પંજાબની ડ્રાફ્ટ મતદાર યાદીમાંથી ભાજપના રાજ્યસભા સાંસદ રાઘવ ચઢ્ઢાનું નામ ગાયબ થવાથી રાજકીય વિવાદ ઉભો થયો છે. ચૂંટણી પંચે ચઢ્ઢાની નોંધણી “કાયમી રીતે ખસેડવામાં આવી” તરીકે નોંધી છે. ચઢ્ઢાએ આ વાતને માત્ર કારકુની અથવા વહીવટી ભૂલ તરીકે નકારી કાઢી અને પંજાબમાં આમ આદમી પાર્ટી સરકાર પર રાજકીય બદલો લેવાનો આરોપ લગાવ્યો.
રાઘવ ચઢ્ઢાએ સોશિયલ મીડિયા પ્લેટફોર્મ એકસ પર પોસ્ટ કરીને જણાવ્યું હતું કે તેઓ પંજાબના વર્તમાન રાજ્યસભા સાંસદ છે અને તેમનું મતદાર ઓળખપત્ર મોહાલીમાં નોંધાયેલું છે. તેમણે દાવો કર્યો હતો કે તેમણે ૨૦૨૪ની લોકસભા ચૂંટણીમાં મોહાલીમાં મતદાન કર્યું હતું, છતાં તેમનું નામ ડ્રાફ્ટ મતદાર યાદીમાં “શિફ્ટેડ” તરીકે સૂચિબદ્ધ છે.
ચઢ્ઢાએ જણાવ્યું હતું કે આ હાલમાં ડ્રાફ્ટ મતદાર યાદી છે, અંતિમ યાદી નથી. તેમના મતે, ચૂંટણી પંચના દાવા અને વાંધાઓની પ્રક્રિયા તેમના નામને ફરીથી સમાવવા માટે ચાલી રહી છે, અને તેઓ સ્પેશિયલ ઇન્ટેન્સીવ રિવિઝન એક્ટ હેઠળ ઉપલબ્ધ કાનૂની પ્રક્રિયાનો ઉપયોગ કરી રહ્યા છે. તેમણે ઉમેર્યું હતું કે અંતિમ મતદાર યાદી ઓક્ટોબર ૨૦૨૬ માં પ્રકાશિત થવાની છે.
ચઢ્ઢાએ તેમની પોસ્ટમાં આરોપ લગાવ્યો હતો કે પંજાબ સરકારના અધિકારીઓ તેમના નામને ‘શિફ્ટેડ’ તરીકે ચિÂહ્નત કરવાથી લઈને તેને ચકાસવા અને ઉચ્ચ સ્તરે પ્રક્રિયા કરવા સુધીની સમગ્ર પ્રક્રિયામાં સામેલ હતા. તેમણે પ્રશ્ન કર્યો હતો કે કયા અધિકારીએ તેમને ‘શિફ્ટેડ’ તરીકે ચિહ્નત કર્યા, કોણે તેની ચકાસણી કરી અને કોણે તેને આગળ પ્રક્રિયા કરી. ચઢ્ઢાનો દાવો છે કે આ બધા સ્તરોના પંજાબ સરકારના અધિકારીઓ ચૂંટણી ફરજ બજાવી રહ્યા છે. તેમણે એવો પણ આરોપ લગાવ્યો કે અધિકારીઓની બદલીઓ, પોસ્ટીંગ અને કારકિર્દી પર રાજ્ય સરકારનો પ્રભાવ તેમના પર રાજકીય દબાણ લાવી શકે છે.
