વડા પ્રધાને કહ્યું, “હું ગઈકાલે નાગરકોઇલમાં થયેલા અસાધારણ રોડ શોની કેટલીક ઝલક શેર કરી રહ્યો છું, જે સ્પષ્ટ કરે છે કે ડીએમકેનો પરાજય નિશ્ચિત છે અને એનડીએને લોકોના આશીર્વાદ મળશે. તમિલનાડુના નાગરકોઇલમાં એક રોડ શો યોજ્યો હતો.
તેમણે એક મિનિટ, ૫૩-સેકન્ડનો વિડિયો પણ શેર કર્યો જેમાં ઉત્સાહી ભીડ “નરેન્દ્ર મોદી” ના નારા લગાવતી અને હાથ હલાવીને કાર્યક્રમ માટે મજબૂત જાહેર સમર્થન દર્શાવતી જાવા મળે છે. બીજી પોસ્ટમાં, પીએમ મોદીએ કહ્યું, “ગઈકાલે નાગરકોઇલમાં રોડ શો દરમિયાન થિરુ કે. કામરાજ, ડા. બાબાસાહેબ આંબેડકર, થિરુ સી.એન. અન્નાદુરાઈ અને થિરુ એમજીઆરને શ્રદ્ધાંજલિ.”
વડાપ્રધાન નરેન્દ્ર મોદીએ બુધવારે કન્યાકુમારી જિલ્લાના નાગરકોઇલ શહેરમાં એક ઉત્સાહી રોડ શો યોજ્યો હતો, જેમાં ૨૩ એપ્રિલે તમિલનાડુ વિધાનસભાની ચૂંટણીઓ યોજાવાની છે ત્યારે મોટી સંખ્યામાં લોકો ઉમટી પડ્યા હતા. રાષ્ટ્રીય લોકશાહી જાડાણ માટે સઘન પ્રચારના ભાગ રૂપે આ વિસ્તારમાં આવેલા વડા પ્રધાન, વડા એડાપ્પડી કે. પલાનીસ્વામી, રાજ્ય ભાજપ પ્રમુખ નૈનાર નાગેન્થરન અને ભૂતપૂર્વ રાજ્ય ભાજપ વડા કે. અન્નામલાઈ સાથે હતા. આ કાર્યક્રમમાં ભાજપના વરિષ્ઠ નેતા પોન રાધાકૃષ્ણન પણ હાજર હતા.
વડાપ્રધાન મોદી નવી દિલ્હીથી તિરુવનંતપુરમ પહોંચ્યા અને બાદમાં હેલિકોપ્ટર દ્વારા નાગરકોઇલ ગયા. પહોંચ્યા પછી, તેમણે વેપ્પમુડુ જંકશનથી વડાસેરી સુધી ફેલાયેલા લગભગ ૧.૫ કિલોમીટર લાંબા ખુલ્લા વાહનમાં રોડ શો શરૂ કર્યો. ખાસ શણગારેલા વાહન પર ઉભા રહીને, પ્રધાનમંત્રીએ રસ્તાની બંને બાજુ એકઠા થયેલા ઉત્સાહી સમર્થકોને હાથ લહેરાવ્યો. ભીડે સૂત્રોચ્ચાર અને ઉલ્લાસ સાથે પ્રતિક્રિયા આપી. ઘણા લોકોએ સ્વાગત તરીકે ફૂલોની પાંખડીઓ વરસાવી. પક્ષના કાર્યકરો અને સામાન્ય જનતાનો મોટો સમૂહ આ પ્રદેશમાં પ્રવર્તતા તીવ્ર રાજકીય વાતાવરણને દર્શાવે છે.
આ રોડ શો તમિલનાડુમાં ભાજપની આગેવાની હેઠળના આક્રમક ચૂંટણી પ્રચાર વ્યૂહરચનાનો એક ભાગ છે, જ્યાં મતદાન પહેલા રાજકીય ગતિવિધિઓ તીવ્ર બની ગઈ છે. ચૂંટણી પ્રચારના અંત પહેલા થોડા દિવસો બાકી છે, આ મુલાકાત પક્ષના કાર્યકરોને ઉર્જા આપશે અને પ્રદેશમાં દ્ગડ્ઢછની સંભાવનાઓને વેગ આપશે તેવી અપેક્ષા છે. તમિલનાડુ વિધાનસભાની ચૂંટણી ૨૩ એપ્રિલે યોજાશે અને મત ગણતરી ૪ મેના રોજ થશે.
