઠકમાં નક્કી થયું કે શુક્રવારે અથવા આગામી સોમવારે અંતિમ નિર્ણય લેવામાં આવશે.” સૂત્રોના જણાવ્યા અનુસાર, વડા પ્રધાને નકવીને કહ્યું હતું કે પાકિસ્તાને બાંગ્લાદેશને તમામ શક્્ય ટેકો આપવો જાઈએ, જે તાજેતરમાં ૭ ફેબ્રુઆરીથી શરૂ થઈ રહેલી ટુર્નામેન્ટમાંથી બહાર થઈ ગયું છે.
પીસીબીના નજીકના સૂત્રોએ જણાવ્યું હતું કે વડા પ્રધાનને અનેક વિકલ્પો વિશે માહિતી આપવામાં આવી હતી, જેમાં પાકિસ્તાન વર્લ્ડ કપમાં ટીમ ન મોકલે કે ટુર્નામેન્ટમાં ભાગ ન લે પરંતુ ૧૫ ફેબ્રુઆરીએ ભારત સામેની મેચનો બહિષ્કાર કરે. ૨૦ ટીમોની ટુર્નામેન્ટમાંથી બાંગ્લાદેશને બાકાત રાખ્યા બાદ બાંગ્લાદેશની જગ્યાએ સ્કોટલેન્ડનો સમાવેશ કરવામાં આવ્યો છે. બાંગ્લાદેશે ભારતમાં સુરક્ષા ચિંતાઓને ટાંકીને તેની મેચ શ્રીલંકા ખસેડવાની માંગ કરી હતી, પરંતુ આઇસીસીએ આ પ્રસ્તાવને નકારી કાઢ્યો હતો, એમ કહીને કે ત્યાં બાંગ્લાદેશ માટે કોઈ ખતરો નથી.
આઇસીસીએ પાકિસ્તાનને ચેતવણી આપી છે કે જા તે બાંગ્લાદેશના સમર્થનમાં ટી ૨૦ વર્લ્ડ કપ ૨૦૨૬નો બહિષ્કાર કરે તો તેને કડક કાર્યવાહી કરવામાં આવશે. મીડિયા અહેવાલો અનુસાર,આઇસીસીએ પાકિસ્તાનને ચેતવણી આપી છે કે જા તે આમ કરશે, તો તેને અન્ય દેશો સાથે દ્વિપક્ષીય ક્રિકેટ શ્રેણી રમવાથી પ્રતિબંધિત કરવામાં આવશે. તેને એશિયા કપ સહિત તમામ આઇસીસી ટુર્નામેન્ટમાંથી પણ બહાર કાઢવામાં આવશે. વધુમાં, વિદેશી ક્રિકેટરોને પાકિસ્તાન સુપર લીગમાં રમવા માટે એનઓસી આપવામાં આવશે નહીં.
