અભિનેતા-નિર્માતા અને કથિત ફિલ્મ વિવેચક કમલ આર ખાન ઘણીવાર તેમની વિવાદાસ્પદ સોશિયલ મીડિયા પોસ્ટ્સ માટે હેડલાઇન્સમાં રહે છે. ગયા શુક્રવારે, મુંબઈ પોલીસે તેમની અટકાયત કરી હતી. કમલ આર ખાન, જેને કેઆરકે તરીકે પણ ઓળખવામાં આવે છે, તેની ૧૮ જાન્યુઆરીએ મુંબઈના ઓશિવારા સ્થિતિ અંધેરી સ્થિતિ રહેણાંક મકાનમાં ચાર રાઉન્ડ ફાયરિંગ કરવાના આરોપસર ધરપકડ કરવામાં આવી હતી. પોલીસ પૂછપરછ બાદ તેમની ધરપકડ કરવામાં આવી હતી અને તેઓ કોર્ટમાં હાજર થશે.
સમાચાર અનુસાર, મુંબઈના ઓશિવારા વિસ્તારમાં થયેલી ગોળીબારની ઘટનાના સંદર્ભમાં પૂછપરછ બાદ અભિનેતા-નિર્માતા કમલ આર ખાનની ધરપકડ કરવામાં આવી છે. તેઓ કોર્ટમાં હાજર થશે. વધુ તપાસ ચાલુ છે, એમ મુંબઈ પોલીસે જણાવ્યું.
ઓશિવારા ગોળીબાર કેસમાં કેઆરકેએ પોલીસ કસ્ટડીમાં પોતાનો ગુનો કબૂલ્યો. મુંબઈ પોલીસની ટીમે કેઆરકેની પૂછપરછ કરી. કેઆરકેએ સ્વીકાર્યું કે તેણે તેની લાઇસન્સવાળી બંદૂકથી ગોળીબાર કર્યો હતો. તેણે એ પણ સ્પષ્ટતા કરી કે તે બંદૂક સાફ કરી રહ્યો હતો અને તેને તપાસવા માટે તેણે ઘરની સામેના જંગલ વિસ્તારમાં ગોળીબાર કર્યો હતો. તેનો ઈરાદો કોઈને નુકસાન પહોંચાડવાનો નહોતો.
પોલીસે કેઆરકેની બંદૂક પણ જપ્ત કરી છે. અહેવાલો અનુસાર, ગોળીબારની ઘટના ૧૮ જાન્યુઆરીએ ઓશિવારા વિસ્તારમાં આવેલી એક ઇમારતમાં બની હતી. રહેણાંક ઇમારત પર ગોળીઓ ચલાવવામાં આવી હતી. પોલીસે નાલંદા સોસાયટીમાંથી બે ગોળીઓ મળી આવી હતી. એક બીજા માળેથી અને બીજી ઇમારતના ચોથા માળેથી મળી આવી હતી. આમાંથી એક ઘર લેખક-દિગ્દર્શકનું છે અને બીજું મોડેલનું છે. ડિરેક્ટર અને મોડેલના ઘરે ગોળીબારથી ઓશિવારા વિસ્તારમાં સનસનાટી મચી ગઈ હતી. જાકે, ગોળીબારમાં કોઈને ઈજા થઈ નથી.
ઓશિવારા પોલીસે કેઆરકેનું શંકાસ્પદ હથિયાર જપ્ત કર્યું છે. તેને લગતા દસ્તાવેજાની તપાસ કરવામાં આવી રહી છે. ઓશિવારા પોલીસના જણાવ્યા અનુસાર, કેઆરકેને શુક્રવારે મોડી સાંજે ઓશિવારા પોલીસ સ્ટેશન લાવવામાં આવ્યો હતો, જ્યાં તેની પૂછપરછ કરવામાં આવી હતી. ઓશિવારા પોલીસ સ્ટેશનની ૧૮ સભ્યોની ટીમ, ક્રાઇમ બ્રાન્ચની ઘણી ટીમો સાથે, કેસની તપાસ કરી રહી હતી. પ્રારંભિક તપાસમાં સીસીટીવી ફૂટેજમાંથી કોઈ નક્કર પુરાવા મળ્યા નથી. ત્યારબાદ, ફોરેન્સિક ટીમની મદદથી, પોલીસે તારણ કાઢ્યું કે ગોળીબાર કમાલ આર. ખાનના બંગલા તરફથી ચલાવવામાં આવ્યો હશે.
પોલીસ પૂછપરછ દરમિયાન કેઆરકેએ સ્પષ્ટતા કરી કે તેનો કોઈને નુકસાન પહોંચાડવાનો ઈરાદો નહોતો. તેણે કહ્યું કે તેના ઘરની સામે એક મોટું મેંગ્રોવ જંગલ છે. બંદૂક સાફ કર્યા પછી, તેણે તેનું પરીક્ષણ કરવા માટે ફાયરિંગ કર્યું. તેને લાગ્યું કે ગોળી મેગ્રોવ જંગલમાં ખોવાઈ જશે, પરંતુ જ્યારે તેણે ફાયરિંગ કર્યું ત્યારે પવન ફૂંકાયો, જેના કારણે ગોળી ઓશિવારામાં એક ઇમારતમાં વાગી.કેઆરકેએ ફિલ્મ “દેશદ્રોહી” માં અભિનય કર્યો છે અને નિર્માતા તરીકે પણ કામ કર્યું છે. આ દિવસોમાં, તે સોશિયલ મીડિયા પર તેની વિવાદાસ્પદ પોસ્ટ્સ માટે હેડલાઇન્સમાં રહે છે, ખાસ કરીને બોલીવુડ સ્ટાર્સ અને ફિલ્મોને લક્ષ્ય બનાવતી તેની પોસ્ટ્સમાં.