આમ આદમી પાર્ટીએ પણ રાઘવ ચઢ્ઢાના આરોપોનો જવાબ આપ્યો છે. આપે પોસ્ટ કર્યું, “એક રાષ્ટ્રીય દૈનિક અંગ્રેજી અખબારે રાઘવ ચઢ્ઢાને જૂની પ્રક્રિયા દ્વારા દિલ્હીમાં પોતાની મતદાર નોંધણી કરાવવાનો પ્રયાસ કરતા પકડ્યા છે. હવે તેઓ સમગ્ર મામલા માટે આમ આદમી પાર્ટી અને પંજાબ સરકાર પર દોષારોપણ કરવાનો પ્રયાસ કરી રહ્યા છે. એસઆઇઆર રાજ્ય સરકાર નહીં, પણ ચૂંટણી પંચ દ્વારા સંચાલિત થાય છે. તેથી, મતદાર યાદીમાંથી કોનું નામ સામેલ કરવું કે દૂર કરવું તે નક્કી કરવામાં પંજાબ સરકારની કોઈ ભૂમિકા નથી.
આપએ વધુમાં કહ્યું, “આ જાહેર રેકોર્ડનો વિષય છે કે રાઘવ ચઢ્ઢા દિલ્હીમાં રહે છે, પંજાબમાં નહીં. જો તે હવે પંજાબમાં રહેતો નથી, તો તેની મતદાર નોંધણી જાળવવાની અથવા ટ્રાન્સફર કરવાની જવાબદારી તેની પોતાની હતી.” હવે તેઓ તેમની મતદાર એન્ટ્રીઓ કાઢી નાખવા માટે આપ કે પંજાબ સરકારને જવાબદાર ઠેરવી શકતા નથી.”
ભાજપ સાંસદે આરોપ લગાવ્યો કે તેમણે આમ આદમી પાર્ટી છોડી ત્યારથી પાર્ટી નેતૃત્વ તેમનાથી નારાજ છે અને પંજાબ પોલીસ અને રાજ્યના વહીવટી તંત્રનો ઉપયોગ તેમની વિરુદ્ધ થઈ રહ્યો છે. તેમણે દાવો કર્યો હતો કે આપ છોડીને ભાજપમાં જોડાયેલા અન્ય સાંસદોને પણ પંજાબ સરકાર દ્વારા નિશાન બનાવવામાં આવ્યા છે. તેમની પોસ્ટમાં, ચઢ્ઢાએ જણાવ્યું હતું કે મતદાર યાદીમાં તેમનું ખોટું વર્ગીકરણ આ કથિત રાજકીય બદલોનો એક ભાગ છે.
રાઘવ ચઢ્ઢાએ ચૂંટણી પંચની વિગતવાર એસઆઇઆર માર્ગદર્શિકાના ફકરા ૪નો પણ ઉલ્લેખ કર્યો. તેમનો દાવો છે કે આ જાગવાઈ હેઠળ, દાવાઓ અને વાંધાના સમયગાળા દરમિયાન જરૂરી દસ્તાવેજા એકત્રિત કરવામાં મદદ કરવા માટે સાંસદો, ધારાસભ્યો, ન્યાયતંત્રના અધિકારીઓ અને કેટલીક અન્ય જાહેર હસ્તીઓના નામ “સંરક્ષિત સૂચિ” હેઠળ ડ્રાફ્ટ મતદાર યાદીમાં શામેલ કરવા જાઈએ.
ચઢ્ઢા કહે છે કે તેઓ પંજાબના વર્તમાન સાંસદ છે. અને ભલે તેમનું નામ અગાઉ કોઈ કારણોસર ‘ધ્વજાંકિત’ હોવા છતાં, આ જોગવાઈએ તેમને ડ્રાફ્ટ મતદાર યાદીમાં સામેલ કરવા જોઈતા હતા. તેમણે આરોપ લગાવ્યો કે તેમના કેસમાં આ નિર્દેશને જાણી જોઈને અવગણવામાં આવ્યો છે. તેમણે પોતાની પોસ્ટનો અંત એમ કહીને કર્યો કે છછઁ પંજાબ સરકાર ચલાવી શકે છે, પરંતુ પંજાબની ડ્રાફ્ટ મતદાર યાદી તેની વ્યક્તિગત મિલકત નથી.
