રાજ્ય જીએસટી વિભાગે અમદાવાદમાં આધારિત ધારા ફાર્મા મેન્યુફેક્ચર કેમિકલ્સની ફાર્માસ્યુટિકલ ગ્રુપ વિરુદ્ધ મોટા પાયે કરચોરીની તપાસ શરૂ કરી છે. આ તપાસમાં ગ્રુપની કુલ ૧૧ સંલગ્ન સંસ્થાઓ પર ખોટા ઇન્વોઇસ અને ઈ-વે બિલના આધારે ઈનપુટ ટેક્સ ક્રેડિટનો ગેરકાયદેસર લાભ લેવાનો આરોપ લગાવવામાં આવ્યો છે. તપાસ દરમિયાન રૂ. ૧૧૪.૮૯ કરોડના ટેક્સેબલ ટ્રાન્ઝેક્શન અને રૂ. ૨૦.૬૮ કરોડની ખોટી આઇટીસી બહાર આવી છે. આ મામલામાં કંપનીના મુખ્ય ઓ કેયુર શાહ અને રોમલ બાફ્ણાની ધરપકડ કરવામાં આવી છે, જેમને ન્યાયિક કસ્ટડીમાં મોકલવામાં આવ્યા છે. આ ઘટના જીએસટી વ્યવસ્થામાં થતી કરચોરીની ગંભીરતા પર પ્રકાશ પાડે છે અને વિભાગની કડક કાર્યવાહીને દર્શાવે છે.
રાજ્ય જીએસટી વિભાગે આધુનિક ડેટા એનાલિટિક્સના આધારે આ ગ્રુપ પર નજર રાખી હતી અને તાજેતરમાં અમદાવાદ સહિત ૧૪ વિવિધ સ્થળોએ ૩૨ જગ્યાઓ પર એકસાથે સર્ચ ઓપરેશન હાથ ધર્યું હતું. તપાસમાં જાણવા મળ્યું કે આ ગ્રુપની અનેક સંસ્થાઓ મકરબા વિસ્તારમાં આવેલા ધારા ફાર્મા કંપનીના એક જ સ્થળથી કામગીરી કરી રહી હતી. આ ઉપરાંત, કેટલીક કંપનીઓએ તેમની જીએસટી નોંધણીમાં ફેરફાર કરીને આયર્ન એન્ડ સ્ટીલ તથા ઇન્ગોટ્સ ટ્રેડિંગની પ્રવૃત્તિઓ દર્શાવી હતી, જ્યારે વાસ્તવિક માલસામાની હલચલ વિના માત્ર કાગળ પરના વ્યવહારો (પેપર ટ્રાન્ઝેક્શન) કરવામાં આવ્યા હતા.વિભાગના અધિકારીઓએ જણાવ્યું કે અનેક જાહેર કરાયેલા બિઝનેસ સ્થળો હકીકતમાં કોઈ જ કામગીરી ન કરી રહ્યા હતા.
આ બધું ખોટા ઇન્વોઇસ અને ઈ-વે બિલના માધ્યમથી કરવામાં આવ્યું હતું, જેના આધારે આઇટીસીનો ગેરગ્રહણ કરીને ટેક્સની ચોરી કરવામાં આવી હતી. તપાસમાં જપ્ત કરાયેલા દસ્તાવેજા, ડિજિટલ પુરાવા, નાણાકીય લેવડલેખા અને આંતરરાજ્ય કડીઓની તપાસ ચાલુ છે. વિભાગે આરએફઆઇડી (રેડિયો ફ્રીક્વન્સી આઇડેÂન્ટફિકેશન) અને ટોલ પ્લાઝા વેરિફિકેશન જેવી આધુનિક પદ્ધતિઓનો ઉપયોગ કરીને આ વ્યવહારોને બોગસ સાબિત કર્યા છે. તેમજ, મોબાઈલ ડેટા અને ટ્રાન્ઝેક્શનની તપાસ પણ કરવામાં આવી છે.
આ મામલાની ગંભીરતાને કારણે કેયુર શાહ અને રોમલ બાફ્ણાની ધરપકડ કરવામાં આવી છે. તેમને અમદાવાદના એડિશનલ ચીફ જ્યુડિશિયલ મેજિસ્ટ્રેટ સમક્ષ રજૂ કરવામાં આવ્યા હતા, જ્યાંથી તેમને ન્યાયિક કસ્ટડીમાં મોકલવામાં આવ્યા છે. જીએસટી કરચોરીની રકમ રૂ. ૫ કરોડથી વધુ હોવાથી, આ કેસ સીજીએસટી/ જીજીએસટી એક્ટની કલમ ૧૩૨ હેઠળ આવે છે, જે ગુનોને કોÂગ્નઝેબલ (પોલીસ વિના જુડિશિયલ અધિકારી દ્વારા તપાસ કરી શકાય તેવો) અને નોન-બેલેબલ (બેલ વિના કસ્ટડી) બનાવે છે. આ કલમ હેઠળ ચોરીની રકમ રૂ. ૨૦ કરોડથી વધુ હોવાથી, આરોપીઓને કડક સજાનો સામનો કરવો પડશે. વિભાગે સ્પષ્ટ કર્યું છે કે આગળની તપાસ ચાલુ રહેશે અને કરચોરી કરનારાઓ સામે કોઈપણ સંજાગે રાહત નહીં આપવામાં આવે.
