ક્રિકેટના ટૂંકા ફોર્મેટ એટલે કે t ૨૦ ઇન્ટરનેશનલમાં છગ્ગાનો વરસાદ કરનારા કેપ્ટનોની યાદીમાં એક નવો ઇતિહાસ લખી શકાય છે. ભારતીય કેપ્ટન રોહિત શર્માનો વર્લ્ડ રેકોર્ડ હવે જાખમમાં છે. ટી ૨૦ ક્રિકેટમાં વિશ્વની ૧૫મા ક્રમાંકિત ટીમ,યુએઈ (સંયુક્ત આરબ અમીરાત) ના કેપ્ટન મોહમ્મદ વસીમ, આ રેકોર્ડ તોડવાની ખૂબ નજીક છે.ખરેખર, રોહિત શર્મા ટી ૨૦ આંતરરાષ્ટ્રિય ક્રિકેટમાં કેપ્ટન તરીકે સૌથી વધુ છગ્ગા મારનાર ખેલાડી છે. તેણે ૬૨ ઇનિંગ્સમાં કુલ ૧૦૫ છગ્ગા ફટકાર્યા છે. બીજી તરફ, મોહમ્મદ વસીમે માત્ર ૫૩ ઇનિંગ્સમાં ૧૦૪ છગ્ગા ફટકાર્યા છે અને હવે તેને રોહિત શર્માને પાછળ છોડી દેવા માટે ફક્ત ૨ છગ્ગાની જરૂર છે. આ રીતે, જા વસીમ તેની આગામી ઇનિંગ્સમાં બે મોટા શોટ રમશે, તો તે રોહિત શર્માને પાછળ છોડીને T૨૦માં ઇતિહાસમાં સૌથી વધુ છગ્ગા મારનાર કેપ્ટન બનશે. આ સિદ્ધિ માત્ર તેની કારકિર્દી માટે મહત્વપૂર્ણ રહેશે નહીં પરંતુ ક્રિકેટ માટે એક ઐતિહાસિક ક્ષણ પણ સાબિત થશે.યુએઇ ક્રિકેટ ટીમ હાલમાં પાકિસ્તાન અને અફઘાનિસ્તાન સાથે ટી ૨૦ ટ્રાઇ સિરીઝ ૨૦૨૫ માં રમી રહી છે. પહેલી મેચમાં યુએઈને પાકિસ્તાન સામે ૩૧ રનથી હારનો સામનો કરવો પડ્યો હતો, જેમાં કેપ્ટન મુહમ્મદ વસીમે ૧૮ બોલમાં ૩૩ રનની ઇનિંગ રમી હતી. આ તોફાની ઇનિંગમાં કેપ્ટને ૩ ચોગ્ગા અને ૨ છગ્ગા ફટકાર્યા હતા. હવે યુએઈ ટીમ ૧ સપ્ટેમ્બરે શારજાહમાં અફઘાનિસ્તાન સામે પોતાની આગામી મેચ રમશે. જા મુહમ્મદ વસીમ આ મેચમાં ૨ છગ્ગા ફટકારવામાં સફળ રહે છે, તો રોહિત શર્માનો વિશ્વ રેકોર્ડ તૂટી જશે.
ટી૨૦આઈ ક્રિકેટમાં સૌથી વધુ છગ્ગા મારનારા કેપ્ટન
૧૦૫ – રોહિત શર્મા (ભારત)
૧૦૪ – મુહમ્મદ વસીમ (યુએઈ)
૮૬ – ઇયોન મોર્ગન (ઇંગ્લેન્ડ)
૮૨ – એરોન ફિન્ચ (ઓસ્ટ્રેલિયા)
મુહમ્મદ વસીમ યુએઈનો ડેશિંગ બેટ્સમેન છે અને ૯ સપ્ટેમ્બરથી રમાનારી એશિયા કપ ૨૦૨૫માં ભાગ લેતો જાવા મળશે. યુએઈએ હજુ સુધી ટુર્નામેન્ટ માટે પોતાની ટીમની જાહેરાત કરી નથી પરંતુ એવું માનવામાં આવે છે કે વસીમ એશિયા કપમાં યુએઈ ટીમનું નેતૃત્વ કરશે.
