ભારતીય જનતા પાર્ટીએ તેના ઉત્તર પ્રદેશ સંગઠન માટે વિસ્તાર અને મોરચાના પ્રભારીઓની જાહેરાત કરી છે. પાર્ટી દ્વારા જાહેર કરાયેલી યાદીમાં, રાજ્યના વિવિધ પ્રદેશો માટે છ નેતાઓને વિસ્તાર પ્રભારી તરીકે સોંપવામાં આવ્યા છે. સાત નેતાઓને વિવિધ મોરચાના પ્રભારી તરીકે પણ નિયુક્ત કરવામાં આવ્યા છે. આ યાદી પ્રદેશ ભાજપ પ્રમુખ પંકજ ચૌધરીએ જાહેર કરી હતી.
ભાજપની યાદી મુજબ, રામપ્રતાપ સિંહ ચૌહાણને પશ્ચિમ ક્ષેત્રના પ્રભારી તરીકે નિયુક્ત કરવામાં આવ્યા છે. ગીતા શાક્યને બ્રજના પ્રભારી, શંકર લોધીને કાનપુરના પ્રભારી, દિલીપ પટેલને અવધના પ્રભારી, રમેશ સિંહને કાશીના પ્રભારી અને અભિજાત મિશ્રાને ગોરખપુરના પ્રભારી તરીકે નિયુક્ત કરવામાં આવ્યા છે. આમાંથી, રામપ્રતાપ સિંહ ચૌહાણ, ગીતા શાક્ય, શંકર લોધી, દિલીપ પટેલ અને અભિજાત મિશ્રાને પ્રદેશ મહાસચિવની જવાબદારી સોંપવામાં આવી છે, જ્યારે રમેશ સિંહ રાજ્ય ઉપાધ્યક્ષ છે.
પાર્ટીએ વિવિધ મોરચાના પ્રભારીઓની પણ જાહેરાત કરી છે. રાજેશ ચૌધરીને યુવા મોરચાના પ્રભારી, સંજય રાયને પછાત વર્ગ મોરચાના પ્રભારી, ડા. ધર્મેન્દ્ર સિંહને અનુસૂચિત જાતિ મોરચાના પ્રભારી, કામેશ્વર સિંહને મહિલા મોરચાના પ્રભારી, ડા. પ્રિયા રાવતને અનુસૂચિત જનજાતિ મોરચાના પ્રભારી, દેશેશ કોરીને લઘુમતી મોરચાના પ્રભારી અને શંકર ગિરીને ખેડૂત મોરચાના પ્રભારી નિયુક્ત કરવામાં આવ્યા છે. આમાં રાજેશ ચૌધરી અને સંજય રાય રાજ્ય મહાસચિવ છે, જ્યારે ધર્મેન્દ્ર સિંહ, કામેશ્વર સિંહ, પ્રિયા રાવત, દેશેશ કોરી અને શંકર ગિરીને પ્રદેશ ઉપાધ્યક્ષ પદની સાથે મોરચાની જવાબદારી સોંપવામાં આવી છે.
આ નિમણૂકો ૨૦૨૭ ની વિધાનસભા ચૂંટણી માટે ખૂબ જ મહત્વપૂર્ણ માનવામાં આવી રહી છે. પ્રદેશ પ્રમુખ પંકજ ચૌધરીએ લખનૌમાં ભાજપ કાર્યાલય માટે મુખ્યાલય પ્રભારીની પણ નિમણૂક કરી છે. પાર્ટીના એમએલસી ગોવિંદ નારાયણ શુક્લાને મુખ્યાલય પ્રભારી બનાવવામાં આવ્યા છે. યતેન્દ્ર શર્માને મીડિયા ઇન્ચાર્જ, બ્રજ બહાદુરને પ્રદેશ ઉપાધ્યક્ષ, વિસ્તરણ યોજના અને અર્ચના મિશ્રાને મન કી બાત કાર્યક્રમ માટે રાજ્ય ઉપાધ્યક્ષ અને રાહુલ વાÂલ્મકીને મન કી બાત કાર્યક્રમ માટે રાજ્ય મંત્રી બનાવવામાં આવ્યા છે.
