આ વર્ષની શરૂઆતમાં, અમે ભારત અને યુરોપિયન યુનિયન વચ્ચે એક ઐતિહાસિક મુક્ત વેપાર કરાર ને અંતિમ સ્વરૂપ આપ્યું.

પ્રધાનમંત્રી ડી વેવર પીએમ મોદીને મળ્યા; ઝોરાવર ટેન્ક અને સ્વચ્છ ઉર્જા સહિતના મુદ્દાઓ પર ચર્ચા કરી
ભારત યુરોપિયન યુનિયન અને યુરોપ સાથે તેના સંબંધોને મજબૂત બનાવી રહ્યું છે. આ સંદર્ભમાં, વડા પ્રધાન નરેન્દ્ર મોદીએ ગુરુવારે બેલ્જિયમના વડા પ્રધાન બાર્ટ ડી વેવર સાથે મુલાકાત કરી હતી. બંને નેતાઓ રાજધાનીના હૈદરાબાદ હાઉસ ખાતે મળ્યા હતા.અગાઉ, વડા પ્રધાન ડી વેવરે રાજઘાટ ખાતે મહાત્મા ગાંધીને શ્રદ્ધાંજલિ આપી હતી. તેમણે પુષ્પાંજલિ અર્પણ કરી હતી અને ફૂલો અર્પણ કર્યા હતા. બેÂલ્જયમના વડા પ્રધાને રાજઘાટ ખાતે મુલાકાતીઓની પુસ્તિકામાં પણ હસ્તાક્ષર કર્યા હતા.વડા પ્રધાન નરેન્દ્ર મોદીએ ગુરુવારે કહ્યું હતું કે ભારત-બેલ્જિયમ સંબંધો પરંપરાગત સહયોગ ક્ષેત્રોથી આગળ વધીને સંરક્ષણ અને સ્વચ્છ ઉર્જા જેવા વ્યૂહાત્મક ક્ષેત્રોમાં વિસ્તર્યા છે. તેમણે જારાવર ટેન્ક અને આંધ્રપ્રદેશમાં એક મુખ્ય ગ્રીન એમોનિયા પ્રોજેક્ટ પર સહયોગનો ઉલ્લેખ કર્યો હતો. તેમણે રાષ્ટ્રીય રાજધાનીમાં બેલ્જિયમના વડા પ્રધાન બાર્ટ ડી વેવર સાથે સંયુક્ત નિવેદન આપતી વખતે આ નિવેદન આપ્યું હતું.
વડા પ્રધાન મોદીએ કહ્યું હતું કે, “આજે, આપણા સહયોગનો વ્યાપ પરંપરાગત ક્ષેત્રોથી આગળ વધીને સંરક્ષણ અને સ્વચ્છ ઉર્જા જેવા વ્યૂહાત્મક ક્ષેત્રોમાં વિસ્તર્યો છે. અમે જારાવર ટેન્ક જેવા આધુનિક સંરક્ષણ સાધનો પર સાથે મળીને કામ કરી રહ્યા છીએ.” અમે આંધ્રપ્રદેશના કાકીનાડામાં વિશ્વના સૌથી મોટા ગ્રીન એમોનિયા પ્રોજેક્ટ્‌સમાંના એકનો પણ વિકાસ કરી રહ્યા છીએ.
તેમણે બંને દેશો વચ્ચેના સંબંધોના ઐતિહાસિક મહત્વ પર પણ ભાર મૂકતા કહ્યું કે, “ભારત અને બેલ્જિયમના સંબંધો ઇતિહાસમાં ઊંડા મૂળ ધરાવે છે. પ્રથમ વિશ્વયુદ્ધ દરમિયાન બેÂલ્જયમમાં હજારો ભારતીય સૈનિકોની હિંમત અને બલિદાન આપણી સહિયારી યાદોનો મહત્વપૂર્ણ ભાગ છે. આજે, લોકશાહી મૂલ્યો, બજાર-આધારિત અર્થતંત્ર અને મજબૂત લોકો-થી-લોકોના સંબંધો આપણને કુદરતી ભાગીદાર બનાવે છે.”
