ભૂતપૂર્વ ચીફ ઓફ ડિફેન્સ સ્ટાફ જનરલ અનિલ ચૌહાણે કહ્યું છે કે એશિયાનું ભવિષ્ય મોટાભાગે તેના પર નિર્ભર રહેશે કે ભારત અને ચીન તેમના એક સાથે ઉદયને કેવી રીતે સંચાલિત કરે છે. તેમણે કહ્યું કે બંને દેશો મુખ્ય એશિયન શક્તિઓ, મુખ્ય અર્થતંત્રો અને પ્રાચીન સભ્યતાઓ છે, અને તેમની વચ્ચે સહયોગ અને સ્પર્ધા બંને ચાલુ રહે છે.ભારત રત્ન પંડિત ગોવિંદ વલ્લભ પંતની ૧૩૯મી જન્મજયંતિ નિમિત્તે આયોજિત એક કાર્યક્રમમાં, જનરલ ચૌહાણે ભારત-ચીન સંબંધોના પડકારો અને સંભાવનાઓ પર ચર્ચા કરી. તેમણે જણાવ્યું હતું કે ભારત-ચીન સંબંધો ફક્ત સરહદ વિવાદ સુધી મર્યાદિત ન હોઈ શકે. તેમણે કહ્યું હતું કે, “ચીન અને ભારત બે મુખ્ય એશિયન શક્તિઓ, મોટી અર્થવ્યવસ્થાઓ અને સભ્યતા ધરાવતા રાષ્ટ્રો છે. બંને કેટલાક ક્ષેત્રોમાં સહયોગ કરે છે, પ્રભાવ અને બજારો માટે સ્પર્ધા કરે છે, અને પ્રાદેશિક અને વૈશ્વિક વ્યવસ્થાના વિવિધ પાસાઓ પર અલગ અલગ મંતવ્યો ધરાવે છે.”
જનરલ ચૌહાણે જણાવ્યું હતું કે ભારતે ચીન સાથે સતત વાતચીત જાળવી રાખવાની જરૂર છે. શાંઘાઈ કોઓપરેશન ઓર્ગેનાઇઝેશન અને બ્રિકસ જેવા મંચોનો ઉલ્લેખ કરતા તેમણે જણાવ્યું હતું કે ભારત આ મંચો દ્વારા ચીન સાથે જાડાઈ રહ્યું છે. તેમણે કહ્યું હતું કે એશિયાનું ભવિષ્ય મોટાભાગે ભારત અને ચીન તેમના સમાંતર ઉદયને કેવી રીતે મેનેજ કરે છે તેના પર નિર્ભર રહેશે.પાકિસ્તાન અંગે, જનરલ ચૌહાણે જણાવ્યું હતું કે સરહદ પાર આતંકવાદને કારણે તે ભારત માટે એક મોટી સુરક્ષા ચિંતા રહેશે. તેમણે કહ્યું હતું કે પરમાણુ શ†ોએ ઉચ્ચતમ સ્તરે એક પ્રકારની સ્થિરતા ઉભી કરી છે, પરંતુ નીચલા સ્તરે અશ્થીરતા પણ પ્રોત્સાહન આપ્યું છે. તેમણે આને “Âસ્થરતા વિરોધાભાસ” તરીકે વર્ણવ્યું હતું. તેમણે કહ્યું હતું કે પાકિસ્તાનની વ્યૂહરચના પરંપરાગત લશ્કરી કામગીરી માટે ઉપલબ્ધ જગ્યાને મર્યાદિત કરવાની અને પેટા-પરંપરાગત કામગીરી માટે જગ્યા વધારવાની રહી છે.
ઉભરતા સુરક્ષા પડકારોની ચર્ચા કરતા, ભૂતપૂર્વ સીડીએસે ભૂરાજકીય અનિશ્ચિતતાને વૈશ્વિક સુરક્ષા સામેના સૌથી મોટા પડકારોમાંના એક તરીકે ઓળખાવી. તેમણે કહ્યું કે જૂની વૈશ્વિક શક્તિ સંતુલન નબળી પડી રહી છે, જ્યારે નવી વિશ્વ વ્યવસ્થાની રચનાઓ હજુ પણ આકાર લઈ રહી છે. તેમણે ભારતને ભવિષ્યના પડકારો માટે તૈયાર રહેવાની જરૂરિયાત પર ભાર મૂક્્યો, જેમાં આત્મનિર્ભરતા, ઓછી નબળાઈ, પુરવઠા અને સંસાધનોનું વૈવિધ્યકરણ અને બાહ્ય નિર્ભરતા ઘટાડવા પર ભાર મૂક્્યો.
