જો તમે મે મહિનામાં બેંક સંબંધિત કોઈપણ મહત્વપૂર્ણ કાર્ય પૂર્ણ કરવાનું આયોજન કરી રહ્યા છો, તો આ સમાચાર તમારા માટે ખૂબ જ મહત્વપૂર્ણ છે. એપ્રિલના અંત સાથે, એક નવો મહિનો શરૂ થવાનો છે, અને તેની સાથે, બેંક રજાઓની એક લાંબી યાદી પણ બહાર પાડવામાં આવી છે. રિઝર્વ બેંક ઓફ ઇન્ડિયાના કેલેન્ડર મુજબ, મે ૨૦૨૬ માં બેંકો કુલ ૧૩ દિવસ માટે બંધ રહેશે. આમાં સાપ્તાહિક રજાઓ, તેમજ ઘણા તહેવારો અને વર્ષગાંઠોનો સમાવેશ થાય છે. જા તમે અગાઉથી આયોજન નહીં કરો, તો તમારા મહત્વપૂર્ણ કાર્યમાં વિલંબ થઈ શકે છે. મહત્વપૂર્ણ વાત એ છે કે, કેટલીક રજાઓ દેશભરમાં લાગુ થશે, જ્યારે અન્ય પસંદગીના રાજ્યો સુધી મર્યાદિત રહેશે.
મે મહિનામાં બેંકો ક્યારે બંધ રહેશે?
મે મહિનામાં, ૧, ૩, ૯, ૧૦, ૧૬, ૧૭, ૨૩, ૨૪, ૨૬, ૨૭, ૨૮ અને ૩૧ મે ના રોજ બેંકો બંધ રહેશે. નીચે સંપૂર્ણ યાદી જુઓ.
રજાઓ માટેની તારીખો
૧ મેઃ સમગ્ર ભારત (ગુજરાત, ઓડિશા, સિક્કિમ, રાજસ્થાન, નાગાલેન્ડ અને મેઘાલય સિવાય)
૯ મેઃ પશ્ચિમ બંગાળ
૧૬ મેઃ સિક્કિમ
૨૬ મેઃ ત્રિપુરા
૨૭ મેઃ સમગ્ર ભારત (મહારાષ્ટ્ર, કર્ણાટક, તમિલનાડુ, સિક્કિમ, અરુણાચલ પ્રદેશ, રાજસ્થાન, ગોવા અને બિહાર સિવાય)
૨૮ મેઃ મહારાષ્ટ્ર, કર્ણાટક, તમિલનાડુ, જમ્મુ અને કાશ્મીર, રાજસ્થાન, ગોવા અને બિહાર
૩, ૧૦, ૧૭, ૨૪ અને ૩૧ મે રવિવાર છે, જ્યારે બીજા અને ચોથા શનિવારને કારણે બેંકો ૯ અને ૨૩ મેના રોજ બંધ રહેશે.
જા તમારી પાસે ચેક કલીયરન્સ, લોન પ્રોસેસિંગ અથવા રોકડ સંબંધિત કોઈ મહત્વપૂર્ણ બેંકિંગ કાર્ય હોય, તો આ રજાઓ માટે અગાઉથી યોજના બનાવો. બેંક શાખાઓ બંધ હોઈ શકે છે, ગ્રાહકોએ ગભરાવાની જરૂર નથી. રજાઓ દરમિયાન ઓનલાઈન બેંકિંગ, મોબાઈલ એપ્સ અને એટીએમ સેવાઓ ૨૪/૭ કાર્યરત રહેશે. તમે તમારા ઘરના આરામથી ફંડ ટ્રાન્સફર અને અન્ય મહત્વપૂર્ણ વ્યવહારો સરળતાથી કરી શકો છો.