ભારત અને ઇયુ વચ્ચે એફટીએની પ્રશંસા કરતા, પ્રધાનમંત્રીએ કહ્યું કે બંને દેશોએ રોકાણ માટે “ફાસ્ટ-ટ્રેક મિકેનિઝમ” બનાવ્યું છે. તેમણે કહ્યું, “આ વર્ષની શરૂઆતમાં, અમે ભારત અને યુરોપિયન યુનિયન વચ્ચે એક ઐતિહાસિક મુક્ત વેપાર કરાર ને અંતિમ સ્વરૂપ આપ્યું.
વિશ્વની બે સૌથી મોટી લોકશાહી શÂક્તઓ વચ્ચેનો આ અભૂતપૂર્વ સહયોગ વૈશ્વિક સ્થિરતા, વિકાસ અને સહિયારી સમૃદ્ધિને વધુ મજબૂત બનાવશે. ભારતની સતત આર્થિક પ્રગતિ અને આ કરારે આપણા આર્થિક સંબંધો માટે નવી શક્યતાઓ ખોલી છે.” આજે, અમે આ સંભાવનાઓને નક્કર પરિણામોમાં રૂપાંતરિત કરવા માટે ઘણા મહત્વપૂર્ણ પગલાં લીધા છે.
અમે ‘ભારત-બેલ્જિયમ બિઝનેસ ફોરમ’ ને નિયમિત કાર્યક્રમ બનાવવાનો નિર્ણય લીધો છે. અમે બંને દેશોની નાણાકીય, ફિનટેક અને નિયમનકારી સંસ્થાઓ વચ્ચે સંકલન વધારીશું અને આ પગલાં દ્વારા, આગામી પાંચ વર્ષમાં દ્વિપક્ષીય વેપારને બમણો કરવાના લક્ષ્યને પ્રાપ્ત કરીશું.
તેમણે કહ્યું, “આજે અમે અમારા સ્ટાર્ટઅપ્સ વચ્ચે સંબંધોને મજબૂત કરવા અને દરિયાઈ ક્ષેત્રમાં ક્ષમતા નિર્માણ વધારવા માટે સંમત થયા છીએ. અમે યુનિવર્સિટી અને સંશોધન ક્ષેત્રોમાં પણ સહયોગ મજબૂત કરીશું. પ્રતિભાના પરિવહનને સરળ બનાવવા માટે અમે ટૂંક સમયમાં ‘સ્થળાંતર અને ગતિશીલતા ભાગીદારી કરાર’ પર હસ્તાક્ષર કરીશું. આજે અમે પ્રાદેશિક અને વૈશ્વિક વિકાસ પર પણ વિગતવાર ચર્ચા કરી. ભારત અને બેÂલ્જયમ બંને કાયદાના શાસન, સંવાદ અને રાજદ્વારીમાં માને છે.”દરમિયાન, બેલ્જિયમના વડા પ્રધાન બાર્ટ ડી વેવરે કહ્યું, “છેલ્લા ૨૦ વર્ષમાં પ્રથમ બેલ્જિયમના વડા પ્રધાન તરીકે અહીં આવવું ખાસ મહત્વનું છે. ઘણો લાંબો સમય થઈ ગયો છે. ખરેખર ઘણો લાંબો સમય થઈ ગયો છે. આ ૨૦ વર્ષોમાં ભારતમાં જબરદસ્ત પરિવર્તન આવ્યું છે, ચોક્કસપણે વડા પ્રધાન મોદીના નેતૃત્વમાં. આજે, તમે માત્ર વિશ્વનું સૌથી મોટું લોકશાહી જ નહીં, પણ સૌથી ઝડપથી વિકસતું મુખ્ય અર્થતંત્ર પણ છો. તે એક આર્થિક અને તકનીકી પાવરહાઉસ અને એક મુખ્ય ભૂ-રાજકીય શક્તિ બની ગયું છે જેનો અવાજ પ્રદેશની બહાર પણ ગુંજતો રહે છે.
