દેશની રાજધાની દિલ્હી દર વર્ષે આગની આપત્તિનો સામનો કરે છે. તાજેતરમાં જ પાલમ આગ લાગી છે જેમાં નવ લોકો મૃત્યુ પામ્યા, છે આગનો કોઈ રિપોર્ટ બહાર આવ્યો નથી જા કે દિલ્હી આગની ઘટનામાં મોટો ખુલાસો થયો છે વીજ પુરવઠો ખોરવાઈ જવાને કારણે સેન્ટ્રલ લોકિંગ અને એક સીડી જામ થઈ ગઈ હતી; ભાગી જવાના રસ્તાઓ બ્લોક થઈ ગયા હતા.
દિલ્હી ફાયર સર્વિસના ડેટા અનુસાર, ૨૦૨૪માં આગમાં ૧૧૩ લોકોના મોત થયા હતા, જે ૨૦૨૫માં ઘટીને ૭૬ થઈ ગયા હતા. ૩ મે, ૨૦૨૬ સુધીમાં, ૪૫ લોકોએ જીવ ગુમાવ્યા છે અને ૨૦૦ થી વધુ લોકો ઘાયલ થયા છે. રોહિણી અને પાલમ જેવી ઘટનાઓ આ ભયાનક વાસ્તવિકતા દર્શાવે છે.
૧૫ એપ્રિલનો ભયાનક દિવસ એ દિવસ હતો જ્યારે રોહિણીના બુધ વિહાર વિસ્તારમાં આગ લાગી હતી જેણે બધાને ચોંકાવી દીધા હતા. એક ઝૂંપડપટ્ટી આગમાં લપેટાઈ ગઈ હતી, જેમાં પતિ, પત્ની અને તેમની ત્રણ વર્ષની પુત્રીનું મોત નીપજ્યું હતું. આગ એટલી ભયાનક હતી કે પરિવારને બચવાનો રસ્તો પણ ન મળ્યો અને તેઓ જીવતા બળી ગયા.
૧૮ માર્ચની સવારે, દિલ્હીના પાલમ વિસ્તારમાં લોકો જાગી રહ્યા હતા ત્યારે, એક ચાર માળની ઇમારત આગમાં લપેટાઈ ગઈ. આ ભયાનક આગમાં એક જ પરિવારના નવ સભ્યો જીવતા બળી ગયા, જ્યારે ત્રણ અન્ય ગંભીર રીતે ઘાયલ થયા. આ દુઃખદ ઘટનામાં મૃત્યુઆંક માત્ર આંકડાકીય નથી, પરંતુ દિલ્હીની વહીવટી અયોગ્યતા અને સલામતીના ધોરણોની અવગણનાનું ભયાનક ચિત્ર છે.
સામાન્ય દિવસોમાં, દરરોજ સરેરાશ ૮૦-૯૦ આગના કોલ આવે છે, પરંતુ એપ્રિલમાં, આ આંકડો ૧૪૦ સુધી પહોંચી ગયો. આગની ઘટનાઓ ફક્ત એક વિસ્તાર સુધી મર્યાદિત નથી, પરંતુ ઝૂંપડપટ્ટી, કચરાના ઢગલા, ગોદામો અને રહેણાંક મકાનો સહિત તમામ સ્થળોએથી કોલ આવી રહ્યા છે.
