કર્ણાટકના મુખ્યમંત્રી ડીકે શિવકુમારે મંત્રીમંડળ વિસ્તરણમાં સમાવેશ ન થવાથી નારાજ ધારાસભ્યો અંગે એક મહત્વપૂર્ણ નિવેદન આપ્યું છે. કોંગ્રેસના ધારાસભ્યોના રાજીનામાની ધમકીઓ પર કડક વલણ અપનાવતા, ડીકે શિવકુમારે મંગળવારે કહ્યું કે પાર્ટી મહત્વપૂર્ણ છે. જા કોઈ રાજીનામું આપે છે, તો તે મિનિટોમાં સ્વીકારવામાં આવશે.મુખ્યમંત્રીએ નારાજ ધારાસભ્યોને ધીરજ રાખવા અને તકની રાહ જાવાની અપીલ કરી, એમ કહીને કે સરકારી બોર્ડ અને કોર્પોરેશનોમાં જગ્યાઓ ટૂંક સમયમાં ભરાઈ જશે. ધારાસભ્યો દ્વારા રાજીનામા આપવાની ધમકી આપવા અંગેના પ્રશ્નના જવાબમાં શિવકુમારે કહ્યું, “મેં જે કહેવું હતું તે કહ્યું છે. રાજકારણમાં રાજીનામા આવતા રહે છે. રાજીનામા આપનારાઓને કોઈ રોકી શકતું નથી. જા તેઓ પક્ષ અને તેમનું ભવિષ્ય ઇચ્છતા હોય, તો પક્ષ મહત્વપૂર્ણ છે. જા પક્ષ હોય, તો બાકીનું બધું જ છે.”મુખ્યમંત્રીએ કહ્યું, “હું પણ રાજીનામું આપી શક્યો હોત કારણ કે જ્યારે ધરમસિંહ અને સિદ્ધારમૈયા મુખ્યમંત્રી હતા ત્યારે મને મંત્રી બનાવવામાં આવ્યો ન હતો. શું પરમેશ્વર (ઉપમુખ્યમંત્રી) અને મારી પાસે ધીરજ નહોતી? જ્યારે વીરેન્દ્ર પાટિલ મુખ્યમંત્રી હતા, ત્યારે બાંગરપ્પા, ખડગે (કોંગ્રેસ પ્રમુખ મલ્લિકાઅર્જુન ખડગે), અને ધરમસિંહને મંત્રી બનાવવામાં આવ્યા ન હતા. શું બાંગરપ્પા અને સિંહ પછી મુખ્યમંત્રી બન્યા ન હતા? ધીરજ રાખવી જાઈએ.”મુખ્યમંત્રી ડીકે શિવકુમારે વ્યક્તિ કરતાં પક્ષ વધુ મહત્વપૂર્ણ હોવાનું જણાવતા કહ્યું, “જા કોઈ રાજીનામું આપે છે, તો હું થોડીવારમાં તેને સ્વીકારી લઈશ.” મુખ્યમંત્રીની આ જાહેરાતથી કર્ણાટક કોંગ્રેસ છાવણીમાં ખળભળાટ મચી ગયો છે.કર્ણાટકમાં સોમવારે મંત્રીમંડળનું વિસ્તરણ થયું. ડીકે શિવકુમાર સરકારમાં ઓગણીસ નવા મંત્રીઓએ શપથ લીધા. દરમિયાન, કર્ણાટક કોંગ્રેસના વરિષ્ઠ ધારાસભ્ય દિનેશ ગુંડુ રાવે મુખ્યમંત્રી ડીકે શિવકુમારના નેતૃત્વ હેઠળના મંત્રીમંડળમાં સમાવેશ ન થવા પર નિરાશા વ્યક્ત કરી. પાર્ટીના બ્રાહ્મણ ચહેરા રાવ, અગાઉની સિદ્ધારમૈયા સરકારમાં આરોગ્ય પ્રધાન હતા.