પાકિસ્તાનના કરાચીના લ્યારી વિસ્તારમાં જેલમાં બંધ ગેંગસ્ટર ઉઝૈર બલોચના ભાઈ ઝુબૈર બલોચ પર અંધાધૂંધ ગોળીબાર થયાના અહેવાલો સામે આવ્યા છે. આ હુમલામાં ઝુબૈર ગંભીર રીતે ઘાયલ થયો હતો, જ્યારે બે રાહદારીઓ પણ ઘાયલ થયા હતા. ત્રણેયને તાત્કાલિક કરાચીની સિવિલ હોસ્પિટલમાં દાખલ કરવામાં આવ્યા હતા. ચાકીવારા પોલીસના જણાવ્યા અનુસાર, લગભગ ૪૦ વર્ષીય ઝુબૈર બલોચને મુખ્ય ચાકીવારા રોડ પર ગોળી વાગી હતી. દક્ષિણ કરાચીના ડીઆઈજી સૈયદ અસદ રઝાએ જણાવ્યું હતું કે ઝુબૈર સિંગુ લેનમાં તેના ઘરની બહાર બેઠો હતો. આ દરમિયાન, મોટરસાઇકલ પર આવેલા સશ† હુમલાખોરો આવ્યા અને તેમના પર ગોળીબાર કર્યો.
પોલીસના જણાવ્યા અનુસાર, ગુનો કર્યા પછી આરોપી ઘટનાસ્થળેથી ભાગી ગયો હતો. ઝુબૈરને છાતી અને પેટમાં અનેક ગોળી વાગી છે અને નવીનતમ અપડેટ દર્શાવે છે કે તે હજુ પણ ગંભીર સ્મીથમાં છે અને તેની સર્જરી ચાલી રહી છે. ઘાયલ થયેલા બે રાહદારીઓમાંથી એકની હાલત પણ ગંભીર હોવાનું જાણવા મળે છે. ડીઆઈજી અસદ રઝાએ જણાવ્યું હતું કે પોલીસ ગેંગ વોર અને વ્યક્તિગત દુશ્મનાવટ સહિત અનેક ખૂણાથી હુમલાની તપાસ કરી રહી છે. પોલીસે એ પણ ખુલાસો કર્યો હતો કે ઝુબૈર બલોચને ૨૦૧૨ માં સાત ગુનાહિત કેસોમાં ધરપકડ કરવામાં આવી હતી અને બાદમાં જાન્યુઆરી ૨૦૨૫ માં જેલમાંથી મુક્ત કરવામાં આવ્યો હતો.
લ્યારીના એક સામાજિક કાર્યકર્તાએ નામ ન આપવાની શરતે જણાવ્યું હતું કે ઝુબૈર થોડા મહિના પહેલા એક રાજકીય પક્ષમાં જાડાયો હતો અને તેણે પોતાના વિસ્તારમાં તે પક્ષના ધ્વજ પણ લગાવ્યા હતા. સામાજિક કાર્યકર્તાએ એમ પણ કહ્યું હતું કે લ્યારીમાં એવી અફવાઓ છે કે કરાચી ઓપરેશન દરમિયાન દુબઈ અને ઈરાન ભાગી ગયેલા કેટલાક ગેંગસ્ટરો યુએસ-ઈરાન યુદ્ધ પછી પાછા ફર્યા છે. આનાથી વિસ્તારના લોકોમાં જૂના ગેંગ વોરના પાછા ફરવાનો ભય ફેલાયો છે. પ્રત્યક્ષદર્શીઓના જણાવ્યા અનુસાર, હુમલાખોરોએ પોતાના ચહેરા ઢાંકેલા હતા. ઘટના દરમિયાન નજીકની દુકાનના માલિકે વળતો ગોળીબાર કર્યો, જેના પછી હુમલાખોરો ભાગી ગયા.
આ દરમિયાન, જેલમાં બંધ ઉઝૈર બલોચ અનેક ગંભીર કેસોનો સામનો કરી રહ્યો છે. માર્ચમાં, આતંકવાદ વિરોધી અદાલતએ હત્યા, પોલીસ એન્કાઉન્ટર અને વિસ્ફોટકો રાખવા સંબંધિત સાત કેસોમાં તેની જામીન અરજી ફગાવી દીધી હતી. ઉઝૈર બલોચ અને તેના સહયોગીઓ પર ૨૦૧૨ માં કાલાકોટ પોલીસ સ્ટેશન વિસ્તારમાં હથિયારો અને વિસ્ફોટકોથી પોલીસ અને સુરક્ષા દળો પર હુમલો કરવાનો આરોપ છે. એપ્રિલ ૨૦૨૦ ની શરૂઆતમાં, એક લશ્કરી અદાલતે ઉઝૈર બલોચને જાસૂસીનો દોષી ઠેરવ્યો હતો અને તેને ૧૨ વર્ષની જેલની સજા ફટકારી હતી. ઉઝૈર અને ઝુબૈર કુખ્યાત ગેંગસ્ટર રહેમાન ડાકોઇટના ભાઈઓ છે.
