ડેરા સચ્ચા સૌદાના વડા ગુરમીત રામ રહીમ અંગે મોટા સમાચાર સામે આવી રહ્યા છે. પંજાબ અને હરિયાણા હાઈકોર્ટે શનિવારે ગુરમીત રામ રહીમને મોટી રાહત આપી. હાઈકોર્ટે પત્રકાર રામચંદ્ર છત્રપતિની હત્યા કેસમાં રામ રહીમ સિંહને નિર્દોષ જાહેર કર્યા છે. નોંધનીય છે કે પત્રકાર રામચંદ્ર છત્રપતિની ૨૦૦૨ માં હત્યા કરવામાં આવી હતી, જેના માટે ગુરમીત રામ રહીમ પર પણ આરોપ હતો.
હાઇકોર્ટનો આ નિર્ણય સિરસા સ્થિત ડેરા સચ્ચા સૌદાના વડાને દોષિત ઠેરવ્યા અને તેમને આજીવન કેદની સજા ફટકાર્યાના સાત વર્ષથી વધુ સમય પછી આવ્યો છે. રામ રહીમના વકીલ જિતેન્દ્ર ખુરાનાના જણાવ્યા અનુસાર, હાઇકોર્ટે અગાઉના ચુકાદાને ઉલટાવી દીધો છે અને તેમને પત્રકારની હત્યા સંબંધિત આરોપોમાંથી મુક્ત કર્યા છે.
નોંધનીય છે કે ગુરમીત રામ રહીમ સિંહ અને અન્ય ત્રણ લોકોને ૨૦૧૯ માં હરિયાણાના સિરસામાં એક પત્રકારની હત્યા માટે દોષિત ઠેરવવામાં આવ્યા હતા. પત્રકાર રામચંદ્ર છત્રપતિની ઓક્ટોબર ૨૦૦૨ માં તેમના ઘરની બહાર ગોળી મારીને હત્યા કરવામાં આવી હતી. તેમના અખબાર, “પૂરા સચ” એ સિરસાના ડેરા મુખ્યાલયમાં મહિલા અનુયાયીઓના કથિત જાતીય શોષણની વિગતો આપતો એક અનામી પત્ર પ્રકાશિત કર્યો હતો.
વાસ્તવમાં, ગુરમીત રામ રહીમ સિંહને પણ ૨૦૧૭ માં તેમની બે શિષ્યો પર બળાત્કાર કરવાના આરોપમાં ૨૦ વર્ષની જેલની સજા ફટકારવામાં આવી હતી. આ કેસમાં દોષિત ઠેરવ્યા બાદ, રામ રહીમ હરિયાણાના રોહતકની સુનારિયા જેલમાં બંધ છે. ગુરમીત રામ રહીમ હજુ પણ તેની સજા ભોગવી રહ્યા છે. દરમિયાન, રામ રહીમ ઘણી વખત પેરોલ પર જેલમાંથી મુક્ત થયો છે.
