દિલ્હી પોલીસે ગાયકના ‘ઔરા ઈન્ડિયા ટૂર’ ના દિલ્હી કોન્સર્ટને મંજૂરી આપી છે. સુરક્ષા વ્યવસ્થા અંગે પોલીસ અને આયોજકો વચ્ચે અનેક રાઉન્ડની બેઠકો યોજાઈ હતી, ત્યારબાદ કાર્યક્રમને લીલી ઝંડી મળી હતી. અગાઉ, પોલીસે સુરક્ષા ચિંતાઓ અને કાયદો અને વ્યવસ્થાની જવાબદારીઓનો ઉલ્લેખ કરીને કાર્યક્રમ માટે પરવાનગી આપવાનો ઇનકાર કર્યો હતો. આના કારણે કોન્સર્ટ રદ થવાની અટકળો શરૂ થઈ હતી. જા કે, હવે પરવાનગી મળી ગયા પછી, આયોજકોએ રાહતનો શ્વાસ લીધો છે અને કાર્યક્રમની તૈયારીઓ આગળ વધવાની અપેક્ષા છે.દિલજીત દોસાંઝનો દિલ્હી કોન્સર્ટ ૩૦ ઓક્ટોબરે જવાહરલાલ નહેરુ સ્ટેડિયમ ખાતે યોજાશે. શરૂઆતમાં ૧ નવેમ્બરના રોજ આયોજન કરવામાં આવ્યું હતું, પરંતુ બાદમાં તારીખ બદલીને ૩૦ ઓક્ટોબર કરવામાં આવી હતી. હવે, પોલીસની મંજૂરી સાથે, શો યોજવાનો માર્ગ સ્પષ્ટ થઈ ગયો છે. કોન્સર્ટમાં મોટી સંખ્યામાં પ્રેક્ષકો હાજર રહે તેવી અપેક્ષા છે. કાર્યક્રમ દરમિયાન સુરક્ષા જાળવવી પોલીસ અને આયોજકો માટે મહત્વપૂર્ણ રહેશે.
દક્ષિણ જિલ્લાના ડેપ્યુટી કમિશનર ઓફ પોલીસની ઓફિસે આયોજકોને પત્ર લખીને પરવાનગી આપવાનો ઇનકાર કર્યો ત્યારે કોન્સર્ટને લગતો વિવાદ શરૂ થયો. ટિકિટ બુકિંગ પ્લેટફોર્મ ને પત્ર મોકલવામાં આવ્યો હતો. તેમાં સુરક્ષા જાખમો, તહેવારોની મોસમ દરમિયાન કાયદો અને વ્યવસ્થાની જવાબદારીઓ અને અન્ય મહત્વપૂર્ણ ચિંતાઓ અંગેના ઇનપુટ્સનો ઉલ્લેખ કરવામાં આવ્યો હતો. પોલીસ પત્રમાં જણાવાયું હતું કે ૩૦ ઓક્ટોબરે જવાહરલાલ નહેરુ સ્ટેડિયમ ખાતે યોજાનાર દિલજીત દોસાંઝના ઓરા ઈન્ડિયા ટૂર દિલ્હીના આયોજનની વિનંતીની સમીક્ષા કરવામાં આવી હતી, પરંતુ વર્તમાન પરીસ્થીતોને જાતાં તેને સ્વીકારી શકાય નહીં. આ નિર્ણયથી કોન્સર્ટ પર પડછાયો પડ્યો અને તેના રદ થવા અંગે અટકળો શરૂ થઈ.
પરવાનગી નકારવામાં આવ્યા પછી, કોન્સર્ટના આયોજન પર અનિશ્ચિતતા શાસન કરતી હતી. સુરક્ષા એજન્સીઓ તરફથી મળેલા ઇનપુટ્સ અને કાયદો અને વ્યવસ્થા અંગેની ચિંતાઓને ધ્યાનમાં રાખીને, કાર્યક્રમની મંજૂરી પર પ્રશ્ન ઉઠાવવામાં આવ્યો હતો. ત્યારબાદ, સુરક્ષા વ્યવસ્થા અંગે પોલીસ અને આયોજકો વચ્ચે અનેક રાઉન્ડની બેઠકો યોજાઈ હતી. ચર્ચાઓ બાદ, દિલ્હી પોલીસે કાર્યક્રમ માટે પરવાનગી આપી. હવે બધાની નજર ૩૦ ઓક્ટોબરના રોજ આ કોન્સર્ટ પર છે, જ્યાં દિલજીત દોસાંઝ ફરી એકવાર પોતાના સંગીતથી દિલ્હીના દર્શકોનું મનોરંજન કરશે.
આયોજક બોકોમાય શો લાઇવએ શુક્રવારે સ્પષ્ટતા કરી કે દિલજીત દોસાંઝનો દિલ્હીનો કોન્સર્ટ રદ કરવામાં આવ્યો નથી; તેના બદલે, તેના માટે પરવાનગી અસ્થાયી રૂપે રોકી દેવામાં આવી હતી, જેનો પુનર્વિચાર કરીને તેને મંજૂરી આપવામાં આવી છે. આયોજકોના જણાવ્યા અનુસાર, તહેવારોની મોસમને ધ્યાનમાં રાખીને, દિલ્હી પોલીસે વધારાની સુરક્ષા, ટ્રાફિક અને ભીડ વ્યવસ્થાપન વ્યવસ્થા માટે વિનંતી કરી હતી. આ પછી, ર્મ્ાર્સ્અજીર્રુ ન્ૈvી એ પોલીસ સાથે મુલાકાત કરી અને એક વિગતવાર યોજના રજૂ કરી, જેમાં તેમને તમામ જરૂરી સુરક્ષા અને ટ્રાફિક આવશ્યકતાઓનું પાલન કરવાની ખાતરી આપવામાં આવી. આયોજકોએ જણાવ્યું કે તેઓ પ્રેક્ષકો અને સ્થાનિક પ્રવાસીઓની સુવિધા સુનિશ્ચિત કરવા માટે પોલીસ સાથે કામ કરવા માટે પ્રતિબદ્ધ છે. ૩૦ ઓક્ટોબરે દિલ્હીમાં આ કોન્સર્ટ દિલજીત દોસાંજના ઓરા વર્લ્ડ ટૂરના ભારત તબક્કાની શરૂઆત કરશે. ત્યારબાદ આ પ્રવાસ છ શહેરોમાં પહોંચશે, જેમાં ઇન્દોર, અમદાવાદ, મુંબઈ, બેંગલુરુ, લખનૌ અને ચંદીગઢનો સમાવેશ થાય છે. અગાઉ, દિલજીત ઉત્તર અમેરિકા, યુરોપ અને ઓસ્ટ્રેલિયાના ઘણા દેશોમાં પર્ફોર્મ કરી ચુક્યા છે.
