પહલગામ આતંકવાદી હુમલા પછી શરૂ કરાયેલ ઓપરેશન સિંદૂરની પ્રથમ વર્ષગાંઠ પર, આપણી ભારતીય વાયુસેનાએ એક ખાસ વિડિઓ રિલીઝ કરી જે રાષ્ટ્રને લશ્કરી કાર્યવાહીની યાદ અપાવે છે જેણે ફક્ત ૮૮ કલાકમાં દુશ્મનને જારદાર જવાબ આપ્યો. આ વિડીયો ભારતીય વાયુસેનાના સત્તાવાર એકસ હેન્ડલ પરથી બરાબર ૧ઃ૦૫ વાગ્યે આતંકવાદી ઠેકાણાઓ પરના પહેલા હુમલાના સમયે પ્રકાશિત કરવામાં આવ્યો હતો. આ વિડીયોમાં વાયુસેનાની તૈયારીઓ, ઓપરેશન સિંદૂરની રણનીતિ અને તેના ચોક્કસ હુમલાઓનું પ્રદર્શન કરવામાં આવ્યું હતું.
વિડીયોમાં ભારતીય સેના તરફથી એક મજબૂત સંદેશ પણ આપવામાં આવ્યો હતો. વિડીયો સાથેની ઠ પોસ્ટમાં લખ્યું હતું કે, “ઓપરેશન સિંદૂર દ્વારા ન્યાય મળ્યો. કાર્યવાહીમાં ચોક્કસ, સ્મૃતિમાં અમર, ઓપરેશન સિંદૂર ચાલુ રહે છે. ભારત કંઈ ભૂલતું નથી અને કોઈને માફ કરતું નથી.”
અહેવાલો અનુસાર, ભારતીય સુરક્ષા એજન્સીઓ અને સેનાએ પહેલગામ આતંકવાદી હુમલા પછી ઝડપી કાર્યવાહી કરી અને ૮૮ કલાકની અંદર ઓપરેશન સિંદૂર હાથ ધર્યું. ઓપરેશન સિંદૂરમાં પાકિસ્તાનમાં આતંકવાદી ઠેકાણાઓ અને તેમના સંકળાયેલા નેટવર્કને નિશાન બનાવવામાં આવ્યા હતા.
આઇએએફ દ્વારા બહાર પાડવામાં આવેલ વિડીયો લશ્કરી કાર્યવાહીના કેટલાક મુખ્ય દ્રશ્યો અને સૈનિકોની તૈયારીઓ દર્શાવે છે, જે સ્પષ્ટ કરે છે કે ભારત તેની સુરક્ષા સાથે કોઈ સમાધાન કરવાના મૂડમાં નથી.
ભારતીય વાયુસેના દ્વારા બહાર પાડવામાં આવેલ આ વીડિયો સોશિયલ મીડિયા પર ઝડપથી વાયરલ થઈ રહ્યો છે. અસંખ્ય યુઝર્સ સેનાની કાર્યવાહી અને સૈનિકોની બહાદુરીની પ્રશંસા કરી રહ્યા છે. આવા વીડિયો માત્ર ભારતીય સેનાના મનોબળને જ પ્રદર્શિત કરતા નથી પરંતુ દુશ્મનને આપણી લશ્કરી ક્ષમતાઓ વિશે સંદેશ પણ આપે છે.
