શિકોહપુર જમીન સોદા કેસમાં રોબર્ટ વાડ્રાને દિલ્હી હાઈકોર્ટ તરફથી કોઈ રાહત મળી નથી. હાઈકોર્ટે ટ્રાયલ કોર્ટ દ્વારા જારી કરાયેલ સમન્સને પડકારતી તેમની અરજી પર સુનાવણી કરી. સુનાવણી દરમિયાન, ઈડીએ રોબર્ટ વાડ્રાની અરજીનો વિરોધ કર્યો. ઈડીએ જણાવ્યું હતું કે અરજી જાળવવા યોગ્ય નથી.
એન્ફોર્સમેન્ટ ડિરેક્ટોરેટે એવો પણ આરોપ લગાવ્યો હતો કે કેસ સાથે સંબંધિત કેટલીક હકીકતો છુપાવવામાં આવી હતી. દરમિયાન, રોબર્ટ વાડ્રાએ કોર્ટમાં દલીલ કરી હતી કે જે પૂર્વનિર્ધારિત ગુનાઓ પર આધારિત પીએમએલએ લાદવામાં આવ્યો હતો તે કથિત ઘટનાના ઘણા સમય પછી પીએમએલએ શેડ્યૂલમાં શામેલ હતા.
સુનાવણી પછી, દિલ્હી હાઈકોર્ટે રોબર્ટ વાડ્રાને ઈડીની દલીલોનો જવાબ દાખલ કરવા માટે સમય આપ્યો. હાઈકોર્ટે આગામી સુનાવણી ૧૮ મેના રોજ નક્કી કરી છે. હાલમાં, રોબર્ટ વાડ્રાએ ટ્રાયલ કોર્ટ દ્વારા જારી કરાયેલ સમન્સ મુજબ હાજર રહેવું પડશે. રાઉઝ એવન્યુ કોર્ટે રોબર્ટ વાડ્રાને ૧૬ મેના રોજ હાજર રહેવા માટે સમન્સ જારી કર્યું છે.
૧ સપ્ટેમ્બર, ૨૦૧૮ ના રોજ ગુરુગ્રામ પોલીસે દાખલ કરેલી એફઆઈઆર (નંબર ૨૮૮) મુજબ, શિકોહપુરમાં જમીન બનાવટી દસ્તાવેજાનો ઉપયોગ કરીને ખરીદવામાં આવી હતી, અને રોબર્ટ વાડ્રા પર મિલકત માટે વાણિજયક લાઇસન્સ મેળવવા માટે તેમના પ્રભાવનો દુરુપયોગ કરવાનો આરોપ હતો. ઈડ્ઢ એ નવી દિલ્હીની રાઉઝ એવન્યુ કોર્ટમાં ૧૧ વ્યક્તિઓ અને સંસ્થાઓ વિરુદ્ધ ચાર્જશીટ દાખલ કરી હતી. ચાર્જશીટમાં નામ આપવામાં આવેલા લોકોમાં રોબર્ટ વાડ્રા, સત્યાનંદ યાજી, કવલ સિંહ વિર્ક, સ્કાયલાઇટ હોસ્પિટાલિટી પ્રાઇવેટ લિમિટેડ અને ઓમકારેશ્વર પ્રોપર્ટીઝ પ્રાઇવેટ લિમિટેડનો સમાવેશ થાય છે.
