મહારાષ્ટ્રમાં, પ્રફુલ્લ પટેલ અને સુનીલ તટકરેને સ્વર્ગસ્થ અજિત પવારની રાષ્ટ્રવાદી કોંગ્રેસ પાર્ટી (એનસીપી) માં વધુ ધ્યાન મળશે કે પછી બંને નેતાઓ ફક્ત રાજ્યસભા અને લોકસભાના સભ્યો તરીકે જ પક્ષમાં રહેશે તે પ્રશ્ન હાલમાં રાજકીય વર્તુળોમાં ચર્ચાનો વિષય છે. મહારાષ્ટ્રના નાયબ મુખ્યમંત્રી અને રાષ્ટ્રવાદી કોંગ્રેસ પાર્ટીના પ્રમુખ સુનેત્રા પવારે સત્તા સંભાળ્યા પછી પવાર પરિવારનો પ્રભાવ વધાર્યો છે. પાર્ટી દ્વારા રાષ્ટ્રીય સચિવ તરીકે નિયુક્ત થયા પછી, નાના પુત્ર જય પવારે પણ બારામતીમાં જાહેર દરબારનું આયોજન કર્યું હતું. પરિણામે, પ્રફુલ્લ પટેલ અને સુનીલ તટકરેના રાજકીય ભવિષ્ય અંગે વિવિધ ચર્ચાઓ શરૂ થઈ છે, જેઓ અગાઉ એનસીપીમાં મુખ્ય નિર્ણય લેનારા રહ્યા છે.
સુનેત્રા પવારે એક સાથે તેમના બંને પુત્રોને સંગઠનમાં લાવ્યા બાદ રાષ્ટÙવાદી કોંગ્રેસ પાર્ટીમાં ખળભળાટ મચી ગયો છે. કેટલાક નેતાઓ આને નવી પેઢીનો સમાવેશ ગણાવી રહ્યા છે, જ્યારે ૬૦ વર્ષથી વધુ ઉંમરના નેતાઓ તેમના ભવિષ્ય વિશે ચિંતિત છે. આ બીજી વખત છે જ્યારે સુનીલ તટકરે અને પ્રફુલ્લ પટેલને એનસીપીમાં અવગણવામાં આવ્યા છે. ૧૦ માર્ચે, જ્યારે સુનેત્રા પવારે પાર્ટી પ્રમુખ તરીકેની તેમની ચૂંટણી અંગે ચૂંટણી પંચને પત્ર લખ્યો હતો, ત્યારે તેમણે આ બંને નેતાઓના હોદ્દાનો ઉલ્લેખ કર્યો ન હતો. તેમણે ૧૪ પદાધિકારીઓની યાદી મોકલી હતી, જેમાં તેમણે ફક્ત તેમના પદ (પક્ષ પ્રમુખ) અને શિવાજીરાવ ગર્જેના પદ (ખજાનચી)નો ઉલ્લેખ કર્યો હતો. પત્રમાં પટેલ, તટકરે અને ખાદ્ય અને નાગરિક પુરવઠા મંત્રી છગન ભુજબળ સહિત અન્ય પદાધિકારીઓના હોદ્દાનો ઉલ્લેખ કરવામાં આવ્યો ન હતો. જ્યારે તેમણે એનસીપી કારોબારી યાદી મોકલી ત્યારે સુનીલ તટકરે અને પ્રફુલ્લ પટેલના નામ પ્રથમ યાદીમાં નહોતા.
જ્યારે વિવાદ વધ્યો, ત્યારે સુનેત્રા પવારે જણાવ્યું કે ચૂંટણી પંચને સુપરત કરાયેલી યાદીમાં કેટલીક ટેકનિકલ ભૂલો હતી અને સ્પષ્ટતા કરી કે આ ભૂલો ટૂંક સમયમાં સુધારી લેવામાં આવશે. યાદીમાં સુનેત્રા પવારને રાષ્ટ્રીય અધ્યક્ષ, પાર્થ પવારને મહાસચિવ અને જય પવારને રાષ્ટ્રીય સચિવ તરીકે સૂચિબદ્ધ કરવામાં આવ્યા હતા, પરંતુ કાર્યકારી પ્રમુખ તરીકે સેવા આપનારા પ્રફુલ્લ પટેલનો ઉલ્લેખ ફક્ત રાજ્યસભાના નેતા તરીકે કરવામાં આવ્યો હતો. તેવી જ રીતે, સુનીલ તટકરે, જે હાલમાં એનસીપીના મહારાષ્ટ્ર રાજ્ય પ્રમુખ છે, તેમનો ફક્ત લોકસભાના નેતા તરીકે ઉલ્લેખ કરવામાં આવ્યો હતો. તેમના સંગઠનાત્મક હોદ્દાઓનો ઉલ્લેખ ન થતાં વિવાદ ઉભો થયો.
આ વિવાદ બાદ, એવી ચર્ચા છે કે આગામી થોડા દિવસોમાં પરિસ્થિતિ સ્પષ્ટ થઈ શકે છે. સૂત્રો કહે છે કે સુનેત્રા અને તેમના પુત્રો, પાર્થ અને જય, સુનીલ તટકરેનો સંપર્ક કરીને બેઠકની વિનંતી કરી છે. સૂત્રોના જણાવ્યા અનુસાર, આ મુદ્દાને સ્પષ્ટ કરવા માટે આગામી થોડા દિવસોમાં બેઠક યોજાવાની શક્યતા છે. અજિત પવારના નેતૃત્વ હેઠળની એનસીપીઁ, મહારાષ્ટ્રમાં મહાયુતિ (મહાગઠબંધન) અને કેન્દ્રમાં નો એક ઘટક છે. એનસીપી પાસે કેન્દ્ર સરકારમાં કોઈ મંત્રી નથી. ચોમાસુ સત્ર પહેલા કેન્દ્રીય મંત્રીમંડળમાં ફેરબદલની સંભાવનાને જાતાં,એનસીપીમાંથી કોણ મંત્રી બને છે તે જાવાનું બાકી છે. પાર્થ પવાર મંત્રી બને છે, સુનીલ તટકરે બને છે કે પ્રફુલ્લ પટેલ શપથ લે છે.
