દક્ષિણ આફ્રિકાની ટીમ હાલમાં ટી ૨૦ ત્રિકોણીય શ્રેણી રમવા માટે નામિબિયાના પ્રવાસે છે, જેમાં ઝિમ્બાબ્વે ત્રીજી ટીમ છે. ૨૮ ઓગસ્ટથી શરૂ થયેલી ટી ૨૦ ત્રિકોણીય શ્રેણીની પહેલી જ મેચમાં મોટો અપસેટ જાવા મળ્યો, જેમાં દક્ષિણ આફ્રિકાની ટીમ આઇસીસી ટી ૨૦ ટીમ રેન્કિંગમાં ૧૪મા ક્રમાંકિત નામિબિયા સામે ૧૮ રનથી હારી ગઈ. આ મેચમાં, યજમાન નામિબિયાએ પ્રથમ બેટિંગ કરી અને ૨૦ ઓવરમાં ૯ વિકેટ ગુમાવીને ૧૬૩ રન બનાવ્યા. આ લક્ષ્યનો પીછો કરવા ઉતરેલી દક્ષિણ આફ્રિકાની ટીમ ૨૦ ઓવરમાં ૯ વિકેટ ગુમાવીને ફક્ત ૧૪૫ રન જ બનાવી શકી. આ બીજી વખત છે જ્યારે નામિબિયાએ ટી ૨૦ આંતરરાષ્ટ્રીય મેચોમાં દક્ષિણ આફ્રિકાને હરાવ્યું છે, તેણે અત્યાર સુધી આફ્રિકન ટીમ સામે ફક્ત બે મેચ રમી છે.
નામિબિયા સામેની ટી ૨૦ ત્રિકોણીય શ્રેણીની પ્રથમ મેચમાં, દક્ષિણ આફ્રિકાની ટીમની શરૂઆત ખરાબ રહી હતી, ૧૬૪ રનના લક્ષ્યનો પીછો કરતી વખતે તેણે તેના બંને ઓપનિંગ બેટ્સમેન ૧૯ રનમાં ગુમાવી દીધા હતા. ત્યારબાદ તેમને ૩૯ રનના સ્કોર પર ટોની ડી જ્યોર્જીના રૂપમાં ત્રીજા ફટકો પડ્યો. ત્યાંથી, ડેવાલ્ડ બ્રેવિસે રૂબેન હર્મન સાથે મળીને ચોથી વિકેટ માટે ૩૯ રનની ભાગીદારી કરીને આફ્રિકન ટીમને મેચમાં પાછી લાવવાનો પ્રયાસ કર્યો. જાકે, ૭૮ રનના સ્કોર પર જ્યોર્જીના આઉટ થવાથી નામિબિયાને સ્પર્ધામાં પાછા ફરવાની તક મળી. બ્રેવિસે ઇનિંગ્સને એક સાથે રાખી, પરંતુ બીજા છેડેથી સતત વિકેટો પડતાં તેને ટીમને વિજય તરફ દોરી જવામાં રોકી. બ્રેવિસ ૭૫ રન બનાવીને પેવેલિયન પરત ફર્યા, જ્યારે દક્ષિણ આફ્રિકાના સાત ખેલાડીઓ બે આંકડા સુધી પહોંચી શક્યા નહીં.
ટ્રમ્પેલમેન અને સમિટે બોલ સાથે શાનદાર પ્રદર્શન કર્યું. નામિબિયાની બોલિંગમાં રુબેન ટ્રમ્પેલમેન અને જેજે સમિટે ત્રણ-ત્રણ વિકેટ લીધી, જેના કારણે ત્રિકોણીય શ્રેણીની પહેલી મેચમાં નામિબિયાને આફ્રિકન ટીમને હરાવવામાં મદદ મળી. દરમિયાન, જેક બ્રાસેલ, કેપ્ટન ગેરહાર્ડ ઇરાસ્મસ અને મેક્સ હીંગોએ એક-એક વિકેટ લીધી. નામિબિયાના ઓપનિંગ બેટ્સમેન, જાન ફ્રાયલિંકે બેટિંગમાં શાનદાર ૬૦ રન બનાવ્યા.
