શ્રીલંકાના કેપ્ટન ચમારી અટાપટ્ટુએ સોમવારે ઇતિહાસ રચ્યો. તે મહિલા વનડે ક્રિકેટમાં ૪,૦૦૦ રન બનાવનારી પ્રથમ અને એકમાત્ર શ્રીલંકન મહિલા ક્રિકેટર બની. આટાપટ્ટુએ ચાલુ મહિલા વર્લ્ડ કપ ૨૦૨૫ ની ૨૧મી મેચમાં બાંગ્લાદેશ સામે ૪૬ રન બનાવીને આ સિદ્ધિ હાંસલ કરી. આ મેચ નવી મુંબઈમાં ડીવાય પાટિલ સ્પોટ્ર્સ એકેડેમીમાં રમાઈ હતી.ટોસ જીતીને પ્રથમ બેટિંગ કરતા, આટાપટ્ટુએ ઇનિંગ્સની મજબૂત શરૂઆત કરી, પરંતુ રાબેયા ખાન દ્વારા ૪૩ બોલમાં ૪૬ રન બનાવીને આઉટ થઈ ગઈ. જો કે તે અડધી સદી ચૂકી ગઈ, તેણીએ ૪,૦૦૦ રન પૂર્ણ કર્યા, શ્રીલંકન મહિલા ક્રિકેટમાં એક નવો બેન્ચમાર્ક સ્થાપિત કર્યો. તેણી પછી શશિકલા સિરીવર્ધનેનો નંબર આવે છે, જેમણે ૨,૦૨૯ વનડે રન બનાવ્યા છે.૩૫ વર્ષીય અટાપટ્ટુ હવે ૪,૦૦૦ વનડે રન બનાવનારી એશિયાની ચોથી અને દુનિયાની ૨૦મી મહિલા બેટ્સમેન બની ગઈ છે. શ્રીલંકા ક્રિકેટે પણ તેના સત્તાવાર ટવીટર હેન્ડલ પર તેણીને અભિનંદન આપ્યા. બોર્ડે લખ્યું, “ઇતિહાસ રચાયો છે! અમારા પ્રેરણાદાયી કેપ્ટન ચમારી અટાપટ્ટુને ૪,૦૦૦ વનડે રન બનાવનારી પ્રથમ શ્રીલંકન અને ચોથી એશિયન બેટ્સમેન બનવા બદલ હાર્દિક અભિનંદન! તે હવે શ્રીલંકા માટે સૌથી વધુ વનડે મેચ રમનારી ખેલાડી પણ બની ગઈ છે.”
