ભારતના મુખ્ય ન્યાયાધીશ (સીજેઆઇ) સૂર્યકાન્તે શનિવારે કાયદાના સ્નાતકોને ન્યાય જાળવી રાખવા, સ્વતંત્રતાનું રક્ષણ કરવા અને બંધારણીય મૂલ્યો પ્રત્યે પ્રતિબદ્ધ રહેવા અપીલ કરી. તેમણે કહ્યું કે કાનૂની વ્યવસાય માટે હિંમત, પ્રામાણિકતા અને એવા લોકોને સાંભળવાની ક્ષમતાની જરૂર હોય છે જેમનો અવાજ ઘણીવાર સાંભળવામાં આવતો નથી.સીજેઆઈ બેંગલુરુમાં નેશનલ લો સ્કૂલ ઓફ ઇન્ડિયા યુનિવર્સિટી (એનએલએસઆઈયુ) ના ૩૪મા વાર્ષિક દીક્ષાંત સમારોહને સંબોધિત કરી રહ્યા હતા. તેમણે કહ્યું, “કાનૂની શિક્ષણ ફક્ત શૈક્ષણિક જ્ઞાન સુધી મર્યાદિત ન હોવું જાઈએ. તેનો હેતુ વિદ્યાર્થીઓને વિવિધ વિચારો અને દ્રષ્ટિકોણને સમજવા અને સમાજની સેવા કરવા માટે તૈયાર કરવાનો પણ છે.
સૂર્યકાંતે વિદ્યાર્થીઓને કહ્યું, “હું ફક્ત તમને અભિનંદન આપતો નથી, પરંતુ મને તમારી પાસેથી ઘણી અપેક્ષાઓ પણ છે.” તેમણે ઉમેર્યું, “કાનૂની શિક્ષણનો હેતુ ફોજદારી અથવા બંધારણીય કાયદાના સિદ્ધાંતો શીખવા પૂરતો મર્યાદિત નથી. તેનું સાચું મૂલ્ય એવા લોકોના દ્રષ્ટિકોણને મળવા અને સમજવાના અનુભવમાં રહેલું છે જેઓ દુનિયાને આપણાથી અલગ રીતે જુએ છે.”કાનૂની વ્યવસાયની જવાબદારીઓ પર ભાર મૂકતા, મુખ્ય ન્યાયાધીશે કહ્યું કે કાયદાઓ અને કોર્ટના નિર્ણયોનું જ્ઞાન પૂરતું નથી. ન્યાય માટે ઊભા રહેવાની હિંમત અને જેમના અવાજાને ઘણીવાર અવગણવામાં આવે છે તેમની ચિંતાઓને સમજવા માટે નમ્રતાની પણ જરૂર છે.
તેમણે કહ્યું, “કાનૂની વ્યવસાય નબળા હૃદયવાળા લોકો માટે નથી. “તે માટે કાયદા અને કોર્ટના નિર્ણયોનું જ્ઞાન જરૂરી છે, સાથે ન્યાયનો બચાવ કરવાની હિંમત અને ઘણીવાર અવગણવામાં આવતા અવાજાને સાંભળવાની નમ્રતા પણ જરૂરી છે.”સીજેઆઇએ નવા કાયદા સ્નાતકોને સગવડ માટે તેમના સિદ્ધાંતો સાથે સમાધાન ન કરવા અને વ્યાવસાયિક જીવનમાં શોર્ટકટ લેવાનું ટાળવાની ચેતવણી આપી. તેમણે વિદ્યાર્થીઓને વિનંતી કરી કે તેઓ સંસ્થામાં શીખેલા મૂલ્યોને તેમના કાર્યનું માર્ગદર્શન આપે. સૂર્ય કાંતે કહ્યું કે કાનૂની વ્યવસાય દ્વારા સમાજની સેવા કરવાથી ઊંડો સંતોષ મળી શકે છે. વકીલો અન્યાય દૂર કરવામાં, વ્યતિગત સ્વતંત્રતાનું રક્ષણ કરવામાં અને બંધારણના મૂલ્યોને જાળવી રાખવામાં મહત્વપૂર્ણ ભૂમિકા ભજવી શકે છે.મુખ્ય ન્યાયાધીશે વિદ્યાર્થીઓને દેશ પ્રત્યેની તેમની વ્યાપક જવાબદારીને ઓળખવા વિનંતી કરી. તેમણે કહ્યું કે રાષ્ટÙ અપેક્ષા રાખે છે કે તેઓ માત્ર કાનૂની વ્યાવસાયિકો તરીકે જ નહીં પરંતુ સમાજમાં પણ યોગદાન આપે. તેમણે કહ્યું, “જ્યારે તમે દુનિયામાં પગ મુકો છો, ત્યારે જાણો કે દેશ તમને માત્ર કાનૂની વ્યાવસાયિકો તરીકે જ નહીં પરંતુ આશાના સંદેશવાહક તરીકે પણ જુએ છે.”
