બસપા સુપ્રીમો માયાવતીએ કહ્યું કે જ્યારે તેઓ લોકસભા અને રાજ્ય વિધાનસભાઓમાં મહિલાઓને ૩૩ ટકા અનામત આપવાના નિર્ણયનું સ્વાગત કરે છે, ત્યારે તેમણે દલિત અનેમ્ઝ્ર સમુદાયોની મહિલાઓને અલગ અનામત આપવાની પણ માંગ કરી. પત્રકાર પરિષદને સંબોધતા, બસપા સુપ્રીમોએ જણાવ્યું હતું કે તેમનો પક્ષ લાંબા સમયથી લોકસભા અને રાજ્ય વિધાનસભાઓમાં મહિલાઓ માટે ૫૦ ટકા અનામતની માંગ કરી રહ્યો છે, પરંતુ હવે જ્યારે ૩૩ ટકા અનામતની ચર્ચા થઈ રહી છે, ત્યારે તેઓ તેને સમર્થન આપે છે, આશા રાખે છે કે તેમાં થોડો સુધારો થશે.
કોંગ્રેસ પર નિશાન સાધતા તેમણે કહ્યું કે જ્યારે કોંગ્રેસ સત્તામાં હતી, ત્યારે તેઓએ મહિલાઓને અલગ અનામત આપવાની વાત કરી ન હતી અને હવે આમ કરીને, તેઓ આ સુધારાને રોકવા માંગે છે. બસપા આ નિર્ણયને સમર્થન આપે છે.
માયાવતીએ કહ્યું કે ગઈકાલે દેશભરમાં બંધારણના ઘડવૈયા ડા. ભીમરાવ આંબેડકરની જન્મજયંતિ ઉજવવામાં આવી હતી. મેં તેમને શ્રદ્ધાંજલિ પણ આપી અને સલામ પણ કરી. તેમણે કહ્યું કે છેલ્લા કેટલાક સમયથી વિવિધ રાજકીય પક્ષો દલિતોને આકર્ષવા માટે તેમના કાર્યક્રમોમાં વાદળી રંગનો ઉપયોગ કરી રહ્યા છે, પરંતુ ફક્ત બીએસપીના વાદળી રંગની અસર દલિતો પર પડી રહી છે. આ પક્ષોના આ પ્રયાસો સફળ થશે નહીં.
