પૂર્વ મુખ્યમંત્રી કેપ્ટન અમરિંદર સિંહ ફરી એકવાર પંજાબના રાજકારણમાં ચર્ચાના કેન્દ્રમાં છે. ભાજપમાં જોડાયા પછી પાર્ટીમાં ઉપેક્ષિત અનુભવતા કેપ્ટન અમરિંદર સિંહે તાજેતરના સમયમાં કોંગ્રેસ નેતૃત્વ અને રાહુલ ગાંધી પ્રત્યે જાહેરમાં સકારાત્મક વલણ દર્શાવ્યું છે. ટ્રેન્ડીંગ વીડિયો
આનાથી કેપ્ટનના ભાવિ રાજકીય દિશા વિશે નવી અટકળો શરૂ થઈ છે. ૨૭ મેના રોજ તેમના મોટા ભાઈ રાજા રણધીર સિંહના અવસાન બાદ ભાજપ નેતૃત્વ તરફથી કોઈ પ્રતિભાવ ન મળવાથી કેપ્ટનની નારાજગી સ્પષ્ટ થઈ ગઈ છે.
સૂત્રો અનુસાર, કેપ્ટન દુઃખી છે કે તેમણે જે પાર્ટી માટે કોંગ્રેસ છોડી હતી તે પાર્ટીના વરિષ્ઠ નેતાઓએ તેમના શોકના સમયમાં શોક વ્યક્ત કર્યો ન હતો. તેનાથી વિપરીત, કોંગ્રેસ નેતા રાહુલ ગાંધીએ વ્યક્તિગત રીતે શોક સંદેશ મોકલ્યો હતો. અગાઉ રાહુલ ગાંધીએ પણ કેપ્ટનને જન્મદિવસની શુભેચ્છા પાઠવી હતી. આ ઘટનાક્રમને રાજકીય વર્તુળોમાં મહત્વપૂર્ણ સંકેતો તરીકે જાવામાં આવી રહ્યો છે.
પંજાબ કોંગ્રેસના કેટલાક નેતાઓ પણ કેપ્ટન પ્રત્યે નરમ વલણ અપનાવી રહ્યા છે. ભાજપ પ્રત્યે વધી રહેલા અસંતોષ અને કોંગ્રેસ નેતૃત્વ સાથે ચાલી રહેલી વાતચીતથી તેમના સંભવિત ઘરે પાછા ફરવાની અટકળોને વધુ વેગ મળ્યો છે. રાજકીય વિશ્લેષકો માને છે કે પંજાબના રાજકારણમાં કેપ્ટન અમરિંદર સિંહના આગામી પગલાની ભવિષ્યમાં નોંધપાત્ર અસર પડી શકે છે.
કેન્દ્રીય મંત્રી રવનીત સિંહ બિટ્ટુના એક નિવેદને વિવાદને વધુ વેગ આપ્યો. બિટ્ટુએ કેપ્ટન અમરિંદર સિંહ પર આકરા પ્રહારો કર્યા, તેમને પથારીવશ વૃદ્ધ માણસ ગણાવ્યા. તેમણે પંજાબ ભાજપના પ્રમુખ કેવલ સિંહ ધિલ્લોનની પણ પ્રશંસા કરી. રાજકીય વિશ્લેષકો માને છે કે આ નિવેદન ભાજપ અને કેપ્ટન અમરિંદર સિંહ વચ્ચે વધતા અંતરને વધુ ઉજાગર કરે છે.
કેપ્ટન અમરિંદર સિંહે પણ તાજેતરમાં કોંગ્રેસની નિર્ણય લેવાની પ્રક્રિયાની ખુલ્લેઆમ પ્રશંસા કરી છે. તેમણે કહ્યું કે કોંગ્રેસ તેના નેતાઓ અને કાર્યકરોની વાત સાંભળે છે, જ્યારે ભાજપમાં, નિર્ણયો ટોચના સ્તરથી લાદવામાં આવે છે. આ નિવેદનને કોંગ્રેસ નેતૃત્વ પ્રત્યે તેમના વલણમાં નરમાઈ તરીકે જાવામાં આવી રહી છે.
રસપ્રદ વાત એ છે કે, ૨૦૨૧ માં જ્યારે તેમણે કોંગ્રેસ છોડી ત્યારે કેપ્ટન અમરિંદર સિંહે ગાંધી પરિવાર પર ગંભીર આરોપો લગાવ્યા હતા. સોનિયા ગાંધીને લખેલા રાજીનામા પત્રમાં તેમણે રાહુલ ગાંધી અને પ્રિયંકા ગાંધી વાડ્રાની કાર્યશૈલી પર સવાલ ઉઠાવ્યા હતા. જાકે, વર્તમાન રાજકીય પરિસ્થિતિમાં તેમનો સ્વર બદલાયો હોય તેવું લાગે છે.
