મુંબઈના લાલબાગ વિસ્તારમાંથી આ ક્ષણના મોટા સમાચાર આવી રહ્યા છે. રવિવારે વહેલી સવારે વીજળીનો કરંટ લાગવાથી બે લોકોના મોત થયા છે. એવું કહેવામાં આવી રહ્યું છે કે આ અકસ્માત લાલબાગ વિસ્તારમાં ગણપતિ પંડાલ પાસે થયો છે. હાલની માહિતી અનુસાર, બે લોકોના મોત થયા છે અને ઘણા લોકો ઘાયલ થયા છે. આ ઘટના કાલાચોકીના દત્તારામ લાડ માર્ગ પર કાલાચોકી વિભાગ સાર્વજનિક ઉત્સવ મંડળ પાસે રાત્રે ૨ઃ૨૦ વાગ્યે બની હતી, જ્યારે ગણપતિ ઉત્સવ દરમિયાન લાલબાગ વિસ્તારમાં મોટી ભીડ એકઠી થઈ હતી. આ ઘટનાની તપાસ ચાલી રહી છે.અધિકારીઓએ જણાવ્યું હતું કે રવિવારે વહેલી સવારે મુંબઈના લાલબાગ વિસ્તારમાં ગણપતિ પંડાલ પાસે બે લોકો વીજળીનો કરંટ લાગ્યો હતો. આ ઘટનામાં ચાર લોકો ઘાયલ થયા હોવાનું જાણવા મળ્યું છે. અધિકારીઓના જણાવ્યા અનુસાર, આ ઘટના કાલાચોકીના દત્તારામ લાડ માર્ગ પર કાલાચોકી વિભાગ સાર્વજનિક ઉત્સવ મંડળ પાસે રાત્રે ૨ઃ૨૦ વાગ્યે બની હતી, જ્યારે ગણપતિ ઉત્સવ દરમિયાન લાલબાગ વિસ્તારમાં મોટી ભીડ એકઠી થઈ હતી.
શહેરના અધિકારીઓએ જણાવ્યું હતું કે મુંબઈ ફાયર બ્રિગેડને સવારે ૨ઃ૪૨ વાગ્યે ઘટનાની જાણ કરવામાં આવી હતી. ત્યારબાદ, ફાયર વિભાગ, પોલીસ, મ્ઈજી્ અને પૂર્વ અને મ્યુનિસિપલ વોર્ડ ઓફિસના કર્મચારીઓને ઘટનાસ્થળે મોકલવામાં આવ્યા હતા. ઘટનાસ્થળે હાજર પોલીસ અધિકારીઓના જણાવ્યા અનુસાર, પાંચ ઘાયલોને ભાયખલાની મસીના હોસ્પિટલમાં લઈ જવામાં આવ્યા હતા, જ્યારે અન્યને પરેલની ગ્લોબલ હોÂસ્પટલમાં દાખલ કરવામાં આવ્યા હતા. ઘાયલો હાલમાં સારવાર લઈ રહ્યા છે.મસીના હોસ્પિટલમાં આઠ વર્ષની રાગિણી ઘનશ્યામ યાદવને મૃત જાહેર કરવામાં આવ્યા હતા. કિરણ અકબર નાઈક (૧૯), તન્વી નરેશ હાંડે (૧૯), સાહિલ સંદીપ તારે (૧૯) અને રૂહી સિંહ (૧૨) સારવાર હેઠળ હતા, અને તેમની સ્થિતિ વિશે માહિતીની રાહ જાવાઈ રહી હતી. બાદમાં, અધિકારીઓએ બીજા મૃત્યુની જાણ કરતા કહ્યું કે ગ્લોબલ હોસ્પિટલમાં દાખલ એક મહિલાનું પણ મૃત્યુ થયું છે. તેની ઓળખ અને અન્ય માહિતીની રાહ જાવાઈ રહી છે.
