મહીસાગર જિલ્લામાં કેમિકલ ડમ્પિંગ સાઇડને લઈને સ્થાનિકોમાં ભારે રોષ જાવા મળ્યો છે. ડમ્પિંગ સાઇડ બંધ કરવાની માંગ સાથે મોટી સંખ્યામાં લોકો રસ્તા પર ઉતર્યા હતા અને અમદાવાદ-લુણાવાડા હાઇવે પર ચક્કાજામ કરીને વિરોધ નોંધાવ્યો હતો. ઘટનાને પગલે હાઇવે પર ટ્રાફિકની અવરજવર પ્રભાવિત થઈ હતી.
સ્થાનિક લોકોનો આક્ષેપ છે કે કેમિકલ ડમ્પિંગના કારણે આસપાસના પાણીના †ોતો પ્રદૂષિત થઈ રહ્યા છે. તેમના જણાવ્યા મુજબ, કેટલાક વિસ્તારોમાં પાણી લાલ રંગનું જાવા મળી રહ્યું છે. સાથે જ ગામમાં વિવિધ પ્રકારની બીમારીઓ ફેલાઈ રહી હોવાનો પણ લોકોનો દાવો છે. રહેવાસીઓનું કહેવું છે કે અનેક પરિવારોમાં લોકો સતત બીમાર પડી રહ્યા છે, જેના કારણે ઘરોમાં સારવાર લઈ રહેલા દર્દીઓની સંખ્યા વધી રહી છે. પ્રદર્શનકારીઓએ વધુમાં આક્ષેપ કર્યો કે અગાઉ પણ અનેક વખત રજૂઆતો અને આંદોલનો કરવામાં આવ્યા હતા, પરંતુ ડÂમ્પંગ સાઇડ સામે અસરકારક કાર્યવાહી થઈ નથી. તેમનું કહેવું છે કે આ સ્થિતિ લોકોના સ્વાસ્થ્ય માટે ગંભીર જાખમ ઊભું કરી રહી છે.
વિરોધ દરમિયાન પ્રદર્શનકારીઓએ સ્પષ્ટ કર્યું કે જ્યાં સુધી કેમિકલ ડમ્પિંગ સાઇડ બંધ કરવામાં નહીં આવે ત્યાં સુધી તેમનું આંદોલન ચાલુ રહેશે. ચક્કાજામના કારણે સ્થિતિ તંગ બનતા પોલીસનો કાફલો સ્થળ પર પહોંચ્યો હતો. પોલીસે માર્ગ પરથી ટ્રાફિક ફરી શરૂ કરાવવા કાર્યવાહી હાથ ધરી અને કેટલાક પ્રદર્શનકારીઓની અટકાયત કરી હતી. હાલ સમગ્ર વિસ્તારમાં કાયદો અને વ્યવસ્થાની સ્થિતિ જાળવવા પોલીસ બંદોબસ્ત ગોઠવવામાં આવ્યો છે.
કેમિકલ ડમ્પિંગ અને તેના કારણે પાણી તેમજ સ્વાસ્થ્ય પર પડતી અસર અંગે સ્થાનિકો દ્વારા કરવામાં આવેલા આક્ષેપોની સંબંધિત વિભાગો દ્વારા તપાસ કરવામાં આવે તેવી માંગ પણ ઉઠી રહી છે.






































