આંધ્રપ્રદેશમાં એક મોટો અકસ્માત થયો. કાશીબુગ્ગાના વેંકટેશ્વર સ્વામી મંદિરમાં એકાદશીના અવસર પર મોટી ભીડ એકઠી થઈ હતી. અચાનક ભાગદોડ મચી ગઈ, જેમાં ઘણા લોકો કચડાઈ ગયા. આ અકસ્માતમાં ઘણા ભક્તોના મોતની આશંકા છે.મંદિરમાં આવી દુર્ઘટના પહેલી વાર બની નથી; અગાઉ પણ આવી જ દુઃખદ ઘટનાઓમાં ઘણા લોકો મૃત્યુ પામ્યા છે.છેલ્લા ૨૦ વર્ષમાં ઘણા મંદિરોમાં નાસભાગ મચી છે જેમાં ૨૭ જુલાઈ, ૨૦૨૫ઃ ૨૭ જુલાઈ, ૨૦૨૫ ના રોજ, હરિદ્વાર મનસા દેવી મંદિરમાં મોટી ભીડ એકઠી થયા બાદ ભાગદોડ મચી હતી, જેમાં છ લોકો માર્યા ગયા હતા અને ઘણા લોકો ઘાયલ થયા હતા. કોઈએ અફવા ફેલાવી હતી કે વીજળીનો કરંટ લાગ્યો હતો, જેના કારણે આ અકસ્માત થયો હતો.૩ મે, ૨૦૨૫ઃ ગોવાના શિરગાંવ ગામમાં શ્રી લૈરાઈ દેવી મંદિરમાં વાર્ષિક ઉત્સવ દરમિયાન ભાગદોડ મચી, જેમાં છ ભક્તોના મોત થયા અને ૧૦૦ થી વધુ લોકો ઘાયલ થયા.૨૯ જાન્યુઆરી, ૨૦૨૫ઃ પ્રયાગરાજમાં આયોજિત મહાકુંભ દરમિયાન મોડી રાત્રે ઝપાઝપી થઈ, જેના કારણે ભાગદોડ મચી ગઈ. આ સમય દરમિયાન ભીડે નીચે સૂતા લોકોને કચડી નાખ્યા. સત્તાવાર આંકડાઓ અનુસાર, અકસ્માતમાં ૩૦ લોકો મૃત્યુ પામ્યા અને ૬૦ લોકો ઘાયલ થયા. જાકે, અન્ય અહેવાલો આ આંકડા ઘણા વધારે દર્શાવે છે.૮ જાન્યુઆરી, ૨૦૨૫ઃ તિરુમાલા હિલ્સમાં ભગવાન વેંકટેશ્વર સ્વામી મંદિરમાં “વૈકુંઠ દ્વાર દર્શનમ” માટે ટિકિટ ખરીદવા માટે હજારો ભક્તો એકઠા થયા હતા. ભીડને કારણે ભાગદોડ મચી ગઈ હતી, જેના પરિણામે છ લોકો માર્યા ગયા હતા અને ઘણા લોકો ઘાયલ થયા હતા.૨ જુલાઈ, ૨૦૨૪ઃ ઉત્તર પ્રદેશના હાથરસમાં, ભોલે બાબા, જેમને નારાયણ સાકર હરિ તરીકે પણ ઓળખવામાં આવે છે, તેમને સમર્પિત સત્સંગમાં પ્રસાદ લેવા માટે લોકોની ભીડ એકબીજાને કચડી નાખવા લાગી. આ ભયાનક ભાગદોડમાં મહિલાઓ અને બાળકો સહિત ૧૦૦ થી વધુ લોકો મૃત્યુ પામ્યા હતા.૩૧ માર્ચ, ૨૦૨૩ઃ રામ નવમી નિમિત્તે ઇન્દોરના એક મંદિરમાં હવનનું આયોજન કરવામાં આવ્યું હતું. મોટી ભીડ એકઠી થઈ ગઈ હતી, અને એક પ્રાચીન વાવ ઉપરનો સ્લેબ તૂટી પડ્યો હતો. આ અકસ્માતમાં આશરે ૩૬ લોકો મૃત્યુ પામ્યા હતા.
૧ જાન્યુઆરી, ૨૦૨૨ઃ જમ્મુ અને કાશ્મીરમાં માતા વૈષ્ણો દેવી મંદિરમાં ભાગદોડ મચી, જેમાં ૧૨ લોકો માર્યા ગયા અને ૩૦ થી વધુ ઘાયલ થયા.
૧૪ જુલાઈ, ૨૦૧૫ઃ આંધ્રપ્રદેશના રાજમુન્દ્રીમાં ગોદાવરી નદીના કિનારે પુષ્કરમ ઉત્સવ દરમિયાન ભાગદોડ મચી, જેમાં ૨૭ શ્રદ્ધાળુઓના મોત થયા.
૧૩ ઓક્ટોબર, ૨૦૧૩ઃ મધ્યપ્રદેશના દતિયામાં રતનગઢ મંદિર પાસે એક અફવાને કારણે હજારો લોકો એકઠા થયા. નવરાત્રિ ઉત્સવ દરમિયાન થયેલી આ ભાગદોડમાં ૧૧૫ લોકો માર્યા ગયા અને ઘણા લોકો ઘાયલ થયા.
૮ નવેમ્બર, ૨૦૧૧ઃ હરિદ્વારના પ્રખ્યાત હર-કી-પૌરી ઘાટ પર ગંગા નદીમાં પવિત્ર સ્નાન દરમિયાન ભાગદોડ મચી, જેમાં ૨૦ લોકો માર્યા ગયા.
૧૪ જાન્યુઆરી, ૨૦૧૧ઃ કેરળના ઇડુક્કી જિલ્લામાં એક કાર શ્રદ્ધાળુઓની ભીડ પર અથડાવી, જેમાં ભાગદોડ મચી ગઈ જેમાં ૧૦૪ સબરીમાલા ભક્તોના મોત થયા.
૪ માર્ચ, ૨૦૧૦ઃ ઉત્તર પ્રદેશના પ્રતાપગઢમાં રામ જાનકી મંદિરમાં મફત ભોજન અને કપડાં માટે ભાગદોડ મચી, જેમાં ૬૩ લોકો માર્યા ગયા.
૩૦ સપ્ટેમ્બર, ૨૦૦૮ઃ રાજસ્થાનના જાધપુરમાં ચામુંડા દેવી મંદિરમાં બોમ્બ વિસ્ફોટની અફવા ફેલાઈ, જ્યારે સેંકડો ભક્તો હાજર હતા. આ ભાગદોડમાં આશરે ૨૫૦ ભક્તોના મોત થયા.
૩ ઓગસ્ટ, ૨૦૦૮ઃ હિમાચલ પ્રદેશના બિલાસપુરમાં નૈના દેવી મંદિરમાં અફવા ફેલાઈ, જેમાં ૧૬૨ લોકો માર્યા ગયા. કેટલાક લોકોએ પથ્થરમારો થવાની અફવા ફેલાવી, જેના કારણે ભાગદોડ મચી ગઈ.
૨૫ જાન્યુઆરી, ૨૦૦૫ઃ મહારાષ્ટ્રના સતારામાં આવેલા મંધરાદેવી મંદિરમાં, નાળિયેર તોડવાનો પ્રયાસ કરતી વખતે લોકો સીડી પરથી નીચે લપસી ગયા, જેના કારણે નાસભાગ મચી ગઈ અને ૩૪૦ લોકોનાં મોત થયા.
