નાયબ મુખ્યમંત્રી કેશવ પ્રસાદ મૌર્યએ કહ્યું, “ખૂની જે પણ હોય, તેને બક્ષવામાં આવશે નહીં. તેને શોધી કાઢવામાં આવશે.
ગાઝિયાબાદ જિલ્લાના ખોડા પોલીસ સ્ટેશન વિસ્તારની નવનીત વિહાર કોલોનીમાં ઈદ પર ૧૧મા ધોરણના વિદ્યાર્થી સૂર્યાની હત્યા પર રાજકીય નિવેદનબાજી તેજ થઈ ગઈ છે. માયાવતીએ ઇન્સ્ટાગ્રામ પર લખ્યું, “ઉત્તર પ્રદેશના ગાઝિયાબાદના ખોડાના યુવાન સૂર્ય ચૌહાણની હત્યા અત્યંત દુઃખદ અને ચિંતાજનક છે. સરકાર અને વહીવટીતંત્રે આવી ઘટનાઓ રોજબરોજ બનતી અટકાવવા માટે યોગ્ય પગલાં લેવાની જરૂર છે. આ ઘટનામાં સામેલ ગુનેગારોને ઓળખવા જાઈએ અને કાયદેસર રીતે સજા આપવી જાઈએ.
ઉત્તર પ્રદેશના નાયબ મુખ્યમંત્રી કેશવ પ્રસાદ મૌર્યએ કહ્યું, “ખૂની જે પણ હોય, તેને બક્ષવામાં આવશે નહીં. તેને શોધી કાઢવામાં આવશે. હત્યારાઓને ફાંસી આપવા માટે કાયદેસરની કાર્યવાહી કરવામાં આવશે. સરકાર કાયદો અને વ્યવસ્થા પ્રત્યે ગંભીર છે. આ ગુનો કરનારાઓ સામે કડક કાર્યવાહી કરવામાં આવશે.”
ઉત્તર પ્રદેશના ગાઝિયાબાદ જિલ્લામાં ઈદના અવસરે ખોડા પોલીસ સ્ટેશન વિસ્તારની નવનીત વિહાર કોલોનીમાં ૧૧મા ધોરણના વિદ્યાર્થીની છરી મારીને હત્યા કરવામાં આવી હતી. એવો આરોપ છે કે સૂર્યાના મિત્ર, અસદ અને તેના સાથીઓએ હુમલો કર્યો હતો. સૂર્યાને પહેલા પેટમાં છરી મારી હતી. આ પછી, તે છરી મારતી વખતે લગભગ ૨૦૦ મીટર સુધી જીવ બચાવવા દોડ્યો.
આરોપીઓએ તેનો પીછો કર્યો, તેને નીચે પછાડી દીધો, તેના પેટમાંથી છરી કાઢી અને વારંવાર છરા માર્યા. સારવાર દરમિયાન શુક્રવારે સૂર્યાનું મૃત્યુ થયું. પોલીસે હત્યાનો કેસ નોંધ્યો છે અને અટકાયતમાં લેવાયેલા કેટલાક લોકોની પૂછપરછ કરી રહી છે.
મૃતકના ભાઈ યશ ચૌહાણે પોલીસ ફરિયાદમાં જણાવ્યું છે કે તેનો પરિવાર મૂળ એટાના સુખાબાદનો રહેવાસી છે અને તેની માતા, બહેન અને ભાઈ સૂર્યા સાથે ખોડામાં રહે છે. તેના પિતા કૌશલેન્દ્રનું અવસાન થઈ ચૂક્યૂ છે. સૂર્યા ૧૧મા ધોરણમાં અભ્યાસ કરતો હતો.ગુરુવારે સૂર્યા તેના બે મિત્રો, વિકી અને આયુષ સાથે તેના ઘરની નજીક ચાલી રહ્યો હતો. તે સમયે અસદે સૂર્યાને ફોન કર્યો અને બકરી ઇદ માટે લેન નંબર બેમાં મળવા કહ્યું. સૂર્યા અને તેના મિત્રો અસદના ઘરે ગયા.
ખોડા પોલીસ સ્ટેશન વિસ્તારના નવનીત વિહાર કોલોનીમાં લેન નંબર એકમાં રહેતા સૂર્યા (૧૭)નો મૃતદેહ શનિવારે બપોરે ૧ઃ૩૦ વાગ્યે પોસ્ટમોર્ટમ પછી ઘરે પહોંચ્યો હતો. મૃતદેહ આવતાની સાથે જ વિસ્તારમાં મોટી ભીડ એકઠી થઈ ગઈ હતી. પીડિતાના પરિવારે આરોપીઓનું એન્કાઉન્ટર કરવાની માંગ કરી છે. સૂર્યાની માતા સરોજ ઠાકુરે જણાવ્યું હતું કે વિસ્તારમાં બધા આરોપીઓને એન્કાઉન્ટરમાં મારી નાખવા જાઈએ. જ્યાં સુધી પોલીસ આ કાર્યવાહી નહીં કરે ત્યાં સુધી તેઓ મૃતદેહને ઘરની સામેથી ખસેડવા દેશે નહીં. ઘટનાસ્થળે હાજર હિન્દુ સંગઠનો અને રાજકીય વ્યક્તિઓએ પણ એન્કાઉન્ટરની માંગ કરી હતી.
હત્યાનો બનાવ પ્રકાશમાં આવ્યા બાદથી, વિસ્તારમાં સતત તણાવની સ્થિતિ જાવા મળી રહી છે. શુક્રવારથી અહીં પોલીસ દળો તૈનાત કરવામાં આવ્યા છે, અને શનિવારે, પોલીસે નવનીત વિહાર તરફ જતી શેરીને બેરિકેડ કરી દીધી હતી અને સમગ્ર વિસ્તારમાં અનેક પોલીસ સ્ટેશનોમાંથી દળો તૈનાત કર્યા હતા. ડીસીપી ટ્રાન્સ હિંડન ધવલ જયસ્વાલ, એસીપી સાહિબાબાદ અમિત સક્સેના અને એસીપી ઇન્દીરાપુરમ અભિષેક શ્રીવાસ્તવ, અન્ય અધિકારીઓ સાથે ઘટનાસ્થળે હાજર હતા.