તેમણે વધુમાં કહ્યું, “બેલ્જિયમ માટે, ભારત વધુને વધુ મહત્વપૂર્ણ ભાગીદાર બની રહ્યું છે. મારું માનવું છે કે મારો દેશ બદલામાં ભારતને ઘણું બધું આપી શકે છે. આપણે કદમાં નાના હોઈ શકીએ છીએ, પરંતુ આપણે વિશ્વની સૌથી ખુલ્લી અને આંતરરાષ્ટ્રીય સ્તરે જાડાયેલી અર્થવ્યવસ્થાઓમાંની એક છીએ. આપણે વેપાર અને વૈશ્વિક બજારોમાં પ્રવેશ પર આપણી સમૃદ્ધિ બનાવી છે.અમે ફાર્માસ્યુટિકલ્સ, રસાયણો, સેમિકન્ડક્ટર્સ, સ્વચ્છ ઊર્જા, અદ્યતન ઉત્પાદન અને લોજિસ્ટક્સમાં વિશ્વ કક્ષાની કુશળતા વિકસાવી છે. અમે જે વિષયો પર ચર્ચા કરી તે બધા પરસ્પર સહયોગ અને વિકાસના ક્ષેત્રો છે.”સંયુક્ત રાષ્ટ્રના આમંત્રણ પર ડી વેવર ૪ સપ્ટેમ્બર સુધી ભારતની મુલાકાતે છે. આ મુલાકાતનો હેતુ બંને દેશો વચ્ચે દ્વિપક્ષીય સંબંધોને વધુ મજબૂત બનાવવા અને વેપાર, રોકાણ, સંરક્ષણ, ટેકનોલોજી અને કનેક્ટવિટીના ક્ષેત્રોમાં સહયોગ વધારવાનો છે.
ભારત અને બેલ્જિયમ વચ્ચેના સંબંધોમાં ઉછાળો વચ્ચે આ મુલાકાત આવી છે. અગાઉ, માર્ચ ૨૦૨૫ માં, પ્રિન્સેસ એસ્ટ્રડના નેતૃત્વમાં બેલ્જિયન આર્થિક મિશન ભારતની મુલાકાતે આવ્યું હતું, જેમાં કંપનીઓ, ચેમ્બર ઓફ કોમર્સ, શિક્ષણ અને સરકારી સંસ્થાઓના ૩૩૮ પ્રતિનિધિઓ હાજર રહ્યા હતા, અને પરિણામે ૩૮ એમઓયુ (સમજૂતી પત્ર) થયા હતા.ડી વેવરની મુલાકાત દરમિયાન બેલ્જિયમના સંરક્ષણ અને વિદેશી વેપાર મંત્રી અને બેલ્જિયમના સંરક્ષણ ઉદ્યોગોના પ્રતિનિધિઓની હાજરી ભારત અને બેલ્જિયમના સંરક્ષણ ઔદ્યોગિક ઇકોસિસ્ટમ વચ્ચે સહયોગને વધુ આગળ વધારવાની તક પૂરી પાડશે તેવી અપેક્ષા છે.એવી આશા છે કે ડી વેવરની મુલાકાત દ્વિપક્ષીય સંબંધોમાં તાજેતરના વેગને વધુ મજબૂત બનાવશે અને ભારત-બેલ્જિયમ સહયોગને આગળ વધારવાની તક પૂરી પાડશે, તેમજ ભારત ઇયુ અને ભારત-યુરોપ સંબંધોને મજબૂત બનાવવામાં બેÂલ્જયમની ભૂમિકાને વધુ ગાઢ બનાવશે.