પશ્ચિમ ગુજરાત વીજ કંપની લિમિટેડ PGVCL ના કોર્પોરેટ ઓફિસ, રાજકોટ દ્વારા વીજ વપરાશકારો માટે ફ્યુઅલ એન્ડ પાવર પર્ચેઝ એડજસ્ટમેન્ટ સરચાર્જ FPPAS ના નવા દરો અંગેનો પરિપત્ર બહાર પાડવામાં આવ્યો છે. પરિપત્ર મુજબ, નાણાકીય વર્ષ ૨૦૨૬-૨૭ ના પ્રથમ ત્રિમાસિક ગાળા (જુલાઈ ૨૦૨૬ થી શરૂ થતાં વપરાશ) માટે કૃષિ સિવાયના તમામ શ્રેણીના વીજ ગ્રાહકો પાસેથી યુનિટ દીઠ રૂ.૨.૪૫ નો બેઝ FPPAS ચાર્જ તથા ૩.૯૯% વેરિયેબલ FPPAS વસૂલવાનો નિર્ણય લેવાયો છે. અગાઉ ૧ ઓગસ્ટ ૨૦૨૬ ના પત્ર મુજબ એપ્રિલ ૨૦૨૬ થી કૃષિ સિવાયના ગ્રાહકો માટે યુનિટ દીઠ રૂ.૨.૩૦ FPPAS વસૂલવામાં આવી રહ્યો હતો. હવે ૧ જુલાઈ ૨૦૨૬ અને ત્યાર પછીના વીજ વપરાશ માટે નવી સૂચના ન મળે ત્યાં સુધી આ નવા દર (રૂ.૨.૪૫ બેઝ + ૩.૯૯% વેરિયેબલ) લાગુ રહેશે. ગુજરાત સરકાર દ્વારા ડિસ્કોમને કૃષિ વપરાશ પર સબ્સિડી આપવામાં આવતી હોવાથી ખેતીવાડી ક્ષેત્રના ગ્રાહકોને આ સરચાર્જમાંથી મુક્તિ આપવામાં આવી છે.PGVCL મેનેજિંગ ડિરેક્ટર દ્વારા આ અંગેના જરૂરી આદેશો વર્તુળ કચેરીઓ, વિભાગીય કચેરીઓ અને સબ ડિવિઝન કચેરીઓને જારી કરવામાં આવ્યા છે.
