જમ્મુ કાશ્મીરની રાજધાની શ્રીનગરમાં શેર-એ-કાશ્મીર આંતરરાષ્ટ્રીય સંમેલન કેન્દ્ર ખાતે પ્રથમ આંતરરાષ્ટ્રીય મહિલા ખેડૂત સંમેલન યોજાયું હતું. આ કાર્યક્રમનું ઉદ્ઘાટન જમ્મુ અને કાશ્મીરના લેફ્ટનન્ટ ગવર્નર મનોજ સિંહાએ કર્યું હતું. ઇફકો દ્વારા આયોજિત “મહિલા ખેડૂતોના સંમેલન” માં ભાગ લેતા, લેફ્ટનન્ટ ગવર્નર મનોજ સિંહાએ સભાને સંબોધન કરતા કહ્યું કે શ્રીનગરમાં આ પરિષદનું આયોજન એક ઐતિહાસિક ક્ષણ હતી. સંયુક્ત રાષ્ટ્ર મહાસભાએ ૨૦૨૬ ને “મહિલા ખેડૂતોનું આંતરરાષ્ટ્રીય વર્ષ” તરીકે જાહેર કરીને એક મહત્વપૂર્ણ પગલું ભર્યું, જે લાંબા સમયથી ચાલતું સ્વપ્ન હતું.
આ પ્રસંગે, લેફ્ટનન્ટ ગવર્નર મનોજ સિંહાએ કહ્યું, “હું ‘મહિલા ખેડૂતોનું આંતરરાષ્ટ્રીય વર્ષ ૨૦૨૬’ ને એક ઐતિહાસિક તક તરીકે જાઉં છું, જે મહિલાઓને માત્ર મજૂર તરીકે જ નહીં પરંતુ કૃષિના વિકાસમાં “સર્જકો” તરીકે સ્થાપિત કરશે. મહિલા ખેડૂતોને દરેક યોજનામાં પ્રાથમિકતા આપવી જાઈએ. મને વિશ્વાસ છે કે ૨૦૨૬ કૃષિ અને સંબંધિત ક્ષેત્રોમાં મહિલાઓની ભૂમિકાને નિષ્ઠાપૂર્વક ઓળખશે અને તેમની આકાંક્ષાઓને પૂર્ણ કરશે.”
લેફ્ટનન્ટ ગવર્નરે કહ્યું, “મહિલા ખેડૂતો વિના, દરેક થાળી ખાલી થઈ જશે, અને માનવતા ભૂખી રહેશે. કારણ કે મહિલાઓ દુનિયા ચલાવે છે અને તેમના પુરુષ સમકક્ષો કરતાં વધુ મહેનત કરે છે. તેમની શક્તિ ખાદ્ય સુરક્ષાનો પાયો છે, દરેક ક્ષેત્રમાં પરિવારો અને સમાજ માટે સમૃદ્ધિનું બીજ છે. કૃષિ, બાગાયત, મત્સ્યઉદ્યોગ અને ડેરી વિભાગોએ મહિલા ખેડૂતો માટે સંસાધનો ફાળવવા જાઈએ. નાણાકીય સંસ્થાઓએ એવા લોન ઉત્પાદનો વિકસાવવી જાઈએ જે જમીન વિનાના મહિલા ખેડૂતોને તેમના પોતાના નામે લોન મેળવવા સક્ષમ બનાવે.”
લેફ્ટનન્ટ ગવર્નરે કહ્યું, “આપણે જમ્મુ અને કાશ્મીરમાં ‘મહિલા-નેતૃત્વ વિકાસ’ પ્રત્યે પ્રતિબદ્ધતા સાથે સમાજમાં નવી ઉર્જાનો સંચાર કરવો જાઈએ, જેથી મહિલાઓની શક્તિ આ ક્ષેત્રમાં સકારાત્મક પરિવર્તન લાવી શકે. ૨૦૨૦ થી મહિલા સશક્તિકરણના ક્ષેત્રમાં થયેલી નોંધપાત્ર પ્રગતિએ રાષ્ટ્રીય ઉદાહરણ સ્થાપિત કર્યું છે, અને અમારો ‘મહિલા ખેડૂત સશક્તિકરણ પ્રોજેક્ટ’ આ સફળતાનું ચમકતું ઉદાહરણ છે.”
લેફ્ટનન્ટ ગવર્નર મનોજ સિંહાએ જણાવ્યું હતું કે, “વડાપ્રધાન નરેન્દ્ર મોદીના નેતૃત્વમાં, તમામ ક્ષેત્રોમાં મહિલા સશક્તિકરણ ટોચની પ્રાથમિકતા છે. મને વિશ્વાસ છે કે ૨૦૨૬ કૃષિ અને સંબંધિત ક્ષેત્રોમાં મહિલાઓની ભૂમિકાને નિષ્ઠાપૂર્વક ઓળખશે અને તેમની આકાંક્ષાઓને પૂર્ણ કરશે.”
શ્રીનગરમાં પ્રથમ વખત યોજાયેલા “મહિલા ખેડૂત સંમેલન”નું સ્વાગત કરીને મહિલાઓ ખુશ થઈ. તેમણે કહ્યું કે તે ખૂબ જ મહત્વપૂર્ણ પગલું છે. કાશ્મીરી મહિલાઓ માત્ર તેમની આજીવિકાને ફરીથી દિશા આપવામાં સફળ રહી નથી, પરંતુ અહીં આ પરિષદ યોજવાથી મહિલાઓ માટે રોજગારની નવી તકો પણ ખુલશે. વધુમાં, ૩૩% મહિલા અનામત બિલનું સ્વાગત કરતા, એ નોંધવામાં આવ્યું હતું કે આ કાયદાના અમલીકરણમાં નોંધપાત્ર વિલંબ થયો છે, અને તે શાસનમાં મહિલાઓની વધુ ભાગીદારી સુનિશ્ચિત કરવા તરફ એક મહત્વપૂર્ણ પગલું છે.
