હરિયાણા સરકારે રખડતા કૂતરા અથવા રખડતા પ્રાણીઓના કરડવાથી થતા આકસ્મિક મૃત્યુ, ઈજા અથવા અપંગતાના કિસ્સામાં રાજ્યના રહેવાસીઓને નાણાકીય સહાય પૂરી પાડવાનો નિર્ણય લીધો છે. આ અંગે એક સૂચના પણ જારી કરવામાં આવી છે. આ મુજબ, પીડિત અથવા તેના પરિવારને એક લાખથી પાંચ લાખ રૂપિયા સુધીનું વળતર આપવામાં આવશે.મળતી માહિતી મુજબ, સરકારે ૫ સપ્ટેમ્બરના રોજ દીન દયાળ ઉપાધ્યાય અંત્યોદય પરિવાર સુરક્ષા યોજના નામની યોજના લાવી છે. આ યોજના મુજબ, રાજ્યના રહેવાસીઓને કૂતરા કરડવાથી અથવા ગાય, બળદ, ગધેડો, કૂતરો, નીલગાય, ભેંસ વગેરે જેવા રખડતા પ્રાણીઓ દ્વારા કરવામાં આવેલા હુમલાથી આકસ્મિક મૃત્યુ, અપંગતા અથવા ઇજાના કિસ્સામાં નાણાકીય સહાય પૂરી પાડવામાં આવશે.ગુરુવારે એક સત્તાવાર નિવેદનમાં કહેવામાં આવ્યું છે કે આ યોજના પરિવાર ઓળખ પત્ર હેઠળ નોંધાયેલા તમામ પરિવારોને આવરી લેશે જેમની વાર્ષિક કૌટુંબિક આવક ૧.૮ લાખ રૂપિયાથી ઓછી હશે. આ યોજના હેઠળ, આકસ્મિક મૃત્યુ અથવા કાયમી અપંગતા (૭૦ ટકા કે તેથી વધુ) ના કિસ્સામાં પીડિતની ઉંમર અનુસાર નાણાકીય સહાય પૂરી પાડવામાં આવશે.૧૨ વર્ષ સુધીના બાળકોને ૧ લાખ રૂપિયા, ૧૨-૧૮ વર્ષની વય જૂથ માટે ૨ લાખ રૂપિયા, ૧૮-૨૫ વર્ષની વય જૂથ માટે ૩ લાખ રૂપિયા, ૨૫-૪૫ વર્ષની વય જૂથ માટે ૫ લાખ રૂપિયા અને ૪૫ વર્ષથી વધુ ઉંમર જૂથ માટે ૩ લાખ રૂપિયા આપવામાં આવશે.૭૦ ટકાથી ઓછી અપંગતા માટે, કર્મચારી વળતર અધિનિયમ, ૧૯૨૩ ની જાગવાઈઓ અનુસાર, અપંગતાની ટકાવારી અનુસાર વળતરની ગણતરી કરવામાં આવશે, જેમાં ઓછામાં ઓછા ૧૦,૦૦૦ રૂપિયાનો સમાવેશ થાય છે. નાની ઇજાઓ માટે, ૧૦,૦૦૦ રૂપિયાની નિશ્ચિત રકમ આપવામાં આવશે.કૂતરા કરડવાના કિસ્સામાં, દરેક દાંતના નિશાન માટે ૧૦,૦૦૦ રૂપિયા અને ચામડીમાંથી માંસ ફાડી નાખવામાં આવ્યું હોય તેવા દરેક ૦.૨ સેમી ઘા માટે ૨૦,૦૦૦ રૂપિયા આપવામાં આવશે. યોગ્ય અમલીકરણ સુનિશ્ચિત કરવા માટે ડેપ્યુટી કમિશનરની અધ્યક્ષતામાં જિલ્લા સ્તરીય સમિતિની રચના કરવામાં આવશે. આ સમિતિ દાવાઓની ચકાસણી કરશે, ૧૨૦ દિવસની અંદર વળતર નક્કી કરશે અને પાળતુ પ્રાણી સંબંધિત કેસોમાં માલિકને સાંભળવાની તક પૂરી પાડશે. ઘટનાના ૯૦ દિવસની અંદર દાવાઓ ઓનલાઈન દાખલ કરવા આવશ્યક છે.જરૂરી દસ્તાવેજામાં જા વ્યક્તિને જીવલેણ ઈજા થઈ હોય તો તેના નજીકના સગા દ્વારા જારી કરાયેલ મૃત્યુ પ્રમાણપત્ર, ઘાયલ વ્યક્તિના કિસ્સામાં હોસ્પિટલના રેકોર્ડ, અપંગતા પ્રમાણપત્ર, ઘાના ફોટોગ્રાફ્સ અને અન્ય જરૂરી પુરાવાનો સમાવેશ થાય છે. વળતર સીધા પરિવાર ઓળખ પત્ર (કુટુંબ ઓળખ પત્ર) ડેટાબેઝમાં નોંધાયેલા આધાર-લિંક્ડ બેંક ખાતામાં ટ્રાન્સફર કરવામાં આવશે. મૃત્યુના કિસ્સામાં, વળતરની રકમ પરિવારના વડાને આપવામાં આવશે. જો વડાનું મૃત્યુ થાય છે, તો રકમ પરિવારના ૬૦ વર્ષથી ઓછી ઉંમરના સૌથી મોટા સભ્યને અથવા જા તે ઉપલબ્ધ ન હોય તો, ૬૦ વર્ષથી વધુ ઉંમરના નજીકના સભ્યને આપવામાં આવશે. જો પરિવારના બધા જીવિત સભ્યો ૧૮ વર્ષથી ઓછી ઉંમરના હોય, તો સહાયની રકમ ત્યારે જ આપવામાં આવશે જ્યારે સભ્ય પુખ્ત થાય.આ યોજના માટે હરિયાણા ફેમિલી પ્રોટેક્શન ટ્રસ્ટ નોડલ એજન્સી હશે અને તેના મુખ્ય કાર્યકારી અધિકારી તેના અમલીકરણ માટે જવાબદાર રહેશે. જિલ્લા સ્તરીય સમિતિ દ્વારા મંજૂર કરાયેલ વળતર એચપીએસએન દ્વારા છ અઠવાડિયામાં વહેંચવામાં આવશે. કોઈપણ ખોટા દાવા અથવા હકીકતો છુપાવવા પર વાર્ષિક ૧૨ ટકા વ્યાજ લાગશે.
