ઇંગ્લેન્ડના યુવા બેટ્સમેન જેકબ બેથેલે ભારત સામેની બીજી સેમિફાઇનલમાં શાનદાર સદી ફટકારી હતી. આ મેચમાં, તેણે રન આઉટ થતાં પહેલાં ૪૮ બોલમાં આઠ ચોગ્ગા અને સાત છગ્ગાની મદદથી ૧૦૫ રન બનાવ્યા હતા. બેથેલ ઇંગ્લેન્ડની ઇનિંગની ૨૦મી ઓવરમાં રન આઉટ થયો હતો. આ મેચમાં બેથેલે સદી ફટકારી, પરંતુ તે પોતાની ટીમને જીત તરફ દોરી શકયો નહીં. જાકે, સદી ફટકારીને, તેણે એક એવો રેકોર્ડ બનાવ્યો જે આંતરરાષ્ટ્રીય ક્રિકેટમાં પહેલાં કોઈ અન્ય ખેલાડીએ હાંસલ કર્યો ન હતો.
જેકબ બેથેલ ક્રિકેટ ઇતિહાસમાં પ્રથમ ખેલાડી બન્યો જેણે આંતરરાષ્ટ્રીય મેચમાં લિસ્ટ એ, ફર્સ્ટ-ક્લાસ અને ટી૨૦ ફોર્મેટમાં પોતાની પહેલી સદી ફટકારી. તેની પહેલા કોઈ ખેલાડીએ આવો રેકોર્ડ હાંસલ કર્યો ન હતો. વાનખેડે સ્ટેડિયમમાં ફટકારેલી સદી બેથેલની ટી૨૦ કારકિર્દીની પહેલી સદી હતી. તે આંતરરાષ્ટ્રીય ક્રિકેટમાં પોતાની પહેલી ફર્સ્ટ-ક્લાસ, લિસ્ટ એ અને ટી૨૦ સદી ફટકારનાર વિશ્વનો પ્રથમ ખેલાડી બન્યો. તેના ડેબ્યૂ પહેલા, બેથેલના નામે કોઈ સદી નહોતી, પરંતુ હવે તેણે ત્રણેય ફોર્મેટમાં સદી ફટકારી છે.
જેકબ બેથેલ ટી ૨૦ વર્લ્ડ કપમાં સદી ફટકારનાર ઇંગ્લેન્ડના ચોથા બેટ્સમેન બન્યા. તેમના પહેલા, એલેક્સ હેલ્સે ૨૦૧૪ માં શ્રીલંકા સામે સદી ફટકારી હતી. જાસ બટલરે ૨૦૨૧ માં શ્રીલંકા સામે સદી ફટકારી હતી, અને હેરી બ્રુકે પાકિસ્તાન સામે તે જ વર્લ્ડ કપમાં સદી ફટકારી હતી. હવે, જેકબ બેથેલ આ દિગ્ગજાની યાદીમાં જાડાયા છે. બેથેલે ટીમ ઇન્ડિયા સામે સદી ફટકારી હતી.
૨૨ વર્ષીય બેથેલે ૧૦૫ રન બનાવીને આઇસીસી ટી ૨૦ વર્લ્ડ કપ નોકઆઉટમાં સૌથી વધુ ઇનિંગ્સનો રેકોર્ડ બનાવ્યો છે. ન્યૂઝીલેન્ડના ફિન એલને પ્રથમ સેમિફાઇનલમાં સદી ફટકારીને ઇતિહાસ રચ્યો હતો, ટી ૨૦ વર્લ્ડ કપ નોકઆઉટમાં સદી ફટકારનાર પ્રથમ ખેલાડી બન્યો હતો. તેણે દક્ષિણ આફ્રિકા સામેની મેચમાં ૧૦૦ રનની અણનમ ઇનિંગ્સ રમી હતી. બીજા જ દિવસે, બેથેલે ૧૦૫ રન બનાવીને ફિન એલનનો રેકોર્ડ તોડ્યો હતો. ઇંગ્લેન્ડ હાર સાથે વર્લ્ડ કપમાંથી બહાર થઈ ગયું. ટી ૨૦ વર્લ્ડ કપ ૨૦૨૬ ની ફાઇનલ ૮ માર્ચે અમદાવાદના નરેન્દ્ર મોદી સ્ટેડિયમ ખાતે ભારત અને ન્યુઝીલેન્ડ વચ્ચે રમાશે.
