પાકિસ્તાન ફરી એકવાર કાશ્મીર મુદ્દા પર પ્રચાર ફેલાવવાની તૈયારી કરી રહ્યું છે. અહેવાલો અનુસાર, પાકિસ્તાન કાશ્મીર મુદ્દા પર સમર્થન મેળવવા માટે બ્રિટન અને યુરોપિયન દેશોમાં સંસદીય પ્રતિનિધિમંડળ મોકલવાની તૈયારી કરી રહ્યું છે. આમાં આ દેશોના સંસદસભ્યો, નીતિ નિર્માતાઓ, થિંક ટેન્ક અને મીડિયા સંગઠનો સાથે ચર્ચાનો સમાવેશ થશે. જા કે, આને પીઓકેમાં ચાલી રહેલા બળવાથી ધ્યાન હટાવવા માટે પાકિસ્તાન દ્વારા એક ભયાવહ પ્રયાસ તરીકે જાવામાં આવી રહ્યું છે.
ઈસ્લામાબાદ આ પગલું એવા સમયે લઈ રહ્યું છે જ્યારે તે પાકિસ્તાન કબજા હેઠળના કાશ્મીરમાં સૌથી મોટા વિરોધ પ્રદર્શનોનો સામનો કરી રહ્યું છે. જોઈન્ટ આવામી એક્શન કમિટીએ પાકિસ્તાનને ૨૧ જુલાઈ સુધીમાં તેની માંગણીઓ પૂરી કરવા માટે અલ્ટીમેટમ આપ્યું છે, અને ચેતવણી આપી છે કે જા તે આમ કરવામાં નિષ્ફળ જાય તો તે સંપૂર્ણ યુદ્ધ માટે તૈયાર રહેશે.
કાશ્મીર અંગે પાકિસ્તાનની નવી યોજના આ અઠવાડિયે પાકિસ્તાનની કહેવાતી સંસદીય કાશ્મીર સમિતિ અને ઈસ્લામાબાદ ચેમ્બર ઓફ કોમર્સ એન્ડ ઇન્ડસ્ટ્રીના પ્રતિનિધિમંડળ વચ્ચે ઈસ્લામાબાદમાં યોજાયેલી બેઠક દરમિયાન જાહેર કરવામાં આવી હતી. આ સંસદીય કાશ્મીર સમિતિનું નેતૃત્વ શાહબાઝ શરીફ સરકારના મંત્રી રાણા મોહમ્મદ કાસિમ નૂન કરી રહ્યા છે.
મીટિંગ દરમિયાન, નૂનને માહિતી આપી કે સંસદીય સમિતિ સંસદસભ્યો, નીતિ નિર્માતાઓ, થિંક ટેન્ક, મીડિયા પ્રતિનિધિઓ અને પાકિસ્તાની અને કાશ્મીરી સમુદાયોના સભ્યો સાથે વાતચીત કરવા માટે યુકે અને યુરોપિયન યુનિયનની મુલાકાત લેવાની યોજના બનાવી રહી છે. વધુમાં, સમિતિ આગામી અઠવાડિયામાં ઇસ્લામાબાદમાં કાશ્મીર પર રાષ્ટ્રીય પરિષદ યોજવાનું પણ આયોજન કરી રહી છે.
પાકિસ્તાને સતત જમ્મુ અને કાશ્મીરને આંતરરાષ્ટ્રીય મુદ્દો બનાવવાનો પ્રયાસ કર્યો છે, જેને નવી દિલ્હી વારંવાર નકારી કાઢ્યું છે. ભારતે પુનરોચ્ચાર કર્યો છે કે જમ્મુ અને કાશ્મીર ભારતનો અભિન્ન અને અવિભાજ્ય ભાગ છે. નવી દિલ્હીનું કહેવું છે કે કાશ્મીર પર ભારત અને પાકિસ્તાન વચ્ચે ફક્ત દ્વિપક્ષીય વાટાઘાટો જ થઈ શકે છે, અને એકમાત્ર મુદ્દો ગેરકાયદેસર રીતે કબજે કરેલા ભારતીય પ્રદેશને ખાલી કરાવવાનો છે.
જ્યારે પાકિસ્તાન કાશ્મીર તરફ ધ્યાન દોરવાનો પ્રયાસ કરી રહ્યું છે, ત્યારે તે ભારત દ્વારા સિંધુ જળ સંધિને સ્થગિત કરવાથી પણ ચિંતિત છે. તાજેતરના સમયમાં, ઇસ્લામાબાદે સિંધુ જળ સંધિ અંગે સંયુક્ત રાષ્ટ્ર સહિત અનેક આંતરરાષ્ટ્રીય મંચો પર અપીલ કરી છે. તાજેતરમાં, પાકિસ્તાને ઇસ્લામાબાદમાં સિંધુ જળ સંધિ પર એક આંતરરાષ્ટ્રીય પરિષદનું આયોજન કર્યું હતું, જેનો ઉદ્દેશ્ય આ મુદ્દા પર વૈશ્વિક ધ્યાન દોરવાનો હતો.
