આસામના મુખ્યમંત્રી હિમંત બિસ્વા શર્માએ તેમના મંત્રીમંડળનું વિસ્તરણ કર્યું છે. શુક્રવારે બાર નવા મંત્રીઓએ શપથ ગ્રહણ કર્યા. આ વિસ્તરણ સાથે આસામ મંત્રીમંડળમાં કુલ મંત્રીઓની સંખ્યા ૧૭ થઈ ગઈ છે. શપથ ગ્રહણ સમારોહ બપોરે ૧૨ઃ૪૫ વાગ્યે શરૂ થયો. હિમંતના મંત્રીમંડળમાં ત્રણ નવા ચહેરાઓનો સમાવેશ કરવામાં આવ્યો છે. અન્ય તમામ નેતાઓ અગાઉના કાર્યકાળમાં મંત્રી તરીકે સેવા આપી ચૂક્યાં છે. આ માહિતી આપતાં, હિમંતા બિસ્વા શર્માએ ઇન્સ્ટાગ્રામ પર લખ્યું, “મને તમને જણાવતા આનંદ થાય છે કે આસામ વિધાનસભાના માનનીય સભ્યો ૫ જૂન, ૨૦૨૬ ના રોજ બપોરે ૧૨ઃ૪૫ વાગ્યે આસામ સરકારમાં કેબિનેટ મંત્રી તરીકે શપથ લેશે.”
જે ધારાસભ્યોએ મંત્રી તરીકે શપથ લીધાઃ ૧. અશ્વીની રોય સરકાર,૨. અશોક સિંઘલ,૩. બિમલ બોરા,૪ બિસ્વાજીત દૈમારી,૫. જયંત મલ્લબરુઆ,૬. કૌશિક રોય,૭. કેશવ મહંત,૮. કૃષ્ણેન્દુ પોલ,૯. નીલિમા દેવી,૧૦. પિજુષ હજારિકા,૧૧. ડા. રણોજ પેગુ,૧૨. સુશાંત બોરગોહેન સામેલ છે
હિમંતા બિસ્વા શર્માએ ૧૨ મેના રોજ આસામના મુખ્યમંત્રી તરીકે શપથ લીધા. અન્ય ચાર ધારાસભ્યોએ પણ મંત્રી તરીકે શપથ લીધા. ૧૨ નવા મંત્રીઓ સાથે, રાજ્યમાં મુખ્યમંત્રી સહિત કુલ મંત્રીઓની સંખ્યા ૧૭ થઈ ગઈ છે. નિયમો મુજબ, વધુમાં વધુ ૧૯ મંત્રીઓ હોઈ શકે છે. પરિણામે, બે મંત્રી પદ ખાલી છે, જે આગામી દિવસોમાં જરૂર પડ્યે ભરી શકાય છે.
હિમંતાના મંત્રીમંડળમાં જાડાનારા નવા ચહેરાઓમાં ભારતીય જનતા પાર્ટી (ભાજપ) ના અશ્વીની રે સરકાર, નીલીમા દેવી અને સુશાંત બોરગોહેનનો સમાવેશ થાય છે. આસામ ગણ પરિષદના કેશવ મહંતનો પણ મંત્રીઓની યાદીમાં સમાવેશ થાય છે. તેમણે પાછલી દ્ગડ્ઢછ સરકારમાં મંત્રી તરીકે સેવા આપી હતી. પાછલી વિધાનસભાના અધ્યક્ષ, બિશ્વજીત દૈમારીનો પણ નવા મંત્રીઓની યાદીમાં સમાવેશ થાય છે. બાકીના બધા હિમંતા બિશ્વ શર્માના પ્રથમ મંત્રીમંડળનો ભાગ હતા અને ભાજપના નેતાઓ છે. આમાં અશોક સિંઘલ, રણોજ પેગુ, બિમલ બોરા, જયંત મલ્લા બરુઆ, કૌશિક રોય, કૃષ્ણેન્દુ પોલ અને પીજુષ હજારિકાનો સમાવેશ થાય છે.
મુખ્યમંત્રી સાથે શપથ લેનારા મંત્રીઓમાં એજીપીના અતુલ બોરા, બીપીએફના ચરણ બોરો અને ભાજપના અજંતા નિઓગ અને રામેશ્વર તેલીનો સમાવેશ થાય છે. નવી મંત્રી પરિષદમાં ભાજપના ૧૩ મંત્રીઓ, એજીપીના બે અને બીપીએફનો એક મંત્રીનો સમાવેશ થાય છે. મંત્રી પરિષદમાં નિઓગ અને નીલિમા દેવી બે મહિલા મંત્રીઓ છે, અને તેમની સંખ્યા અગાઉના મંત્રી પરિષદ જેટલી જ છે
