યુરોપિયન મેડિટેરેનિયન સિસ્મોલોજીકલ સેન્ટરએ અહેવાલ આપ્યો છે કે ગુરુવારે ઇન્ડોનેશિયાના ફ્લોરેસ ક્ષેત્રમાં ૫.૯ ની તીવ્રતાનો ભૂકંપ આવ્યો હતો. તેનું કેન્દ્ર ૧૦ કિલોમીટરની ઊંડાઈએ હતું. ફ્લોરેસ નજીક ૭.૭ ની તીવ્રતાના શક્તિશાળી ભૂકંપના થોડા દિવસો પછી આ ભૂકંપ આવ્યો છે, જેમાં ડઝનેક લોકો માર્યા ગયા હતા અને પ્રદેશમાં વ્યાપક વિનાશ થયો હતો. એ નોંધવું જાઈએ કે ૧૫ ઓગસ્ટના રોજ, ફ્લોરેસ ટાપુ નજીક ૭.૭ ની તીવ્રતાનો ભૂકંપ આવ્યો હતો, જેનું કેન્દ્ર પૂર્વ નુસા ટેંગારાના એન્ડેથી લગભગ ૬૮ કિલોમીટર ઉત્તર-ઉત્તરપશ્ચિમમાં હતું. આ છીછરા ભૂકંપને કારણે ભૂસ્ખલન થયું, ઘરોને નુકસાન થયું અને અન્ય અનેક સમસ્યાઓ ઊભી થઈ.
૧૫ ઓગસ્ટના રોજ પૂર્વ ઇન્ડોનેશિયામાં ફ્લોરેસ ટાપુ નજીક એક શÂક્તશાળી ભૂકંપ આવ્યો, જેમાં ઓછામાં ઓછા ૭૩ લોકો માર્યા ગયા અને હજારો લોકોને ભાગી જવાની ફરજ પડી. આ આપત્તિની સંપૂર્ણ અસર બહાર આવતાં, બચાવ અધિકારી ફતુર રહેમાને જણાવ્યું કે ટાપુ પરના ચાર અલગ અલગ શહેરોમાં ઓછામાં ઓછા ૭૩ લોકોના મોતની પુષ્ટિ થઈ છે, જે પ્રવાસીઓમાં લોકપ્રિય છે. સૌથી વધુ અસરગ્રસ્ત વિસ્તાર નાગેકો રીજન્સી તરફ જતી હોડીમાંથી ફોન પર વાત કરતા, ફતુરે કહ્યું, “અમને મળેલા અહેવાલો અનુસાર, ૭૩ લોકો મૃત્યુ પામ્યા છે, છ ઘાયલ થયા છે, અને બે હજુ પણ કાટમાળ નીચે દટાયેલા છે.”શાળાઓ, આરોગ્ય સુવિધાઓ અને સરકારી ઇમારતોને નુકસાન થયું હતું, અને નાના સુનામી મોજા ઉત્પન્ન થયા હતા, જેમાં સૌથી વધુ મોજા આશરે ૧.૬૧ મીટર હતા. પ્રદેશના કેટલાક ભાગો માટે જારી કરાયેલ સુનામી ચેતવણી બાદમાં પાછી ખેંચી લેવામાં આવી હતી.
ઇન્ડોનેશિયાના અધિકારીઓના જણાવ્યા અનુસાર, આ દુર્ઘટનામાં ઓછામાં ઓછા ૭૩ લોકો માર્યા ગયા છે, ૯૦૦ થી વધુ લોકો ઘાયલ થયા છે અને લગભગ ૬૦,૦૦૦ લોકો વિસ્થાપિત થયા છે. મુખ્ય ભૂકંપ પછી ૩,૦૦૦ થી વધુ આફ્ટરશોક્સ અનુભવાયા છે, જેના કારણે લોકો ઉચ્ચ ચેતવણી પર છે અને ભૂસ્ખલન અને ક્ષતિગ્રસ્ત રસ્તાઓને કારણે પહોંચવામાં મુશ્કેલ વિસ્તારોમાં બચાવ અને રાહત પ્રયાસો જટિલ બન્યા છે. લોકો હજુ પણ કાટમાળમાં ફસાયેલા પ્રિયજનોને શોધી રહ્યા છે.
