આઇઆઇટી બોમ્બેના વિદ્યાર્થી સાહિલ વાકોડેના આત્મહત્યા કેસની તપાસ તેજ થઈ ગઈ છે. આ કેસમાં સીસીટીવી ફૂટેજ પણ સામે આવ્યા છે. મુંબઈ ક્રાઈમ બ્રાન્ચ દરેક સીસીટીવી ફૂટેજની તપાસ કરી રહી છે, પરીક્ષા હોલ, કેમ્પસ અને હોસ્ટેલના સીસીટીવી ફૂટેજને એકસાથે જાડીને તે દિવસની સંપૂર્ણ સમયરેખા બનાવી રહી છે. પ્રોફેસર દુલ્લાની ટૂંક સમયમાં આ કેસમાં પૂછપરછ થઈ શકે છે. દરમિયાન, એવું પણ બહાર આવ્યું છે કે આઇઆઇટી બોમ્બે તેની હોસ્ટેલ વ્યવસ્થામાં મોટો ફેરફાર જાઈ શકે છે. સંસ્થા દરેક હોસ્ટેલ રૂમમાં બે વિદ્યાર્થીઓને સમાવવાની યોજના બનાવી રહી છે.
અહેવાલો અનુસાર આઇઆઇટી બોમ્બે તેની હોસ્ટેલ વ્યવસ્થામાં ફેરફાર કરવાની તૈયારી કરી રહી છે. સંસ્થા દર વર્ષે એક રૂમમાં બે વિદ્યાર્થીઓને સમાવવાની યોજના ધરાવે છે. હાલમાં, સામાન્ય રીતે બે વિદ્યાર્થીઓ ફક્ત પ્રથમ વર્ષ દરમિયાન એક રૂમ શેર કરે છે, ત્યારબાદ તેમને અલગ રૂમ સોંપવામાં આવે છે. અહેવાલો અનુસાર,આઇઆઇટી બોમ્બેમાં ભવિષ્યમાં નવી હોસ્ટેલ પણ આવી જ રીતે બનાવવામાં આવશે.
સાહિલ વાકોડેના મૃત્યુ પછી વિદ્યાર્થીઓના માનસિક સ્વાસ્થ્ય અને એકલતા અંગેની ચિંતાઓને પગલે, સોમવારે ઓપન હાઉસમાં ડિરેક્ટર અને વિદ્યાર્થીઓ વચ્ચે આ મુદ્દા પર ચર્ચા કરવામાં આવી હતી. છ હોસ્ટેલ અને વેલનેસ સેન્ટરમાં કાઉન્સેલિંગનો સમય પણ લંબાવવામાં આવ્યો છે. જરૂર પડ્યે વિદ્યાર્થીઓ બહારથી કાઉન્સેલિંગ લઈ શકશે, અને સંસ્થા ખર્ચ ઉઠાવશે. તાત્કાલિક અમલમાં મૂકી શકાય તેવા વધારાના પગલાં વિકસાવવા માટે સંસ્થા ફેકલ્ટી અને નિષ્ણાતો સાથે સલાહ લઈ રહી છે.
મુંબઈ ક્રાઈમ બ્રાન્ચ પરીક્ષા હોલ, કેમ્પસ અને હોસ્ટેલના સીસીટીવી ફૂટેજ એકત્રિત કરીને સમગ્ર ઘટનાક્રમને સમજવાનો પ્રયાસ કરી રહી છે. પોલીસે સાહિલના માતા-પિતાનું નિવેદન પણ નોંધ્યું છે, જેમણે પ્રોફેસર દુલ્લા પર સાહિલને હેરાન કરવાનો આરોપ લગાવ્યો છે. પરિણામે, પોલીસ પ્રોફેસર સૂર્યનારાયણ દુલ્લાની પણ પૂછપરછ કરી શકે છે. પ્રોફેસર સૂર્યનારાયણને રજા પર ઉતારી દેવામાં આવ્યા છે.આઇઆઇટી બોમ્બેએ પણ આ કેસમાં આંતરિક તપાસ શરૂ કરી છે અને ૧૦ સભ્યોની ઉચ્ચ સ્તરીય સમિતિની રચના કરી છે. સમિતિ સાત દિવસમાં તેનો અહેવાલ રજૂ કરશે, ત્યારબાદ આગળના નિર્ણયો લેવામાં આવશે. તપાસ સમિતિ વિદ્યાર્થીઓ સાથે પણ વાત કરશે અને પ્રોફેસર સૂર્યનારાયણ દુલ્લાનો પક્ષ સાંભળશે. જાકે, ઘણા ફેકલ્ટી અને ભૂતપૂર્વ શિક્ષકો તેમના સમર્થનમાં બહાર આવ્યા છે, તેઓ માને છે કે પ્રોફેસર દુલ્લા દોષિત નથી. આ મામલાને બિનજરૂરી રીતે જાતિના મુદ્દામાં ફેરવવામાં આવી રહ્યો છે.
