પ્રખ્યાત ભારતીય ગીતકાર અને પટકથા લેખક જાવેદ અખ્તરે પાકિસ્તાનના રાષ્ટ્રપતિ આસિફ અલી ઝરદારીના પાકિસ્તાનમાં હિન્દુ લઘુમતીનો ઉલ્લેખ કરતા તાજેતરના નિવેદન સામે સખત વાંધો ઉઠાવ્યો છે. તેમણે ઝરદારી દ્વારા હિન્દુ વસ્તીનું વર્ણન કરવા માટે “સહન” શબ્દનો ઉપયોગ કરવા બદલ ઊંડી નારાજગી વ્યક્ત કરી. તેમણે ઝરદારીના ભૂતપૂર્વ અને લોકપ્રિય ઉપનામ, “શ્રી ૧૦ ટકા” પર પણ કટાક્ષ કર્યો.
પાકિસ્તાનના સ્વતંત્રતા દિવસ ઉજવણી દરમિયાન એક વિડિઓ સામે આવ્યા પછી સમગ્ર વિવાદ શરૂ થયો. કાર્યક્રમમાં, રાષ્ટÙપતિ ઝરદારીએ ભારત અને પાકિસ્તાનમાં હિન્દુ વસ્તીની સ્થિતિની તુલના કરતા નિવેદન આપ્યું. તેમણે કહ્યું કે ભારતનો દ્રષ્ટિકોણ અને એજન્ડા અલગ છે, પરંતુ તેઓ વચ્ચે ઘણી બાબતો ભૂલી રહ્યા છે. ઝરદારીએ વધુમાં કહ્યું કે અમે મુસ્લિમ છીએ અને અમારી માનસિકતા છે કે અમે અમારા દેશમાં ૩ થી ૪ ટકા હિન્દુ વસ્તીને “સહન” કરીએ છીએ. તેઓ અમારી સાથે એટલા જ સ્વતંત્ર અને વધુ સારા છે જેટલા તેઓ બીજે ક્યાંય હોઈ શકે છે.પાકિસ્તાની રાષ્ટ્રપતિ નિવેદનનો વિડિઓ સોશિયલ મીડિયા પર વાયરલ થયા પછી, જાવેદ અખ્તરે ઠ પર જારદાર પ્રતિક્રિયા પોસ્ટ કરી. તેમણે હિન્દુ સમુદાયના સંદર્ભમાં ઝરદારી દ્વારા “સહન” શબ્દના ઉપયોગની આકરી ટીકા કરી. અખ્તરે લખ્યું છે કે બેનઝીર ભુટ્ટો સાથે લગ્ન કર્યા પછી પ્રસિદ્ધિ મેળવનારા શ્રી ઝરદારી કહે છે કે તેઓ તેમના દેશમાં ૩-૪ ટકા હિન્દુ વસ્તીને સહન કરે છે. તેમણે વધુમાં કટાક્ષમાં લખ્યું છે કે તેઓ સમજી શકે છે કે ઝરદારી હંમેશા ૧૦ ટકાથી ઓછી કોઈપણ બાબત પ્રત્યે અસંવેદનશીલ રહ્યા છે.
જાવેદ અખ્તરનો “૧૦ ટકા” મજાક દાયકાઓથી આસિફ અલી ઝરદારી સાથે સંકળાયેલા લાંબા સમયથી ચાલતા ઉપનામનો ઉલ્લેખ કરે છે. ૧૯૮૦ ના દાયકાના અંતમાં અને ૧૯૯૦ ના દાયકાની શરૂઆતમાં, જ્યારે બેનઝીર ભુટ્ટોની સરકાર બરતરફ કરવામાં આવી હતી, ત્યારે તત્કાલીન કાર્યકારી વડા પ્રધાન ગુલામ મુસ્તફા જટોઈએ ઝરદારી પર ભ્રષ્ટાચારનો આરોપ લગાવ્યો હતો. તેમના પર સરકારી કરારો અને વ્યવસાયિક સોદાઓ પર ૧૦ ટકા કમિશનની માંગ કરવાનો આરોપ મૂકવામાં આવ્યો હતો, જેના કારણે તેમને “શ્રી ૧૦ ટકા” ઉપનામ મળ્યું હતું. જાકે, ઝરદારીએ સતત આ આરોપોને નકારી કાઢ્યા છે.
આ પહેલીવાર નથી જ્યારે જાવેદ અખ્તરે સરહદ પારથી આવતા નિવેદનો અથવા પાકિસ્તાનની નીતિઓ પર ખુલ્લેઆમ પોતાના વિચારો વ્યક્ત કર્યા હોય. અગાઉ, તેમણે વિવિધ પ્લેટફોર્મ પરથી પાકિસ્તાનના સરહદપાર આતંકવાદ અને દ્વિપક્ષીય સંબંધો પ્રત્યેની તેની ઉદાસીનતા પર સવાલ ઉઠાવ્યા છે. મુંબઈમાં એક કાર્યક્રમ દરમિયાન, તેમણે કહ્યું કે ભારતે હંમેશા પાકિસ્તાન સાથે સંબંધો સુધારવા અને સાંસ્કૃતિક આદાનપ્રદાનને પ્રોત્સાહન આપવા માટે ખરા પ્રયાસો કર્યા છે, પરંતુ તાળી પાડવી એ બે હાથની પ્રક્રિયા છે, અને પાકિસ્તાન તરફથી આવા નક્કર પ્રયાસો ક્યારેય જાવા મળ્યા નથી.
પાકિસ્તાનના રાષ્ટ્રપતિ દ્વારા લઘુમતી સમુદાય અંગે ઉપયોગમાં લેવામાં આવતી ભાષા અને તેના પર જાવેદ અખ્તરના કડક પ્રતિભાવની સોશિયલ મીડિયા પર વ્યાપક ચર્ચા થઈ રહી છે. જ્યારે ધાર્મિક લઘુમતીઓના અધિકારો અને ગૌરવ અંગે અંતરરાષ્ટ્રીય ચિંતાઓ ઉઠાવવામાં આવી રહી છે, ત્યારે જાવેદ અખ્તરના ઝડપી અને તીક્ષ્ણ પ્રતિભાવને ઘણા લોકો તરફથી સમર્થન મળી રહ્યું છે.
