ભૂમિ પેડનેકર ૧૧ વર્ષથી ફિલ્મ ઉદ્યોગમાં છે. તેણીએ ૨૦૧૫ માં ‘દમ લગા કે હઈશા’ થી ડેબ્યૂ કર્યું હતું, જેના માટે તેણીએ ઘણું વજન વધાર્યું હતું. તેણીએ ફિલ્મમાં તેના અભિનયથી દર્શકોને પ્રભાવિત કર્યા હતા. આ ફિલ્મમાં તેણીએ આયુષ્માન ખુરાના સાથે મુખ્ય ભૂમિકા ભજવી હતી. ત્યારબાદ તેણીએ અક્ષય કુમાર સાથે “ટોઇલેટ” અને રાજકુમાર રાવ સાથે “બધાઈ દો” જેવી ફિલ્મોમાં કામ કર્યું. દરમિયાન, ભૂમિ પેડનેકર ફરી એકવાર સમાચારમાં છે. અભિનેત્રીએ તાજેતરમાં ભવિષ્યમાં રાજકારણમાં પ્રવેશવાની શકયતા વિશે ચર્ચા કરતા કહ્યું કે દેશની સેવા કરવી હંમેશા તેના માટે મહત્વપૂર્ણ રહી છે.
ભૂમિ પેડનેકર મહારાષ્ટ્રના ભૂતપૂર્વ ગૃહ અને શ્રમ મંત્રી સતીશ પેડનેકરની પુત્રી છે. દ્ગડ્ઢ્ફ મરાઠીના “મંચ” સાથેની એક મુલાકાત દરમિયાન, ભૂમિ પેડનેકરે રાજકારણમાં જાડાવા અંગેના પ્રશ્નોના જવાબ આપ્યા. તેણીએ કહ્યું કે તેણીનું વર્તમાન ધ્યાન તેના ફિલ્મી કારકિર્દી પર છે. રાજકારણમાં પ્રવેશવા વિશે પૂછવામાં આવતા, તેણીએ કહ્યું કે તેણીનું વર્તમાન કાર્ય દેશને પાછું આપવાનો માર્ગ છે, પરંતુ તે ભવિષ્યમાં નોંધપાત્ર પરિવર્તન લાવવા માટે અન્ય માર્ગો માટે પણ ખુલ્લી છે. આનો અર્થ એ છે કે ભૂમિએ રાજકારણમાં જાડાવા અંગેના પ્રશ્નોને સીધા નકારી કાઢ્યા ન હતા. અભિનેત્રીના પિતા, સતીશ પેડનેકર, મહારાષ્ટ્રના ભૂતપૂર્વ ગૃહ અને શ્રમ મંત્રી હતા.
મહારાષ્ટ્રમાં મહિલા સશકતીકરણ પર એક કાર્યક્રમમાં ચર્ચા દરમિયાન, ભૂમિ પેડણેકર, રાજકારણમાં જાડાવાના પ્રશ્નનો જવાબ આપતા કહ્યું, “જુઓ, મારા દેશની સેવા મારા લોહીમાં છે. ગમે તે સ્વરૂપ હોય, હું મારી વાર્તાઓ સાથે જે કરી રહી છું તે ચાલુ રાખવાનો પ્રયાસ કરી રહી છું. જા મને ભવિષ્યમાં આ કાર્યમાં ઊંડા ઉતરવાની બીજી તક મળે, તો શા માટે નહીં?”
ભૂમિ પેડણેકર આગળ કહે છે, “મારી પાસે ખૂબ જ સરળ વિચારધારા છે, અને તે છે કે, હું મારા દેશની શકય તેટલી સેવા કરીશ. તેથી, હું સ્ક્રીનની બહાર જે પણ કામ કરું છું, તે એટલા માટે જ કરું છું. કારણ કે હું તે જ છું. ગમે તે સ્વરૂપ લે.” એટલે કે, ભૂમિએ રાજકારણમાં જાડાવાનો સીધો ઉલ્લેખ કર્યો નથી, પરંતુ તેણીએ ચોક્કસપણે સંકેત આપ્યો છે કે જા તેણીને તક મળે, તો તે રાજકારણમાં પોતાનું નસીબ અજમાવી શકે છે.
કામના મોરચે, ભૂમિ પેડનેકર છેલ્લે પ્રાઇમ વિડિયો શ્રેણી ‘દલદલ’ માં જાવા મળી હતી, જે જાન્યુઆરી ૨૦૨૬ માં રિલીઝ થઈ હતી. આ શ્રેણીમાં, તેણીએ એક પોલીસ અધિકારીની ભૂમિકા ભજવી હતી જે એક સાયકો કિલરની શોધમાં છે. હાલમાં, તેના અન્ય પ્રોજેક્ટ્સ વિશે કોઈ માહિતી નથી.
