ઉત્તર પ્રદેશના મુખ્યમંત્રી યોગી આદિત્યનાથે અમર શહીદ ભગતસિંહની જન્મજયંતિ નિમિત્તે રાજ્યના લોકોને “યોગીનો પત્ર” લખ્યો. તેમાં, તેમણે ભગતસિંહના બલિદાનને યાદ કર્યું અને યુવાનોને તેમના જીવનમાંથી પ્રેરણા લેવા અને તેમને જ્ઞાન સાથે જોડવા અપીલ કરી.
સીએમ યોગીએ પોતાના પત્રમાં લખ્યું છે કે ૨૩ વર્ષની નાની ઉંમરે, ભગતસિંહે માતૃભૂમિ માટે બધું જ બલિદાન આપી દીધું. તેમની જન્મજયંતિ એ આપણા સંકલ્પને ફરીથી જીવંત કરવાનો અવસર છે, રાષ્ટ્રવાદને બધાથી ઉપર રાખે છે. તેમણે લખ્યું છે કે ભગતસિંહે ગુલામીથી જકડી રાખેલા ભારતને આઝાદ કરવા માટે પોતાનું જીવન બલિદાન આપ્યું હતું.
મુખ્યમંત્રીએ પોતાના પત્રમાં જણાવ્યું હતું કે આજે, જાતિવાદ, માદક દ્રવ્યોના વ્યસન અને અન્ય સામાજિક દુષણોના બંધનમાંથી મુક્ત થવા માટે, આપણે ભગતસિંહની અદમ્ય હિંમત અને દેશભક્તિમાંથી શીખવું જાઈએ.
મુખ્યમંત્રીએ લખ્યું છે કે ભગતસિંહ એક વિદ્વાન હતા અને હિન્દી, ઉર્દૂ, પંજાબી અને અંગ્રેજી સહિત ઘણી ભાષાઓમાં નિપુણ હતા. તેમનું જીવન આપણને જ્ઞાનને આપણી શક્તિ બનાવવા, શીખવાના જુસ્સાને જીવંત રાખવા અને આપણા સંકલ્પને કાર્ય સાથે જાડવા પ્રેરણા આપે છે.
મુખ્યમંત્રીએ પત્રમાં લખ્યું છે કે જ્યારે જ્ઞાનને કૌશલ્ય સાથે જોડવામાં આવે છે, ત્યારે યુવાનો તેમની પ્રતિભાને શક્તિમાં પરિવર્તિત કરી શકે છે અને તેમના સપનાઓને સાકાર કરી શકે છે. તેમણે જણાવ્યું હતું કે રાજ્ય સરકાર યુવાનોને શિક્ષણ, સ્પર્ધાત્મક પરીક્ષાની તૈયારી, ઉદ્યોગસાહસિકતા અને નવીનતામાં આગળ વધવા માટે જરૂરી સહાય પૂરી પાડી રહી છે.
તેમણે મુખ્યમંત્રી અભ્યુદય યોજના દ્વારા સ્પર્ધાત્મક પરીક્ષાઓ માટે મફત તૈયારી, મુખ્યમંત્રી યુવા ઉદ્યોગસાહસિક વિકાસ અભિયાન દ્વારા ઉદ્યોગોની સ્થાપના અને રોજગાર સર્જન અને સ્ટાર્ટઅપ નીતિ દ્વારા નવીનતા અને ઉદ્યોગસાહસિકતાને પ્રોત્સાહન આપવાનો ઉલ્લેખ કર્યો હતો.
“યોગીનો પત્ર” માં તેમણે યુવાનોને ઉત્તર પ્રદેશમાં ઉપલબ્ધ જ્ઞાનના સંસાધનોનો મહત્તમ ઉપયોગ કરવા વિનંતી કરી. તેમણે લખ્યું કે રાજ્યના દરેક જિલ્લામાં આધુનિક પુસ્તકાલયો અને ડિજિટલ પુસ્તકાલયો વિકસાવવામાં આવી રહ્યા છે, જેનું નામ ભારત રત્ન, આદરણીય અટલ બિહારી વાજપેયીના નામ પરથી રાખવામાં આવ્યું છે, જેથી જ્ઞાનની સરળ પહોંચ સુનિશ્ચિત થાય.
મુખ્યમંત્રીએ યુવાનોને પુસ્તકોને પોતાના મિત્ર બનાવવા, પ્રશ્નો પૂછવા, નવા વિચારો શીખવા અને તેમની જિજ્ઞાસાને જીવંત રાખવા અપીલ કરી. તેમણે લખ્યું કે પુસ્તક યુવાનોના જીવનમાં એક નવો વિચાર જાગૃત કરી શકે છે અને એક નવો વિચાર સમગ્ર સમાજને નવી દિશા આપી શકે છે.
