સુપ્રીમ કોર્ટે સ્પષ્ટતા કરી કે હિમાચલ પ્રદેશમાં ખાનગી જમીન પર સૂકા, પડી ગયેલા, ફૂગગ્રસ્ત અને સડેલા ખેર વૃક્ષો કાપવા પર કોઈ પ્રતિબંધ નથી. મુખ્ય ન્યાયાધીશ સૂર્યકાંત, ન્યાયાધીશ જાયમલ્યા બાગચી અને ન્યાયાધીશ વિપુલ એમ. પંચોલીની બનેલી બેન્ચે ગુરુવારે આ અવલોકન કર્યું.
બેન્ચે નોંધ્યું કે ૧૯૯૬માં લાદવામાં આવેલા રાજ્યના પહાડી વિસ્તારોમાં વૃક્ષ કાપવા પરના પ્રતિબંધમાં ૧૬ ફેબ્રુઆરી, ૨૦૧૮ અને ૧૦ મે, ૨૦૨૩ના રોજના આદેશો દ્વારા સુધારો કરવામાં આવ્યો હતો, જેમાં ખૈરના વૃક્ષો કાપવાની મંજૂરી આપવામાં આવી હતી. આ કેસમાં નિયુક્ત કરાયેલા એમિકસ ક્્યુરી કે. પરમેશ્વરે જણાવ્યું હતું કે હાઈકોર્ટે આ મામલો સબ-જ્યુડિસ તરીકે ગણાવીને હસ્તક્ષેપ કરવાનો ઇનકાર કર્યો હતો.
અરજદારોએ શરૂઆતમાં જિલ્લા વન અધિકારી પાસેથી મૃત વૃક્ષો કાપવાની પરવાનગી માંગી હતી, પરંતુ જ્યારે પરવાનગી નકારવામાં આવી ત્યારે તેઓએ હાઈકોર્ટ અને પછી સુપ્રીમ કોર્ટનો સંપર્ક કર્યો. બેન્ચે રાજ્ય સરકારને ૧૦ મે, ૨૦૨૩ ના આદેશનું પાલન કરીને આવા કાપણી પરવાનગીના મુદ્દાઓને ઉકેલવા માટે એક સમિતિની રચના કરવાનો નિર્દેશ આપ્યો હતો. એજન્સી
વૃક્ષ કાપવાના કરાર ખાનગી એજન્સીઓને ન આપવા જાઈએઃ નોંધનીય છે કે ૨૦૧૮ માં, સુપ્રીમ કોર્ટે નિર્દેશ આપ્યો હતો કે ખેર વૃક્ષો કાપવાનું કામ સીધા વન વિભાગ અથવા હિમાચલ પ્રદેશ રાજ્ય વન નિગમ દ્વારા કરવામાં આવે, અને ખાનગી એજન્સીઓને કરાર ન આપવામાં આવે. તેણે એ પણ નિર્દેશ આપ્યો હતો કે દરેક કાપણી કામગીરી પહેલાં, દરમિયાન અને પછી વિડિઓગ્રાફી સુનિશ્ચિત કરવામાં આવે, અને ઓછામાં ઓછા ૨૫ ટકા પરિપક્વ ખેર વૃક્ષોને “માતા વૃક્ષો” તરીકે સાચવવામાં આવે.
