આતંકવાદ અને ધાર્મિક સ્વતંત્રતાને સમર્થન આપવાના મુદ્દા પર ભારતે સંયુક્ત રાષ્ટ્રમાં પાકિસ્તાનની આકરી ટીકા કરી. ભારતે સ્થળાંતર કરનારાઓના માનવ અધિકારો પર યુએનના વિશેષ સંવાદદાતાના અહેવાલ પર પણ સવાલ ઉઠાવ્યા. ભારતનું પ્રતિનિધિત્વ કરતા ફર્સ્ટ સેક્રેટરી ભાવિકા મંગલાનંદને રિપોર્ટની પદ્ધતિ સામે વાંધો ઉઠાવ્યો હતો, અને કહ્યું હતું કે તે કોવિડ-૧૯ રોગચાળા દરમિયાન ગેરવર્તણૂક માટે ફક્ત ગ્લોબલ સાઉથના દેશોને દોષી ઠેરવે છે, જ્યારે વિકસિત દેશોમાં સમાન ઘટનાઓને અવગણે છે.સંયુક્ત રાષ્ટ્રમાં પોતાના સંબોધન દરમિયાન ભાવિકા મંગલાનંદને પાકિસ્તાનમાં આતંકવાદીઓની પ્રવૃત્તિઓ અને તેમના અંતિમ સંસ્કાર અંગે પ્રશ્નો ઉઠાવ્યા હતા. તેમણે કહ્યું હતું કે આતંકવાદીઓ માત્ર નિર્દોષ લોકોને જ મારતા નથી પરંતુ સમગ્ર રાષ્ટ્રના માનસ અને મનોબળને પણ નુકસાન પહોંચાડે છે.
તેમણે કહ્યું હતું કે આતંકવાદીઓના અધિકારોની હિમાયત કરતી વખતે, આતંકવાદી હુમલામાં જીવ ગુમાવનારા પીડિતોના અધિકારોને પણ ધ્યાનમાં લેવા જાઈએ. મંગલાનંદને સાર્વભૌમ અધિકારોના સિદ્ધાંતો અનુસાર કાનૂની સીમાઓ નક્કી કરવા પણ હાકલ કરી હતી.
ભારતીય રાજદ્વારીએ ૧૯૯૯ના કારગિલ યુદ્ધનો ઉલ્લેખ કરતા પાકિસ્તાનને તેના સૈનિકોના મૃતદેહ સ્વીકારવાનો પાકિસ્તાનના ઇનકારની યાદ અપાવી. તેમણે કહ્યું કે તે વિડંબના છે કે જે દેશે તેના શહીદ સૈનિકોના મૃતદેહ સ્વીકારવાનો ઇનકાર કર્યો હતો તે જ દેશ હવે ધાર્મિક શ્રદ્ધા, ધાર્મિક સ્વતંત્રતા અને અંતિમ સંસ્કારના અધિકારો વિશે ઉપદેશ આપી રહ્યો છે.
ભાવિકા મંગલાનંદને કહ્યું કે ભારતીય સેનાએ ઘણા પાકિસ્તાની સૈનિકોને લશ્કરી સન્માન સાથે અને ઇસ્લામિક રીતરિવાજા અનુસાર દફનાવ્યા હતા. આ નિવેદન દ્વારા ભારતે ધાર્મિક સ્વતંત્રતા અને માનવીય મૂલ્યોના મુદ્દા પર પાકિસ્તાનના વલણ પર સવાલ ઉઠાવ્યા.
ભારતે જમ્મુ અને કાશ્મીર પર પાકિસ્તાનની ટિપ્પણીઓને પણ નકારી કાઢી. મંગલાનંદને કહ્યું કે પાકિસ્તાને ભારતીય કેન્દ્રશાસિત પ્રદેશ જમ્મુ અને કાશ્મીર પર ધ્યાન કેન્દ્રિત કરવાને બદલે તેના નિયંત્રણ હેઠળના વિસ્તારોમાં વિકાસ પર ધ્યાન કેન્દ્રિત કરવું જાઈએ. રાવલકોટનો ઉલ્લેખ કરતા, તેમણે પાકિસ્તાનના નિયંત્રણ હેઠળના જમ્મુ અને કાશ્મીરના વિસ્તારોની પરિસ્થિતિ પર પ્રશ્ન ઉઠાવ્યો. તેમણે એમ પણ કહ્યું કે પાકિસ્તાનમાં લઘુમતી વસ્તી ઘટી રહી છે અને તેમના અધિકારોનું સતત ઉલ્લંઘન થઈ રહ્યું છે.
પોતાના સંબોધનના અંતે, ભાવિકા મંગલાનંદને પાકિસ્તાનમાં લઘુમતીઓની દુર્દશા અંગે કડક સંદેશ આપ્યો. તેમણે કહ્યું, “જે દેશ પોતાના લઘુમતીઓની સુરક્ષા સુનિશ્ચિત કરી શકતો નથી તેને ભારતને ઉપદેશ આપવાનો કોઈ અધિકાર નથી.”ભારતના નિવેદનમાં આતંકવાદ, ધાર્મિક સ્વતંત્રતા, લઘુમતી અધિકારો અને જમ્મુ અને કાશ્મીર મુદ્દા પર પાકિસ્તાનના વલણને પડકારવામાં આવ્યો હતો. સંયુક્ત રાષ્ટÙમાં, ભારતે સ્પષ્ટતા કરી કે આતંકવાદનો ભોગ બનેલા લોકોના અધિકારો અને લઘુમતીઓની સુરક્ષા જેવા મુદ્દાઓ પર ચર્ચા કરતી વખતે બધા દેશોએ પોતાના આચરણનો પણ વિચાર કરવો જાઈએ.
